| 2. |
ISISHWANKATHELO SE-SPMDS
|
| 2.1 |
|
ICandelo VIII leMigaqo yoLawulo lwabeNkonzo kaRhulumente, 2001 (Public Service Regulations (PSR)), 2001, licacisa ukuba onke amasebe enkonzo karhulumente makaphumeze inkqubo yolawulo lwentsebenzo nophuhliso lwabaqeshwa bawo.
|
| 2.2 |
|
I-SPMDS iqhutywa ziziphumo, kwaye iyinkqubo eqhubekayo okokoko yokuqinisekisa ukuba abaqeshwa:
bayayazi kakuhle ncam into elindeleke kubo,
baxhotyisiwe ngokufanelekileyo ukwenza okulindeleke kubo,
kwaye bavelisa iziqhamo zentsebenzo ezifunwa kubo.
Ikwabandakanya novavanyo lwentsebenzo.
|
| 2.3 |
|
Umjikelo wentsebenzo uqhuba kangangonyaka, o.k.t. ukususela kwi-1 Apreli kunyaka othile ukuya kwi-31 Matshi kunyaka olandelayo.
|
| 2.4 |
|
Izigaba eziqhagamsheleneyo ezihamba nomjikelo wentsebenzo zingashwankathelwa ngolu hlobo lulandelayo:
|
| 2.4.1 |
|
Ukumiselwa kwesiCwangciso seNtsebenzo soMntu ngamNye (Individual Performance Plan) nesiCwangciso soPhuhliso loMntu ngamNye (Individual Development Plan), esisisiphumo sothethathe-thethwano phakathi komqeshwa nesuphavayiza/umphathi wecandelo kwaye masibonise imvumelwano yabo bobabini ngeziphumo ekunokufikelelwa kuzo ngaloo mjikelo wentsebenzo uthile.
|
| 2.4.2 |
|
Ukubeka esweni okokoko intsebenzo yomqeshwa yisuphavayiza/ngumphathi wecandelo nokulungiselela ukunika ingxelo ngokuqhubekayo (feedback) malunga nayo, kususelwa kubungqina obuqokelelweyo ngokusebenzisa ukuhlolwa kwentsebenzo qho ngekota.
|
| 2.4.3 |
|
Ukuphuhlisa izakhono zomqeshwa zokwenza umsebenzi ngawo wonke umjikelo wentsebenzo ngokupheleleyo.
|
| 2.4.4 |
|
Uvavanyo lwentsebenzo olwenziwa qho ngonyaka ekupheleni komjikelo wentsebenzo (ngoMatshi) ekuthi ngalo kuvavanywe okanye kubekwe esikalini intsebenzo yomqeshwa ngaloo mjikelo. |
| 2.5 |
Kufuneka kulungiswe isicwangciso samaxesha sonyaka ekuqaleni konyaka ngamnye kuze kwaziswe umqeshwa ngokumalunga naso. |
|
| 3. |
ISEBE I-WCED LINDAWONI MALUNGA NOKUPHUNYEZWA KWALE NKQUBO?
|
| 3.1 |
|
I-SPMDS yaqaliswa ukuphunyezwa kwi-WCED ukususela nge-1 Apreli 2004 waza umjikelo wentsebenzo wokuqala waphela nge-31 Matshi 2005.
|
| 3.2 |
|
Njengamalungiselelo exesha lotshintsho, ithuba lovavanyo lwentsebenzo lenziwa Lalifutshane laziinyanga ezi-6 kumjikelo wokuqala.
|
| 3.3 |
|
Zonke iisuphavayiza/abaphathi bamacandelo baye bacelwa ukuba baqinisekise ukuba ukuhlolwa kwentsebenzo novavanyo lwentsebenzo kabini (2) kwenziwe ekupheleni komjikelo wentsebenzo.
|
| 3.4 |
|
ISebe i-WCED ngoku likumjikelo wentsebenzo wesibini, ongulo, 1 Apreli 2005 ukuya kwi-31 Matshi 2006, ukususela ekuqalisweni kokuphunyezwa kwale nkqubo. Kulo mjikelo kusetyenziswa iinkqubo zokuhlolwa kwentsebenzo ngokusesikweni kane (4) ngokupheleleyo kwanovavanyo lwentsebenzo. Kodwa ke kuthe ngenxa yeemeko ezivele ngethuba kuphunyezwa le nkqubo ye-SPMDS, kwafikelelwa esigqibeni sokuba kufakelwe izilungiso kule nkqubo ngolu hlobo lulandelayo:
| (a) |
Ukuba intsebenzo yomqeshwa yeyanelisayo
kwamabini (2) kula maxesha mane (4) okuhlolwa kwentsebenzo kungenziwa ingxoxo engalandeli migaqo (informal discussions).
lonke uthetha-thethwano olwenziwayo/namanye amanyathelo anokuthathwa makenzelwe izigqibo kunye (jointly) yaye makabhalwe kwirekhodi.
|
| (b) |
Ukuba intsebenzo yomqeshwa yenganelisiyo
mayihlolwe intsebenzo ubuncinane amaxesha amane (4), oko kuthi, makuzaliswe izixhobo zokuhlolwa kwentsebenzo ezine.
lonke uthetha-thethwano olwenziwayo/namanye amanyathelo anokuthathwa makenzelwe izigqibo kunye (jointly) yaye makabhalwe kwirekhodi.
|
| (c) |
Kungakhathaliseki nokuba intsebenzo yomqeshwa iyanelisa okanye ayanelisi, makuhlolwe intsebenzo ngokusesikweni kabini (2) (kusetyenziswe izixhobo) ngethuba leenyanga ezintandathu zokugqibela phambi kovavanyo lwentsebenzo yomqeshwa ngokusesikweni ngonyaka. Ukuhlolwa okunye (1) makwenziwe ngo-Oktobha/ngoNovemba ngokumalunga nentsebenzo yethuba leenyanga ezintandathu (6) zomjikelo wentsebenzo kuze okunye (1) kwenziwe ngoMatshi/ngo-Apreli ngokumalunga nentsebenzo yesiqingatha sokugqibela somjikelo wentsebenzo.
|
|
| 4. |
ISIKHOKELO SOMJIKELO KA-2005/2006
|
| 4.1 |
|
Iisuphavayiza/abaphathi bamacandelo mabaqinisekise ukuba oku kulandelayo kugqityiwe ngokubhekiselele kubasebenzi babo:
IsiCwangciso seNtsebenzo soMntu NgamNye (An Individual Performance Plan) (IPP)
IsiCwangciso soPhuhliso loMntu NgamNye (An Individual Development Plan) (IDP)
Ithayimthebhile yonyaka yokuhlolwa kwentsebenzo yethutyana (A tentative annual review timetable)
Ukuhlolwa kwentsebenzo okokuqala (first performance review)
Iisuphavayiza/abaphathi bamacandelo mabaqinisekise ukuba ii-IPPs nee-IDPs zabasebenzi babo zizibonakalisa kakuhle iimfuno nenqanaba lomsebenzi.
|
| 4.2 |
|
Banako nokuxoxa nezinye iisuphavayiza/abaphathi bamacandelo abakumanqanaba alingana nawabo baxoxe ngee-IPPs nee-IDPs zabasebenzi babo kwizithuba ezifanayo. Kungajongwa iinkcazo zemisebenzi ngokubanzi njengoko zicacisiwe kwiSetyhula 0033/2004 yowe-19 Julayi 2004 kubasebenzi benkonzo karhulumente abakumaziko emfundo.
|
| 4.3 |
|
Kuzo zonke ezi nkqubo, bobabini umqeshwa nesuphavayiza/nomphathi wecandelo mabatshekishe intsebenzo yomqeshwa ngokujonga kwi-IPP ne-IDP rhoqo.
|
| 4.4 |
|
Iisuphavayiza/abaphathi bamacandelo mabanike umqeshwa ingxelo ngokuqhubekayo (feedback) nengcebiso eyakhayo neqhubeka okokoko nejolise ekuphuculeni intsebenzo.
|
| 4.5 |
|
Umqeshwa nesuphavayiza/nomphathi wecandelo mabaqokelele ubungqina bentsebenzo yomqeshwa ngokubhekiselele kwiziqhamo zentsebenzo, nobunokunikwa ngexesha lokuhlolwa kwentsebenzo nobunokusetyenziswa ukuxhasa ukuhlelwa kwentsebenzo ngexesha lesigaba sovavanyo lwentsebenzo.
|
| 5. |
UKUHLELWA KWENTSEBENZO YOMQESHWA
|
| 5.1 |
|
ISebe i-WCED, njengomqeshi, lihlawula umqeshwa umvuzo wokwenza umsebenzi kwinqanaba elamkelekileyo/nelanelisayo. Ngaphezulu, umsebenzi osebenza ngokwanelisayo ogqibe unyaka omnye (1) kwinkonzo engakhange iqhawulwe kulo notshi ufumana uchatha kumvuzo.
|
| 5.2 |
|
Amabhaso okuwongwa nezikhuthazi (incentives) zinikwa xa umsebenzi lowo egqithisile ngokomgangatho nangokobungakanani kumsebenzi ahlawulelwa wona. Ngamanye amazwi, kuphela ngabasebenzi abagqwesayo nabenza igalelo ekuphuculeni ukwenziwa kwenkonzo abaya kufaneleka ukuba bafumane amabhaso nezikhuthazi (incentives).
|
| 5.3 |
|
Kulindeleke ukuba ibeyi-20% kuphela kubasebenzi abasebenza ngaphezu komndilili, o.k.t. i-15% isebenza ngokuncomekayo kwinqanaba (4) ize i-5% ibe kwinqanaba labagqwesileyo (5).
|
| 5.4 |
|
Kumjikelo ka-2004/2005, kufunyaniswe ukuba uninzi lwabasebenzi (57,5%) babekwa kuhlelo olungaphezu komndilili ngokungafanelekanga, nokwabangela iziphumo ezigoso, nto ke leyo ethetha ukuba kufuneka kubekho ukuhluzwa kwakhona kwentsebenzo ngokuthi imodareyithwe (sifting performance through moderation.) Ngako oko ke ziyacelwa iisuphavayiza/abaphathi bamacandelo ukuba benze okufanelekileyo ngokwenene, ze bakhethe yaye banyule kuphela lowo (abo) ungogqwesileyo, uphume (baphume) emagqabini.
|
| 5.5 |
|
Kumjikelo ka-2005/2006, umlawuli ngamnye kwaNdlunkulu nakwii-EMDC uya kufumana imali emayabelwe iibhonasi zentsebenzo zabasebenzi bakhe. Kwakufuneka aqinisekise ukuba kwenziwe ukumodareyitha okwandulelayo (pre-moderating) kwaye yi-20% kuphela kubasebenzi abahlelwa njengabasebenza ngaphezu kwenqanaba lomndilili kwanokuba kule nkqubo intsebenzo yabasebenzi kuwo onke amanqanaba ngokubanzi ithathelwa ingqalelo.
|
| 5.6 |
|
Abasebenzi abasebenza kumaziko emfundo baya kumodareyithwa kwangaphambili kwizikolo ezisebenzisanayo ezifanayo kufutshane neendawo abenza kuzo inkonzo (employee's service point). Izikolo ezisebenzisanayo ziya kubekwa ngokwamaqela ukwenzela ukuba isuphavayiza esondeleyo enako ukuthetha ngentsebenzo/ukuthethelela intsebenzo yomqeshwa kwiqonga apho kuya kumodareyithwa intsebenzo kwizikolo ezimeko zazo zifana nezabo, umzekelo, abasebenzi benkonzo karhulumente kwisekethe, nabasebenzi beekholeji zeFET. Ziya kulandela iinkcukacha ezingaphezulu ngokumalunga nezikolo ezingamaqela asebenzisanayo emva kokuba kubekho uthetha-thethwano.
|
| 6. |
UKUBEKWA ESWENI KOKUPHUNYEZWA KWE-SPMDS KWISEBE I-WCED
|
| 6.1 |
|
Njengomqeshi, i-Sebe i-WCED kufuneka liqinisekise ukuba i-SPMDS isetyenziswa ngumntu wonke kulo kwaye kukwafuneka ukuba liphendule ngokumalunga nalo mba kwamanye amabhunga enkonzo karhulumente abeke iliso.
|
| 6.2 |
|
Ngako oko ke, ukuphunyezwa kwe-SPMDS kuwo onke amanqanaba eSebe i-WCED kuya kubekwa esweni kwezi nyanga zishiyekileyo zalo mjikelo wentsebenzo, nokuba kungendlela yeesaveyi okanye yokutyelela amaziko athile akhethwe nakanjani na (random site visits). Iya kuthakazelelwa intsebenziswano yabo bonke abathathi-nxaxheba.
|
| 6.3 |
|
Bayacelwa kwakhona bonke abaphathi bamacandelo ukuba bancede bazalise isatifikethi esiqhotyoshelweyo ungadlulanga owe-8 Februwari 2006 baze basingenise kulo SPMDS Monitoring Officer, Directorate: Personnel Management (Public Service Staff), Room 10-19, Western Cape Education Department, Private Bag X9114, Cape Town, 8000.
|
| 7.1 |
|
Eminye imibuzo emalunga noku mayibhekiswe kwiZiko leeFoni (Call Centre) le-WCED kule nombolo yefoni ingentla, okanye kula magosa alandelayo kwaNdlunkulu:
Mnu M Apollis idilesi ye-imeyili: mapollis@pgwc.gov.za
Mnu RT Manasse idilesi ye-imeyili: tmanasa@pgwc.gov.za
|
| 7.2 |
|
Iya kuthakazelelwa intsebenziswano yenu nokulandela ngqo amaxesha asikiweyo.
|
| 7.3 |
|
Nceda wazise okukule setyhula bonke abasebenzi benkonzo karhulumente abaphantsi kolawulo lwakho ukuze bakuthathele ingqalelo.
|
ISAYINWE: NGU-G.J. ELLIOTT
INTLOKO: YESEBE LEMFUNDO
UMHLA: 2005:12:02
|