1. ISebe leMfundo leNtshona Koloni lithe, ngokweSigqibo seWCPSCBC P6/2002 somhla we-15 Meyi 2002 (WCPSCBC Resolution P6/2002 of May 2002)  [ubukhulu: 216 KB], lamisela umgaqo-nkqubo omalunga nembuyiselo ngokusebenza ngexesha langotshayile kubasebenzi beNkonzo kaRhulumente.
2. Injongo yalo mgaqo-nkqubo kukubuyekeza abasebenzi benkonzo karhulumente ngemisebenzi eyongezelelweyo eyenziwe kwiimeko ezithile ezingaphaya kweeyure zesiqhelo zomsebenzi, njengoko kufunwa njalo ngokucaciswe gca yiNtloko yeSebe leMfundo okanye ngumntu onikwe amagunya yiyo, kunye nokusingatha nokulawula yonke inkqubo yembuyiselo ngalo msebenzi wangexesha langotshayile.
3. Imigaqo yoMgaqo-nkqubo
3.1 Ixesha langotshayile lingabuyiselwa ngokuthi akhululwe ithuba elithile emsebenzini (time off), nangokuthi ahlawule ngomsebenzi wakhe wexesha langotshayile, kwakuba kuthathelwe ingqalelo efanelekileyo yokungqongophala kwemali okungakho, okanye afumane zombini, ukukhululwa emsebenzini nentlawulo.
3.2 Akukho mqeshwa, ngaphandle kwabo benza iNkonzo yaBaLawuli aBakhulu, ukhutshelwa ecaleni ekufumaneni intlawulo okanye ukukhululwa ithuba elithile emsebenzini njengembuyiselo yomsebenzi wangexesha langotshayile owenziweyo.
3.3 Makufunwe kuqala imvume kwangaphambili yokwenza umsebenzi wangexesha langotshayile kobambe isikhundla soMlawuli oyiNtloko okanye esingaphezu koko phambi kokuba kufike ithuba lokuqala umsebenzi wangexesha langotshayile.
3.4 Zonke izigunyaziso ziya kusebenza kangangelo thuba zimiselwe lona kuphela.
3.5 Isigunyaziso esenziwa emva kwesenzeko (ex post factor) asisayi kusiwa so. (Funda kwakhona umhlathi 4.1 apha ngasezantsi ngokumalunga noku.)
3.6 Abaqeshwa baya kubuyiselwa ngomsebenzi wangexesha langotshayile lesiqhelo okanye langeCawa okanye langeholide kawonkewonke ngokungqinelana nemigqaliselo esebenzayo xa isicelo eso siye sagunyaziswa phambi komhla wosuku lokusebenza.
3.7 Isigqibo nemvumelwano yokunikwa (nokuvuma) ixesha lokukhululwa emsebenzini nazo ziya kuba yinxalenye yesigunyaziso. Lonke ixesha lokukhululwa emsebenzini liya kunikwa kwiinyanga ezi-6 zokuba umqeshwa lowo eye wafaneleka ukulifumana kodwa kuthathelwe ingqalelo iimfuno zomsebenzi.
3.8 Imbuyiselo yenyanga yomqeshwa ngenxa yomsebenzi wangotshayile ayisayi kuba yi-30% yomvuzo wakhe wenyanga okanye kuba ngaphezu koku. Kukwiimeko ezizodwa kakhulu apho kungadlulwa kule pesenti, ngokuxhomekeka kwimvume kuqala nekufuneka ixhaswe zizizathu ezivokothekileyo.
3.9 NgokoMthetho weeMeko zeNgqesho ezisiSiseko, ka-2002 (Basic Conditions of Employment Act, 2002) ( http://www.info.gov.za/ gazette/acts/2002/a11-02.pdf )  [ubukhulu: 450 KB], makungaze kufunwe umqeshwa okanye avunyelwe asebenze ngaphezu kweeyure ezili-12 ngalo naluphi na usuku.
3.10 Kungahlawulwa isibonelelo esiqingqiweyo ngenyanga (fixed monthly allowance) (esingumsebenzi wangotshayile otshintshisekayo - commuted overtime) kwiimeko apho umqeshwa avumayo ngeleta ebhaliweyo ukwenza, inyanga nenyanga, umsebenzi ongathathwa ngokuba uyalingana nomsebenzi wangotshayile ogunyazisiweyo. Esi siboneleko siya kulingana nomndilili wembuyiselo yenyanga efunyenwe ngumqeshwa ngenxa yomsebenzi wangotshayile kwiinyanga ezintandathu ezandulela ukuqaliswa kwesibonelelo eso.
3.11 NgokoMthetho weeHolide zoLuntu, 1994  ( http://www.info.gov.za/acts/1994/a36-94.pdf )  [ubukhulu: 42 KB], umqeshwa uya kuba nelungelo lokufumana elo nani leeholide zikawonke wonke njengoko libonelelwe kuMthetho ochaphazelekayo. Ngako oko ke iiholide zikawonke wonke ziiholide ezihlawulelwayo yaye kufuneka umqeshwa asebenze kuphela ngezo ntsuku kuyimfuneko ngokwasemsebenzini ukuba asebenze ngazo. Kufuneka umqeshwa (ngaphandle kwabo bangabongikazi) ekulindeleke ukuba enze inkonzo ngosuku lweholide kawonke wonke abuyiselwe ngokufanelekileyo ngokuthi ahlawulwe kwaye/okanye akhululwe emsebenzini ithuba elithile ngokwamanyathelo amiselwe nguMphathiswa weNkonzo kaRhulumente noLawulo.
4. Isikhokelo somgaqo-nkqubo
4.1 Nasiphi na isicelo esibhaliweyo esicela ukugunyaziswa kwangaphambili kwentlawulo yomsebenzi wangexesha langotshayile kunye/okanye ukukhululwa ithuba elithile emsebenzini masibandakanye izizathu ezisixhasayo ukwenzela ukuba kube nokuthathwa isigqibo esisiso ngokumalunga naso.
4.1.1 Makubandakanywe le ngcaciso ilandelayo kwizicelo ezimalunga nokugunyaziswa kwembuyiselo ngenxa yomsebenzo wangotshayile:

    • Kungani na loo msebenzi (misebenzi) ungenakwenziwa ngokuthi kwabiwe imisebenzi ngokutsha okwethutyana

    • Kungani na kungenakusetyenziswa amanye amanyathelo ukuphepha loo msebenzi wangotshayile

    • Ithuba eliza kuthathwa ukwenza loo msebenzi wangotshayile

    • Uqikelelo lwenkcitho iyonke eza kwenziwa xa kusenziwa loo msebenzi wangotshayile

    • Ukubekwa esweni okuza kwenziwa ukujonga loo msebenzi wangotshayile

    • Amanyathelo olawulo aza kuthathwa, anjengerekhodi yohlobo lomsebenzi wangotshayile nethuba eliza kuthathwa ukuwenza kunye nerejista yokubakho emsebenzini

    • Amagama, iinombolo zepesali kunye nezikhundla zabasebenzi abaza kwenza loo msebenzi wangotshayile
4.1.2 Ifom yesicelo sokugunyazisa imbuyiselo ngenxa yomsebenzi wangotshayile owenziweyo iqhotyoshelwe kolu xwebhu njengeSihlomelo A.
4.2 Xa abaphathi becwangcisa iiprojekthi kunye nokufaka izicelo zabo, mabasoloko bekhumbula umyinge obekelwe imbuyiselo ngenxa yomsebenzi wangotshayile njengoko kucacisiwe kumhlathi 3.8 apha ngasentla. Kwiimeko ezizodwa apho kudlulwe kowona myinge uphezulu ongama-30% makuqhotyoshelwe kwisicelo eso izizathu ezibhaliweyo nezixhaswa ngokuvokothekileyo zokuba kungani na iprojekthi leyo ifuna oku nokuba manyathelo mani na athathiweyo.
4.3 Ngokumalunga nesibonelelo esiqingqiweyo ngenyanga (fixed monthly allowance) (esingumsebenzi wangotshayile otshintshisekayo - commuted overtime) esicaciswe kumhlathi 3.10 apha ngasentla, izicelo ezilolo hlobo mazigunyaziswe nguMlawuli: weCandelo lezoLawulo lwaBasebenzi (Personnel Management) yaye makungeniswe izizathu ezivokothekileyo zokufakwa kwesicelo eso, kwakunye nemvume yomqeshwa ebhaliweyo.
5. Amanyathelo olawulo (Control measures)
5.1 Bonke abaphathi babasebenzi neesuphavayiza maziqinisekise oku kulandelayo:
5.1.1 Umsebenzi wangotshayile ugcinwa usezantsi ngolona hlobo (kept to a minimum)
5.1.2 Zonke izicelo ezigunyazisiweyo ezixhaswa zizizathu ezivokothekileyo, kubandakanywa neemeko ezizodwa apho kugqithiweyo kumyinge oyi-30% ongowona ophezulu, kufuneka zingeniswe kuMlawuli: weCandelo lezoLawulo:
5.1.3 lwaBasebenzi (beNkonzo kaRhulumente) ngeenjongo zokulungiselela ukucwangcisa nolawulo;
5.1.4 Kubanjwe iintambo zolawulo ngokwaneleyo malunga nomsebenzi wangotshayile ohlawulelwayo nokuba ngaba kungokuthi ubekwe esweni okanye kuqwalaselwe mpela iziphumo zawo (control of outputs);
5.1.5 Umsebenzi wangotshayile wenziwa ngendlela enoqoqosho kungamoshwa mali;
5.1.6 Ikho ngokwaneleyo imali yokuhlawula inkcitho eza kwenziwa ngenxa yaloo msebenzi wangotshayile uhlawulelwayo;
5.1.7 Ikho ngokwaneleyo imali yokuhlawula inkcitho eza kwenziwa ngenxa yaloo msebenzi wangotshayile uhlawulelwayo);
5.1.8 Kugcinwa irekhodi zawo wonke umsebenzi wangotshayile. (Oku kuquka ukusayinwa kwerejista yokubakho emsebenzini ngumqeshwa kunye nesuphavayiza, abathi bobabini bathwale uxanduva ngaloo msebenzi (misebenzi) ngexesha ngalinye lokwenziwa komsebenzi wangotshayile. Makusetyenziswe ifom eqhotyoshelweyo (iSihlomelo B) ukulungiselela le njongo.);
5.1.9 Abasebenzi abenzi umsebenzi wangotshayile kangangokuba kude kuchaphazeleke kakubi intsebenzo yabo (productivity) ngeeyure zomsebenzi eziqhelekileyo;
5.1.10 Umgangatho nobungakanani bomsebenzi (the quality and quantity of tasks) ziyangqinelana nenani leeyure zomsebenzi wangotshayile ezisetyenziweyo;
5.1.11 Zibeka inani leeyure zomsebenzi wangotshayile oza kwenziwa ngosuku ngalunye, zisebenzisa iithangethi zomsebenzi omawuveliswe njengemilinganiselo
5.1.12 Makabhale iziqinisekiso zokungqina, emva kokugqitywa komsebenzi wangotshayile kwinyanga nganye, ukuba iphunyeziwe injongo yomsebenzi wangotshayile ngokwanelisayo. Ezi ziqinisekiso mazingeniswe kuMlawuli: weCandelo lezoLawulo lwaBasebenzi (beNkonzo kaRhulumente) (Personnel Management (Public Service) kusuku lwesi-7 lwenyanga elandelayo.
5.2 Amabango (claims) malunga nomsebenzi wangotshayile owenziweyo makangeniswe ngokukhawuleza emva kwexesha elo kuvunywe ngalo intlawulo ngomsebenzi wangotshayile.
5.3 Kufuneka ishedyuli yomsebenzi wangotshayile, ekopi yayo eqhotyoshelwe apha, ukususela ngoku izaliswe ize isayinwe yisuphavayiza kunye/okanye yintloko yecandelo. Iishedyuli ezizalisiweyo, kwakunye neerejista zokukho emsebenzini, mazihambe kunye namabango entlawulo ngenxa yomsebenzi wangotshayile.
6. Nceda wazise okubhalwe kule setyhula bonke abasebenzi beNkonzo kaRhulumente kwiziko lakho/kwicandelo lakho ukuze bonke bakuthathele ingqalelo.


ISAYINWE: NGU-J.H. HURTER
INTLOKO: YESEBE LEMFUNDO
UMHLA: 2005:03:09

iSihlomelo A  (ubukhulu: 24 KB)
iSihlomelo B  (ubukhulu: 17 KB)