| 1. |
Ingevolge artikel 37(1) van die Suid-Afrikaanse Skolewet, 1996 (Wet 84/1996) soos gewysig (SASA), moet `n beheerliggaam van `n openbare skool `n skoolfonds instel en dit administreer ooreenkomstig voorskrifte wat deur die Departementshoof uitgereik is. Hierdie voorskrifte is beskikbaar in die vorm van `n handleiding wat onder dekking van Omsendbrief 0039/2000 van 8 Mei 2000 uitgereik is.
|
| 2. |
Die aangehegte dokument en aanhangsels vervang dadelik ingaande die riglyne en minimumvereistes t.o.v. die uitreik van amptelike kwitansies soos vervat in Hoofstuk C: Bank van bogenoemde handleiding.
|
| 3. |
Indien prinsipale en voorsitters van beheerliggame van die betrokke skole bystand rakende die nakoming van die bogenoemde voorskrifte verlang, word hulle aangeraai om met die skoolvlakbestuurspan by hulle Onderwysbestuur-en-ontwikkelingsentrum in verbinding te tree.
|
| 4. |
Bring asseblief die inhoud van hierdie omsendbrief onder die aandag van alle betrokkenes. |
GETEKEN: L.J. ELY
HOOF: ONDERWYS
DATUM: 2005:06:06
|