| 1. |
Ten einde uitvoering aan SDKBR Resolusie 2 van 2004 te gee, het die Minister van Staatsdiens en Administrasie ‘n direktief ten opsigte van behuising goedgekeur wat saamgelees moet word met die resolusie soos uiteengesit in Omsendbrief 0070/2004.
|
| 2. |
Die bestaande behuisingskema is uitgebrei ten einde voltydse werknemers, wat op ‘n permanente basis of ‘n vastetermynkontrak aangestel is en wat ‘n huurooreenkoms aangegaan het of ‘n afbetaalde woning besit, vanaf 1 Januarie 2005 in die Staat se niepensioendraende behuisingsvoordele te laat deel.
|
| 3. |
BEHUISINGTOELAE VIR HUISEIENAARS
|
| 3.1 |
Die woning ingevolge waarvan die werknemer as eienaar aansoek doen om ‘n behuisingstoelaag, moet in sodanige werknemer se naam of beide sodanige werknemer en sy of haar gade se naam geregistreer wees. Vir hierdie doel sal die volgende dokumente ter bevestiging van eienaarskap erken word:
|
| 3.1.1 |
Transportakte – Dokument voorsien aan die aktekantoor deur ‘n aktebesorger wat die registrasie van die oordrag van die eiendom op die koper se naam bevestig.
|
| 3.1.2 |
Sertifikaat om toestemming om grond te bewoon – Magtiging verleen deur tradisionele owerheid/Staat om ‘n woning op die toegekende grond op te rig. Verskillende reëlings bestaan in die onderskeie provinsies.
|
| 3.1.3 |
Paaiement-verkoopooreenkoms – Uitgestelde eienaarskapooreenkoms wat die koper die eienaar maak by betaling van die finale paaiement.
|
| 3.2 |
‘n Werknemer wat as nuwe huiseienaar op of na 29 September 2004 in aanmerking wil kom vir die maksimum behuisingtoelaagvoordeel, moet ‘n verband/behuising lening bekom vanaf
|
| 3.2.1 |
‘n geregistreerde finansiële instelling/bank ,
|
| 3.2.2 |
‘n nasionale behuisingsfinansieringskorporasie ,
|
| 3.2.3 |
‘n maatskappy wat behuisingslenings toestaan.
|
| 3.3 |
‘n Werknemer wat toegang wil hê tot die behuisingstoelaagskema, moet die voorgeskrewe dokumentasie as bewys saam met sy/haar aansoek om ‘n behuisingstoelaag indien. Versuim in hierdie verband of onvolledige/ongeldige dokumentasie kan lei tot vertraging of afkeur van die aansoek.
|
| 3.4 |
Die maksimum waarde van die behuisingstoelaag is gebaseer op ‘n maksimum verband van R 70 000.00 en word kwartaalliks deur die Minister van Staatsdiens en Administrasie hersien, gebaseer op die gemiddelde rentekoers soos gehef deur die vyf grootste finansiële instellings aan die begin van elke kwartaal.
|
| 4. |
BEHUISINGSTOELAAG VIR HUUR
|
| 4.1 |
‘n Werknemer wat as ‘n huurder aansoek doen om ‘n behuisingstoelaag moet oor ‘n geldige geskrewe huurooreenkoms in sy/haar naam beskik ten opsigte van die woning wat hy/sy bewoon. Vir dié doel word die volgende huurooreenkomste erken:
|
| 4.1.1 |
Okkupasiehuur as deel van die koop van ‘n woning
|
| 4.1.2 |
Huur by privaateienaar
|
| 4.1.3 |
Huur by munisipaliteite
|
| 4.1.4 |
Huur by familie/vriende
|
| 4.1.5 |
Verpligte bewoning van Staatsbehuising ingevolge SDKBR-resolusie 3 van 1999
|
| 4.1.6 |
Vrywillige bewoning van ander behuising soos uiteengesit in departementele beleid van SDKBR-resolusie 3 van 1999.
|
| 4.2 |
Vir die doel van die behuisingstoelaagskema sal geen huurooreenkoms erken word wat aangegaan word tussen ‘n werknemer en sy/haar gade nie waar een of beide van hulle die enigste geregistreerde titelhouers is van die betrokke woning, of deel van die woning wat hul bewoon.
|
| 4.3 |
Geen mondelinge/informele huurooreenkoms sal ingevolge die behuisingstoelaagskema erken word nie. Die WKOD beskik oor ‘n verkorte voorbeeld van ‘n huurooreenkoms wat op aanvraag aan werknemers beskikbaar gestel sal word. Hierdie ooreenkoms kan aangepas word na gelang van die betrokke partye se behoeftes. U aandag word daarop gevestig dat die WKOD hoegenaamd geen aanspreeklikheid sal aanvaar vir enige skade wat ontstaan uit die samestelling van hierdie kontrak nie.
|
| 4.4 |
‘n Behuisingstoelaag van R 100.00 per maand is ook betaalbaar vanaf 1 Januarie 2005 aan werknemers wat wonings huur.
|
| 5.1 |
Die woning ingevolge waarvan ‘n werknemer volgens die nuwe behuisingtoelaagskema ‘n voordeel ontvang, moet deur hulself en/of hul gesin bewoon word, behalwe in gevalle waar hy/sy of die gesin weens redes buite hulle beheer tydelik die woning nie kan bewoon nie.
|
| 5.2 |
Die woning waarop ‘n werknemer ‘n huiseienaarstoelaag volgens die vorige stelsel ontvang het, moet bewoon word deur die werknemer en/of sy/haar gesin wat insluit afhanklikes wat grotendeels op die werknemer staatmaak vir onderhoud.
|
| 5.3 |
‘n Werknemer mag slegs van die bewoningvereistes vrygestel word
|
| 5.3.1 |
by oorplasing na die buiteland om amptelike diens te verrig.
|
| 5.3.2 |
tydens die verrigting van sessiediens.
|
| 5.3.3 |
wanneer hy/sy verplig is om Staatsbehuising te bewoon en nie sy/haar eie woning kan bewoon nie.
|
| 6. |
AFBETAALDE OF WONINGS MET GEEN VERBAND/HUISLENING
|
| 6.1 |
Huiseienaars wat voor 29 September 2004 oor ‘n afbetaalde woning beskik het of ‘n woning besit het waarvoor daar geen lening bestaan nie, kwalifiseer vanaf 1 Januarie 2005 vir ‘n behuisingtoelaag van R 100.00 per maand.
|
| 6.2 |
Indien ‘n werknemer se verband/huislening afbetaal is op die woning wat deur hom/haar of sy/haar gesin bewoon word, sal die WKOD voortgaan met die betaling van die behuisingstoelaag vir solank daar aan die ander kwalifiserende vereistes voldoen word.
|
| 7.1 |
Alle toepaslike aansoekvorms vir die verskillende behuisingsvoordele is op die WKOD se webtuiste beskikbaar. Die betrokke werknemer moet die toepaslike vorms voltooi en dit aan die WKOD-hoofkantoor terugstuur, met die nodige bewyse.
|
| 7.2 |
Die staatswaarborgskema soos voorgeskryf in paragraaf 3 van Omsendbrief 0174/00 bly onveranderd. Werknemers wat oor dieselfde woning beskik vir ten minste vyf jaar, en wat gekoop is met ‘n staatswaarborg, moet by hul betrokke finansiële instellings aansoek doen om die aflos van die waarborg om implikasies by diensverlating van die WKOD te vermy.
|
| 7.3 |
Alle werknemers wat voor 29 September 2004 ‘n huiseienaarstoelaag ontvang het, moet kennis neem dat hul toelaag omskep is in ‘n behuisingstoelaag.
|
| 7.4 |
Werknemers moet kennis neem dat hul slegs die behuisingstoelaag sal ontvang vanaf die betrokke maand waartydens die aansoek en die ondersteunende dokumentasie ingedien word. ’n Toegewing is gemaak dat hierdie reël slegs van toepassing sal wees na 30 Junie 2006.
|
| 8. |
Bring asseblief die inhoud van hierdie omsendbrief onder die aandag van alle betrokkenes.
|
GETEKEN: J.H. HURTER
HOOF: ONDERWYS
DATUM: 2006:03:27
|