1. Kulindeleke ukuba kutyunjwe amagama abo baza kuzalisa izithuba ezabelwe amaziko ngokusesikweni ezivulekileyo ekuzizithuba zokuqeshwa ngemvumelwano (substantive vacant contract posts) ukususela nge-1 Januwari 2006. Umhla ekulindeleke ukuba zingeniswe ngawo iifom zotyumbo (nomination forms) ngowe-30 Disemba 2005.
2. Kucelwa ukuba niqaphele ukuba izithuba ezabelwe amaziko ngokusesikweni ezivulekileyo ekuqeshwa ngemvumelwano zingazaliswa ithuba lonyaka opheleleyo (ukusuka kwi-1 Januwari kuye kwi-31 Disemba). Njengoko izithuba zenqanaba 1 ziya kupapashwa kwisiqingatha sesibini sika-2006 ngenjongo yokuba zizaliswe ngokusisigxina ukususela nge-1 Januwari 2007, ayakhuthazwa amabhunga atyumba abenzi-zicelo ukuba atyumbe ootitshala bethutyana (temporary teachers) ithuba lonyaka wonke ka-2006 kangangoko oku kunokwenzeka.
3. Ootitshala abashiya inkonzo ngokuthatha iPhakheji yokuYeka iNkonzo ngokuZithandela (Voluntary Severance Package (VRP)) bangatyunjelwa ukuqeshwa kwezi zithuba kuphela xa kungekho titshala unemfundo efanelekileyo (ongaqeshwanga) ongaqeshwa kweso sithuba. Aba titshala (abathatha iphakheji (VSP)) mabatyunjwe kuphela kwisithuba sengqesho esimana sizaliswa qho ngekota, nekufuneka igama lalowo utyunjiweyo lixhaswe zizizathu ezivokothekileyo zebhunga elityumba abenzi-zicelo. Elo gama malikhatshwe kwakhona zizizathu ezivakalayo zomphathi wesekethe.
4. Akuyi kuvunywa ukutyunjelwa kwizithuba zengqesho ngemvumelwano okuya kuthi kubangele ukugqithisa kwelona nani kanye lootitshala elimelwe ukuqeshwa kwiziko lemfundo.
5. Ukwenzela ukuyenza ngokugqibekileyo le nkqubo, makukhunjulwe ukuba amaxwebhu apheleleyo otyumbo lomenzi-sicelo aya kuba ngala alandelayo:
Ifom yokutyunjwa u-(A3)
Ifom yokwenza isicelo u-(A2) 
Ifom Z56 kwimeko yokuqeshwa okokuqala ukulungiselela
ukuba kufakwe umvuzo kwi-akhawunti yebhanki 
Iikopi zezatifikethi zamabanga emfundo 
6. Iifom zotyumbo ezingaphelelanga akunako ukuqhutyelwa phambili nazo yaye ziya kubangela ukuhlawulwa kade kwemivuzo. Ngako oko ke ayacelwa amabhunga atyumba abenzi-zicelo ukuba xa engenisa iifom ancede aqinisekise ukuba iifom zotyumbo zinawo onke amaxwebhu afunekayo ngokupheleleyo njengoko kucacisiwe apha ngasentla.
7. Uyakhunjuzwa kwakhona ngokubaluleka kokungeniswa kwangexesha kweefom zabo batyunjiweyo, njengoko ukwenziwa kweentlawulo ezingahambi nomndilili weentlawulo kusenziwa kanye qwaba ngeveki. Oku kuthetha ukuba ukungeniswa kade kwezi fom kungabangela ukulibaziseka kokuhlawulwa kwemivuzo kunye nezinye iimfanelo zenkonzo, nto leyo isebe elinqwenela ukuba ingenzeki.
8. Iya kuthakazelelwa intsebenziswano yenu.


ISAYINWE: J.H. HURTER
INTLOKO: YESEBE LEMFUNDO
UMHLA: 2005:12:02