1. Dertien nie-amptelike tale is goedgekeur op die volgende vlakke vir die Nasionale Kurrikulumverklaring (NKV) graad 10 – 12 (Algemeen) vir implementering in graad 10 in 2006: 
Arabies Tweede Addisionele Taal 	   
Frans Tweede Addisionele Taal	   
Duits Huistaal en Tweede Addisionele Taal 	   
Goedjarati Huistaal, Eerste en Tweede Addisionele Taal	   
Hebreeus Tweede Addisionele Taal	   
Hindi Huistaal, Eerste en Tweede Addisionele Taal	   
Italiaans Tweede Addisionele Taal	   
Latyn Tweede Addisionele Taal	   
Portugees Huistaal, Eerste en Tweede Addisionele Taal	   
Spaans Tweede Addisionele Taal	   
Tamil Huistaal, Eerste en Tweede Addisionele Taal	   
Telegoe Huistaal, Eerste en Tweede Addisionele Taal	   
Urdu Huistaal, Eerste en Tweede Addisionele Taal
2. Vakverklarings vir die 13 nie-amptelike tale graad 10 – 12 (Algemeen) sal nie op skrif beskikbaar wees nie, maar wel in Junie 2006 op die webtuiste van die Onderwysdepartement by website http://www.education.gov.za, op http://www.thutong.org.za/ en op die WKOD-webtuiste by http://wced.wcape.gov.za.
3. Die Riglyne vir Vakassessering, graad 10 – 12 vir Engels sal van toepassing wees op alle nie-amptelike tale. ‘n Afsonderlike dokument is beskikbaar vir elk van die drie taalvlakke en kan verkry word van die webtuiste http://curriculum.wcape.school.za/site/22/pol/view/ (dokumente AS_18 - AS_20) van die beleidsbladsy van die webtuiste van die WKOD VOO- (Skole) assessering .  Sien "AS 18" (Ist Additional Language), "AS 19" (Home Language) and "AS 20" (2nd Additional Language).
4. Die Leerprogramriglyne vir Vakassessering, graad 10 – 12 vir Engels sal van toepassing wees op alle nie-amptelike tale. Hierdie generiese dokument vir Huistaal, Eerste Addisionele en Tweede Addisionele vlakke kan ook gekry word (dokument LPG_13)op die webbladsy http://curriculum.wcape.school.za/site/22/pol/view/ - sien dokument "LPG 13".
5. Aan nie-offisiële tale wat aangebied word as deel van die leerder se vakkeuse behoort vier uur per week toegeken te word.
6. Die bestaande onderwyserstruktuur van die WKOD dien as basis vir die voortgesette aanbieding van die geïdentifiseerde nie-amptelike tale.
7. Indien ‘n skool ‘n nie-amptelike taal wil aanbied, moet daar by die WKOD aansoek gedoen word vir goedkeuring om so ‘n taal aan te bied.
8. Die Nasionale Senior Sertifikaat laat leerders toe om ‘n maksimum van vier tale aan te bied vir die kwalifikasie. ‘n Leerder mag dus slegs ‘n maksimum van twee addisionele tale aanbied bo en behalwe die twee amptelike tale. Hierdie tale sal Groep B-vakke wees soos geklassifiseer binne die Nasionale Senior Sertifikaat-beleid.
9. Nie-amptelike tale sal vanaf 2008 vir die Nasionale Senior Sertifikaat geëksamineer word, Die Onafhanklike Eksamenraad (OER) sal verantwoordelik wees vir die finale eksterne eksaminering van die nie-amptelike tale.
10. Maak asseblief seker dat die inligting in hierdie omsendbrief met alle personeellede, maar veral taal- en lewensoriënteringonderwysers, die leerders en die ouers gedeel word.


GETEKEN: DR S. NAICKER
HOOF: ONDERWYS
DATUM: 2006:05:07