| 1. |
Die Wes-Kaap Onderwysdepartement (WKOD) onderneem tans 'n spesiale projek om een handboek per leerder vir elk van die volgende te voorsien:
Tale: Huistaal graad 11
Tale: Afrikaans Eerste Addisionele Taal graad 8, 9 en 11
Tale: Engels Eerste Addisionele Taal graad 8, 9 en 11
Wiskunde graad 8 en 9
Wiskunde of Wiskundige Geletterdheid graad 11
Natuurwetenskap graad 11
Natuurwetenskap graad 9
|
| 2. |
Hierdie projek ondersteun die implementering van die Nasionale Kurrikulumverklaring (NKV) in graad 8, 9 en 11 in 2007 en bevorder in besonder doeltreffende leer en onderrig in Tale, Wiskunde en Wetenskap. Skole is omtrent hierdie projek ingelig in Kurrikulumontwikkelingminuut 0039/2006 en onderwysers is in Kurrikulumontwikkelingminuut 0057/2006 aangemoedig om handboeke tydens die NKV-kursusse gedurende die Junie/Julie-vakansie deur te blaai.
|
| 3. |
Vind asseblief aangeheg die volgende:
Bylae A - Lys van boeke vir spesifieke
vakke in graad 8, 9 en 11
Bylae B - Kriteria vir die seleksie van boeke vir graad 8, 9 en 11
Bylae C - rekwisisievorm
Bylae D - Handboekterugverkryginsvorm
|
| 4. |
'n Seleksiespan bestaande uit departementele amptenare en onderwysers het die boeke deurgegaan op grond van 'n wye reeks kriteria, insluitende versoenbaarheid met die NKV. Boeke moet uit die aangehegte lyste (Bylae A) gekies word. Die WKOD sal nie betaal vir boeke wat nie uit hierdie lyste gekies is nie.
|
| 5. |
Skole moet hulle keuse vir elke vak maak en die WKOD daarvan in kennis stel deur die rekwisisievorm (Bylae C) in te vul. Hierdie rekwisisievorm vereis die volgende van skole:
Kies 2 titels in voorkeurvolgorde (eerste en tweede keuse) vir elke vak.
Gee die aantal leerders wat vir elke vak in 2007 verwag word.
Gee die aantal klasse wat vir elke vak in 2007 verwag word. Let daarop dat die bestelling vir graad 11 in 2007 nie die inskrywing vir graad 11 in 2006 met meer as 8% mag oorskry nie tensy 'n spesiale motivering aan die Direkteur: Kurrikulumontwikkeling gestuur word en dit voor 8 Augustus 2006 goedgekeur word.
Nomineer een goedgekeurde boekverskaffer, wat dan deur die WKOD geskakel sal word om vir aflewering te reël. 'n Bygewerkte lys van goedgekeurde verskaffers is in Logistiekediensteminuut 0014/2006 van 19 April 2006 gegee.
|
| 6. |
Die rekwisisievorm, Bylae C, en die terugverkrygingsplan, Bylae D, moet deur die prinsipaal en voorsitter van die subkomitee onderteken word en teen nie later nie as 12 nm. op Dinsdag, 8 Augustus 2006 aan die volgende adres teruggestuur word:
Vir aandag: Mnr A. Engel
Spesiale Projek: Handboeke vir graad 8, 9 en 11
Onderwys-multisentrum
Privaatsak X14
KUILSRIVIER
7579
Let asseblief daarop dat die WKOD nie sal betaal vir laat bestellings nie.
|
| 7. |
Sodra die boeke afgelewer is, moet hulle op die skool se inventaris aangebring word en op die eerste dag van 2007 aan leerders voorsien word. Leerders moet instruksies kry oor hoe om na die boeke om te sien en 'n plan moet opgestel word om die boeke aan die einde van die jaar terug te verkry. WKOD-amptenare moet die implementering van hierdie vereistes monitor wanneer hulle skole besoek.
|
| 8. |
Die WKOD voorsien graag hierdie handboeke aan skole en vertrou dat hulle aangewend sal word om die gehalte van leer en onderrig in hierdie kernvakke sal verbeter.
|
GETEKEN: D.R. SHEPHERD
HOOF: ONDERWYS
DATUM: 2006:07:03
|