WCED Omsendbrief:

Inleiding

1.1

Omsendbrief 0011/2006 het die algemene vereistes uiteengesit vir leerders wat die volgende Musiekprogramme aanbied wat deur die betrokke drie eksterne Musiekliggame aangebied word:

Associated Board of Royal Schools of Music Practical Music Examination
Trinity College of London Practical Music Examination
UNISA Praktiese Musiekeksamen

1.2	Leerders wat die Nasionale Kurrikulumverklaring (graad 10 – 12, Algemeen) volg met die oog op die verwerwing van ‘n Nasionale Senior Sertifikaat, moet die driejaar-studieprogram vir alle ingeskrewe vakke voltooi, dit wil sê die sewe vereiste vakke sowel as enige addisionele vakke.

1.3	Hierdie leerders moet ook die nodige interne assessering voltooi, naamlik skoolgebaseerde assessering, wat 25% van die finale assessering vir graad 10 tot 12 sal beloop.

2.	Skoolgebaseerde Assessering (SGA) Die nasionale Departement van Onderwys het provinsies via Omsendbrief S1 van 2006 in kennis gestel van die volgende regulasies en prosedures met betrekking tot die skoolgebaseerde assessering vir hierdie programme:

2.1	Alle leerders, insluitende diegene wat Musiekprogramme onder eksterne Musiekassesseringsliggame volg, moet aan die skoolgebaseerde assesseringsvereistes vir graad 10 – 12 voldoen.

2.2	Die SGA-komponent vir Musiek wat deur hierdie drie eksterne Musiekassesseringsliggame aangebied word, sal bestaan uit VIER take wat geassesseer sal word deur die onderwyser wat die program aanbied.

2.2.1

Elke taak sal uit 25 nagesien word, wat ‘n totaal uit 100 punte sal voorsien. Hierdie punt uit 100 sal die SGA-punt vir die leerder wees.

2.2.2

Die vier take word hieronder gegee:

1.	Beginsels van musiek en harmonie	Leerder sal ‘n afdeling uit ‘n teorie- of harmoniewerksboek of -eksamen doen.	25 punte
2.	Tegniese ontwikkeling	Leerder sal toonlere, arpeggio’s of tegniese studies uitvoer	25 punte
3.	Praktiese voordrag	‘n Opname moet gemaak word van een of meer van die leerder se stukke wat voorberei wordvir die praktiese eksamen.	25 punte
4.	Geskrewe taak	Die leerder sal ‘n geskrewe taak doen oor enige aspek met betrekking tot die praktiese voordrag, soos navorsing oor ‘n komponis of ‘n analise en beskrywing van voorgedrade stukke ‘n Nuwe taak is verpligtend vir elke jaar.	25 punte

2.3	Die portefeulje wat die SGA-werk van elke leerder bevat, moet gedurende die tydperk 10 tot 20 September van elke jaar deur die Musiekonderwyser ingedien word by die prinsipaal van die skool waar die leerder vir die NSS-program ingeskryf is.

3.	Die assessering vir leerders wat ‘n eksterne eksamen in Musiek by een van die goedgekeurde Musiekassesseringsliggame wil aflê, moet dus een van die volgende insluit:

3.1	Praktiese eksamen

3.2	Teorie-eksamen

3.3	Skoolgebaseerde assessering soos hierbo verduidelik

Dit is die verantwoordelikheid van die eksterne musiekassesseringsliggame wat hierdie Musiekprogramme aanbied om seker te maak dat al die punte wat die leerder in bogenoemde drie Musiekkomponente verwerf, betyds by die sentrum (skool) waar die leerder geregistreer is, vir die volle NSS-program ingedien word.

5.	Die prinsipaal van die skool bly verantwoordelik vir die indien by die WKOD van die punte wat die leerder in die drie Musiekkomponente verwerf het. Die WKOD is verantwoordelik vir die afneem van die finale eksterne eksamen.

Let asseblief daarop dat, hoewel dit gestel is in Omsendbrief 0011/2006 (3.4) dat leerders nie toegelaat sal word om die vereiste teoriekomponent van hulle gekose Musiekprogram af te handel voor hulle registrasie in graad 10 vir die NSS nie, hierdie vereiste nie van toepassing sal wees op die 2006 graad 10-leerders wat reeds met die teoriekomponent begin het voor hulle registrasie vir graad 10 nie. Vanaf 2007 sal leerders nie toegelaat word om die vereiste teoriekomponent van die gekose Musiekprogram af te handel voor hulle registrasie in graad 10 vir die NSS nie.

7.	Bring asseblief die inhoud van hierdie omsendbrief onder die aandag van alle belanghebbendes.

GETEKEN: S. NAICKER
HOOF: ONDERWYS
DATUM: 2006:05:02