1. In opvolging van die beleidsomsendbrief oor die hersiene verlofbedeling vir Staatsdienspersoneel (Omsendbrief 231/2003), is `n Direktief oor verlof op 13 November 2003 deur die Departement vir Staatsdiens en Administrasie uitgereik wat verlofbeleid verder omskryf. Van die bepalings kon as gevolg van operasionele behoeftes nie onmiddellik toegepas word nie. Die toepassing van die betrokke bepalings moet nou egter geïmplementeer word.
2. Ingevolge paragraaf 3.4 van bogenoemde direktief, moet personeellede ten minste 10 werksdae van hul jaarlikse verlof neem in die jaar waaroor die verlofsiklus strek, met ander woorde tussen Januarie en Desember. In uitsonderlike omstandighede en slegs as gevolg van die diensbehoeftes van die Departement, mag daar van hierdie bepaling afgewyk word. Die bepaling lui verder dat jaarlikse verlof sover moontlik as opeenvolgende dae geneem moet word.
3. Indien dit vir `n personeellid onmoontlik is om 10 dae van sy of haar verlof tussen Januarie en Desember van `n spesifieke jaar te neem, sal redes by die neem van die verlof in die eerste 6 maande van die daaropvolgende jaar verskaf moet word waarom dit nie moontlik was om die verlof binne die jaarsiklus te neem nie.
4. U samewerking ten opsigte van die toepassing van hierdie beleid, wat vanaf 1 Januarie 2006 van krag is, en die bekendmaking daarvan aan al die Staatsdienspersoneel onder u beheer, sal op prys gestel word.


GETEKEN: G.J. ELLIOTT
HOOF: ONDERWYS
DATUM: 2006:03:14