1. Hierdie omsendbrief moet saam met die beleidsdokumente, Die Nasionale Senior Sertifikaat (NSS): ‘n Kwalifikasie op Vlak 4 op die Nasionale Kwalifikasieraamwerk, sowel as die Nasionale Protokol vir Assessering in die Algemene en Verdere-onderwys- en-opleidingsband (Graad R – 12) gelees word.
2. Die nasionale Onderwysdepartement het provinsies deur middel van Omsendbrief S8 van 2005 in kennis gestel dat die volgende assesseringsliggame deur die Minister van Onderwys goedgekeur is: 
Associated Board of the Royal Schools of Music
Trinity College of London
UNISA
3. ‘n Leerder mag ‘n Musiekprogramme wat deur die drie goedgekeurde assesseringsliggame aangebied word, onder die volgende voorwaardes aanbied:
3.1 Die leerder mag die vak as een van die verpligte sewe vakke, of as ‘n addisionele agste of negende vak aanbied.
3.2 Die leerder moet vir die vak inskryf in die jaar wat hy of sy vir die eerste keer vir graad 10 registreer.
3.3 Die gekose Musiekprogram moet geregistreer word as een van die Groep B-vakke in die NSS.
3.4 ‘n Leerder mag nie die vereiste teoretiese eksamen van die gekose Musiekprogram voltooi voor registrasie in graad 10 vir die NSS nie.
3.5 Leerders moet vir ‘n musiekprogram van die goedgekeurde assesseringsliggame op ten minste ‘n graad 4-vlak registreer vir daardie gekose Praktiese Musiekeksamen in graad 10, en moet vorder tot by ten minste graad 6 in sy of haar graad 12-jaar ten einde aan die NSS-vereistes te voldoen.
3.5.1 Leerders wat in graad 10 vir ‘n Musiekprogram van een van die goedgekeurde assesseringsliggame registreer op graad 5- of graad 6-vlak vir daardie praktiese Musiekeksamen in graad 10, moet ten minste tot graad 6 of graad 7 onderskeidelik vorder in graad 12 ten einde aan die NSS-vereistes te voldoen.
3.5.2 Leerders wat registreer vir ‘n Musiekprogram van een van die drie goedgekeurde assesseringsliggame op graad 7-, graad 8- of Lisensiaatvlak vir daardie Praktiese Musiekeksamen in graad 10, kan hierdie programme vir die driejaartydperk van graad 10 tot 12 aanbied ten einde aan die NSS-vereistes te voldoen.
3.6 Leerders mag ‘n maksimum van EEN van die ABRSM of TCL of UNISA graad 6-, 7-, 8- of Voordraersdiploma/Lisensiaatprogramme saam met Nasionale Senior Sertifikaatvakke, wat Musiek mag insluit, aanbied.
3.7 Leerders wat een van die ABRSM of TCL of UNISA musiekeksamens in kombinasie met die vak Musiek vir die NSS aanbied, mag nie dieselfde instrument vir albei eksamens aanbied nie.
3.8 Leerders wat enige van die Musiekprogramme van die ABRSM, TCL en UNISA aanbied, moet bewyse van interne assesseringstake in ‘n portefeulje voorlê.
4. Die finale uitslag wat deur die leerder behaal word, sal bereken word uit ‘n kombinasie van punte behaal in beide die Praktiese Musiek en die vereiste teoretiese komponent:

Associated Board of the Royal Schools of Music (ABRSM)

NSS Graad 10NSS Graad 11NSS Graad 12
Graad 4 Prakties en Graad 4 TeorieGraad 5 Prakties en Graad 5 TeorieGraad 6 Prakties en Graad 6 Teorie
Graad 5 Prakties en Graad 5 TeorieGraad 6 Prakties en Graad 6 TeorieGraad 7 Prakties en Graad 6 Teorie
Graad 6 Prakties en Graad 6 Teorie Graad 7 Prakties en Graad 6 Teorie
Graad 7 Prakties en Graad 6 Teorie Graad 7 Prakties en Graad 6 Teorie of hoër

Trinity College of London (TCL)

NSS Graad 10NSS Graad 11NSC Graad 12
Graad 4 Prakties en Graad 4 TeorieGraad 5 Prakties en Graad 5 TeorieGraad 6 Prakties en Graad 6 Teorie
Graad 5 Prakties en Graad 5 TeorieGraad 6 Prakties en Graad 6 TeorieGraad 7 Prakties en Graad 6 Teorie
Graad 6 Prakties en Graad 6 Teorie Graad 7 Prakties en Graad 6 Teorie
Graad 7 Prakties en Graad 6 Teorie of hoër Graad 7 Prakties en Graad 6 Teorie of hoër

UNISA

NSS Graad 10NSS Graad 11NSC Graad 12
Graad 4 Prakties en Graad 3 TeorieGraad 5 Prakties en Graad 4 TeorieGraad 6 Prakties en Graad 5 Teorie
Graad 5 Prakties en Graad 4 TeorieGraad 6 Prakties en Graad 5 TeorieGraad 7 Prakties en Graad 5 Teorie
Graad 6 Prakties en Graad 5 Teorie Graad 7 Prakties en Graad 5 Teorie
Graad 7 Prakties en Graad 5 Teorie of hoër Graad 7 Prakties en Graad 5 Teorie of hoër
5. Die vereiste teoretiese komponente van die Musiekprogramme van die goedgekeurde assesseringsliggame is soos volg:

Associated Board of the Royal Schools of Music

Praktiese MusiekeksamenVereiste teoretiese komponent
Graad 4Graad 4
Graad 5Graad 5
Graad 6Graad 6
Graad 7Graad 6
Graad 8Graad 7
Voordraersdiploma in MusiekGraad 8
Voordraerslisensiaat in MusiekGraad 8

Trinity College of London

Praktiese MusiekeksamenVereiste teoretiese komponent
Graad 6Graad 4
Graad 6Graad 5
Graad 6Graad 6
Graad 7Graad 6
Graad 8Graad 7
Voordraersertifikaat in MusiekGraad 8
Assosiaat-voordraerslisensiaat in Musiek Graad 8
Voordraerslisensiaat in MusiekGraad 8

UNISA

Praktiese MusiekeksamenVereiste teoretiese komponent
Graad 6Graad 3
Graad 6Graad 4
Graad 6Graad 5
Graad 7Graad 5
Graad 8Graad 6
Voordraerslisensiaat in MusiekGraad 7
6. Bring asseblief die inhoud van hierdie omsendbrief onder die aandag van alle belanghebbendes.


GETEKEN: S.N. NAICKER
HOOF: ONDERWYS
DATUM: 2006:02:16

The National Senior Certificate: A Qualification at Level 4 on the National Qualifications Framework (NQF)  (grootte: 293 KB)
National Protocol on Assessment for Schools in the General and Further Education and Training Band (Grades R – 12)  (grootte: 301 KB)