| 1. |
U aandag word gevestig op die inhoud van Omsendbrief 0019/2006gedateer 20 April 2006 in bogemelde verband.
|
| 2. |
In paragraaf 1.7 van die voormelde omsendbrief word prinsipale van openbare skole versoek om hierdie kantoor, via hul OBOS’e, van die datums te voorsien waarop beheerliggaamverkiesings vir hul skole wat in Mei 2006 en Junie 2006 sal plaasvind. Die datums vir alle skole se verkiesings is nog nie ontvang nie. Dit sal waardeer word indien die betrokke prinsipale die uitstaande inligting voor Woensdag, 31 Mei 2006 by hul OBOS kan ingedien.
|
| 3. |
Dit word weereens beklemtoon dat alle beheerliggaamverkiesings (afgesien van die datum waarop die ampstermyn van beheerliggaam verval) hierdie jaar tussen 1 Mei 2006 en 30 Junie 2006 moet geskied.
|
| 4. |
Na aanleiding van paragraaf 1.5 van voormelde omsendbrief, dui regsadvies wat deur die Wes-Kaap Onderwysdepartement (WKOD) ingewin is daarop dat daar met die verkiesing van ‘n nuwe skoolbeheerliggaam voortgegaan kan word, selfs al het die huidige beheerliggaam se ampstermyn van drie jaar nog nie verstryk nie. Die WKOD is dus binne sy regte om te versoek dat alle skole voortgaan met die verkiesing van hul beheerliggame tussen 1 Mei 2006 en 30 Junie 2006.
|
| 5. |
Alle voorspoed word u toegewens met die verkiesing van u skool se nuwe beheerliggaam. |
GETEKEN: J.H. LYNERS
HOOF: ONDERWYS
DATUM: 2006:05:29
|