| 1. |
In Omsendbrief 0030/2006 is lyste voorsien waaruit skole handboeke kon kies vir gr 8, 9 en 11 wat gebruik moet word om die Nasionale Kurrikulumverklaring vanaf 2007 te implementeer.
|
| 2. |
Ongelukkig was daar foute en weglatings op Bylae A wat Omsendbrief 0030/2006 vergesel het. Prinsipale word versoek om die regstellings en byvoegings op Bylae A te maak, soos aangedui op die tabelle hieronder.
|
| 3. |
'n Nuwe rekwisisievorm, Bylae C, is vir bestellings ingesluit.
|
| 4. |
Dit is noodsaaklik dat Bylae D van Omsendbrief 0030/2006 ingevul word, waarin 'n omskrywing versoek word van die skool se plan on handboeke terug te vorder, en saam met die skool se rekwisisie teruggestuur word. Geen bestellings sal vir 'n skool geplaas word tensy Bylae D saam met die rekwisisie teruggestuur word nie.
|
| 5. |
Prinsipale word daaraan herinner dat die seleksie van handboeke betyds met die betrokke onderwysers en vakhoofde bespreek moet word sodat die beste keuses gemaak kan word.
|
| 6. |
Prinsipale word ook daaraan herinner dat skole nie voorrade handboeke mag opbou wat via die spesiale projekte aangekoop word nie en dat SOBIS-data gebruik word om syfers na te gaan. Prinsipale moet egter seker maak dat genoeg boeke bestel word om die verwagte getalle vir die volgende 3 jaar in die graad te akkommodeer.
|
| 7. |
Bylaes C en D moet teen 8 Augustus 2006 teruggestuur word. Let asseblief daarop dat die WKOD nie sal betaal vir laat bestellings nie. |
GETEKEN: S. NAICKER
HOOF: ONDERWYS
DATUM: 2006:07:18
|