1. Ingevolge die huidige siekteverlofvoorsiening vir die Staatsdiens, soos vervat in die Direktief oor Afwesigheidsverlof vir die Staatsdiens (hierna genoem die Direktief), is ‘n werknemer (wat ook beteken opvoeder vir die doel van hierdie omsendbrief) geregtig op 36 werksdae normale siekteverlof met volle betaling oor ‘n driejaarsiklus. Voor en na die 36 dae benut is, moet hy/sy ‘n mediese sertifikaat van ‘n geregistreerde en erkende mediese praktisyn voorlê vir elke drie of meer dae siekteverlof, waarin die duur van die afwesigheid gemeld word. In gevalle waar daar egter ‘n patroon bespeur kan word in die benutting van siekteverlof, kan daar van die betrokke werknemer vereis word om ‘n mediese sertifikaat selfs vir afwesighede vir tydperke korter as drie werksdae voor te lê.

2.

In Hoofstuk 3, afdeling 23 (1) van die Wet op Basiese Diensvoorwaardes, 1997 (WBDV) word voorsiening gemaak vir die 8-weke-reël. Hierdie bepaling stipuleer dat ‘n werkgewer nie verplig is om ‘n werknemer te besoldig nie indien

  1. die werknemer van werk afwesig was vir meer as twee agtereenvolgende dae, of

  2. die werknemer by meer as twee geleenthede gedurende ‘n agt-weke-tydperk afwesig was, en

op versoek van die werkgewer nie ‘n mediese sertifikaat kan voorlê wat noem dat die werknemer nie in staat was om werk gedurende die afwesigheid op grond van siekte of ‘n besering te verrig nie.

3.

Die Minister vir Staatsdiens en Administrasie het bepaal dat die huidige verlofdirektief uitgebrei moet word om die 8-weke-reël in te sluit. Die volgende verdere direktief sal ook toegepas moet word :

  1. ‘n werknemer wat tydens sy/haar eerste 36 dae normale siekteverlofperiode van werk oor ‘n tydperk van 8 weke by meer as twee geleenthede afwesig was, ongeag die duur van die siekte of besering, ‘n mediese sertifikaat moet voorlê wat bevestig dat daardie werknemer nie in staat was om te werk nie vir die duur van die afwesigheid op grond van siekte of beserings. Indien dit nie gebeur nie, sal sodanige verlof gedek word deur normale vakansieverlof (met die werknemer se goedkeuring) of anders as onbetaalde verlof beskou word.

  2. Die tydperk van 8 weke sal ‘n kalenderperiode wees en ‘n aanvang neem op die eerste dag van die werknemer se afwesigheid op grond van siekte of besering. Enige daarop- volgende dag/dae van afwesigheid as gevolg van siekte of besering na bogemelde tydperk moet dan beskou word as die eerste dag van die volgende tydperk van 8 weke.
4. Bring asseblief die inhoud van hierdie omsendbrief onder die aandag van al u personeellede.


GETEKEN: JH HURTER
HOOF: ONDERWYS
DATUM: 2006:06:08