1. Ukusekwa kweekomiti zokunika inkxaso zamaziko emfundo kucetyiswa kuMthetho osePhantsi kweeNgxoxo 6: IMfundo eneeMfuno eziZodwa: UKwakhiwa kweMfundo noQeqesho oluBandakanya bonke aBafundi (Education White Paper 6: Special Needs Education: Building an Inclusive Education and Training System) ukwenzela ukunika inkxaso kubafundi abanezithintelo ekufundeni ezikolweni. Ezi komiti zokunika inkxaso zamaziko emfundo (iikomiti zokunika inkxaso kwezemfundo) zibonelela ngokuveliswa kweendlela ezizizo nezifanelekileyo zokunika inkxaso ootitshala ekuthinteleni, ekususeni nasekuncediseni ngakumbi abafundi abo ekuhlangabezeni izithintelo ekufundeni.
2. Incwadana enika isikhokelo ngokusekwa nemisebenzi yeekomiti zokunika inkxaso ilungiselelwa ukusiwa kuzo zonke izikolo ngokusetyenziswa kwee-EMDC. Ii-EMDC ziya kunika inkxaso kwizikolo ekusekeni ezi komiti zokunika inkxaso nasekuqeqesheni abasebenzi. Kulindeleke ukuba isikolo ngasinye seSebe leMfundo leNtshona Koloni liseke ikomiti enika inkxaso kwezemfundo. ISebe leMfundo leNtshona Koloni liyavuyisana kakhulu nezikolo ezininzi esele zizisekile ezi komiti zokunika inkxaso (ebezibizwa ngaphambili ngokuba ziikomiti zokunika inkxaso kootitshala (TSTs)) sikwayivuyela nenkqubela encomeka ngokugqithisileyo eseyenziwe ngokusekwa kwezi komiti.
3. NgokoMthetho weZikolo waseMzantsi Afrika (84/1996), ngalinye ibhunga lolawulo lesikolo “malikhethe umntu okanye abantu abaziingcali zolwazi ngokumalunga nabafundi abaneemfuno ezizodwa zemfundo” (iph.18, iSiqendu 23.5). Kucetyiswa ukuba umququzeleli weekomiti zokunika inkxaso akhethwe abe ngomnye webhunga lolawulo lesikolo ukulungiselela le njongo.
4. Nayiphi na imibuzo emalunga nokusekwa kunye nemisebenzi yeekomiti zokunika inkxaso zamaziko emfundo mayibhekiswe kwiNtloko: yoKunika iNkxaso kuBafundi nooTitshala beMfundo eneeMfuno eziZodwa kwi-EMDC yakho. Nazi iinkcukacha zoqhagamshelwano zee-EMDC: 
EMDC: Metropole South        Mrs B Daniels    Ifoni 021 370 2000
EMDC: Metropole Central      Mr E Hassen      Ifoni 021 659 4300
EMDC: Metropole East         Dr M Bunding     Ifoni 021 900 7028
EMDC: Metropole North        Dr J Pretorius   Ifoni 021 659 4300
EMDC: West Coast /Winelands  Dr L de Jager    Ifoni 021 860 1204
EMDC: South Cape/Karoo       Mr F Tallie      Ifoni 044 873 8310
EMDC: Breederivier/Overberg  Dr G Barkhuizen  Ifoni 023 348 4656
5. Iya kuthakazelelwa kakhulu into yokuba iinqununu zamaziko emfundo zingakwazisa okubhalwe kule setyhula nakwincwadana leyo bonke ootitshala bezikolo zabo namabhunga olawulo ezikolo zabo ngenjongo yokuba bakuthathele ingqalelo baze benze oko kufuneka kwenziwe.
6. ISebe leMfundo leNtshona Koloni lilindele ukuba ukusekwa kwezi komiti zokunika inkxaso zamaziko emfundo kuya kuba negalelo elikhulu ekunikeni inkxaso kubafundi abanezithintelo ekufundeni ezikolweni.


ISAYINWE: NGU-DR F.A. BOOYSE
INTLOKO: YESEBE LEMFUNDO
UMHLA: 2004:12:13

Education White Paper 6: Special Needs Education  (ubukhulu: 674 KB)