| 1. |
Die Nasionale Kurrikulumverklaring (NKV) vir Verdere Onderwys en Opleiding (VOO) sal in Januarie 2006 in alle openbare en ander geregistreerde skole van die Wes-Kaap Onderwysdepartement (WKOD) geïmplementeer word. |
| 2. |
Die vakoriënteringsdatums vir die VOO-Nasionale Kurrikulumverklaring vir onderwysers van graad 10 tot 12 is soos volg (verwys na Omsendbrief 0072/2004): |
| 2.1 |
|
OBOS’e Noord, Suid, Oos, Sentraal en Weskus/Wynland - Maandag 27 Junie tot Vrydag 1 Julie 2005 |
| 2.2 |
|
OBOS’e Breederivier/Overberg en Suid-Kaap/Karoo - Maandag 4 Julie tot Vrydag 8 Julie 2005
|
| 3. |
Aangeheg is die registrasievorms vir voltooiing deur skole (sien Bylae A vir OBOS’e Noord, Suid, Oos, Sentraal en Weskus/Wynland; en Bylae B vir OBOS’e Breederivier/Overberg en Suid-Kaap/Karoo). Die elektroniese weergawes van bogenoemde bylaes moet as ‘n Word-dokument in landskapformaat oopgemaak word.
|
| 4. |
Onderwysers moet ‘n lokaal kies in ooreenstemming met hul taalvoorkeur. By sekere lokale sal die kursus in beide Afrikaans en Engels aangebied word. |
| 5.1 |
|
Die registrasievorm moet voltooi word vir elke vak wat aangebied word. |
| 5.2 |
|
Alhoewel die registrasievorm slegs voorsiening vir drie onderwysers maak, moet prinsipale asseblief addisionele name byvoeg - óf in elektroniese formaat, óf as ‘n bylae in papierformaat. |
| 5.3 |
|
Die naam van die betrokke OBOS moet in die laaste kolom geskryf word. |
| 5.4 |
|
Die voltooide registrasievorm, wat deur die prinsipaal van die skool gesertifiseer moet word in die ruimte wat op bladsy 1 daarvoor voorsien word, moet teen nie later nie as 24 Maart 2005 ingedien word by die Hoofkurrikulumadviseur verbonde aan die OBOS-distrik waarin die skool geleë is. Prinsipale word ernstig versoek om streng by hierdie datum te hou. |
| 5.5 |
|
Aangesien al die logistieke reëlings op hierdie registrasie gebaseer sal word, mag onderwysers nie van lokaal verander as hulle geregistreer het nie. |
| 6. |
Voorbereiding vir die vakoriënteringswerkwinkels |
| 6.1 |
|
Alle skole sal voor die einde van die eerste kwartaal vier stelle van die VOO-NKV ontvang. Ongelukkig is hierdie vakverklarings tans slegs in Engels beskikbaar. |
| 6.2 |
|
Onderwysers moet toegang hê tot die VOO-NKV, sowel as die vakhandleidings waarna verwys word as die Vakinligting riglyn en die Ontleding van nuwe kennis, vaardighede, metodologiese-, IT- en assesseringsvereistes voordat hulle opgelei word ter voorbereiding vir die oriënteringswerkwinkels. |
| 6.3 |
|
Bogenoemde dokumente moet na die vakoriënteringswerkwinkels saamgebring word.
|
| 7. |
Die volgende vakke sal vanaf 26 tot 30 September 2005 tydens verdere werkwinkels aangebied word: Elektriese, Meganiese en Siviele Ingenieurswese, Grafika en Ontwerptegnologievakke, Religiestudies, Toerisme, Wiskundige Geletterdheid, alle Landbouvakke, Ekonomie en Rekenaartoepassingtegnologie. |
| 8. |
‘n Omsendbrief met betrekking tot reisreëlings en prosedures vir eise sal gedurende die tweede kwartaal uitgestuur word. |
| 9. |
Indien nodig, kan meer inligting verkry word van die Hoofkurrikulumadviseur verbonde aan die OBOS, of die WKOD-VOO provinsiale koördineerder, mnr T Smit, by (021) 467 2630/2585 of e-pos tcessmit@pgwc.gov.za . |
| 10. |
Prinsipale se samewerking sal hoog op prys gestel word.
|
GETEKEN: D.R. SHEPHERD
HOOF: ONDERWYS
DATUM: 2005:03:18
|