| 1. |
Injongo
Umgaqo-nkqubo ochazwe kule setyhula uyinxalenye yesicwangciso esiya siphuculwa ngokuphuculwa sokuhlangabezana nokunqongophala kwendawo yokufundela kwiSebe leMfundo leNtshona Koloni. Injongo yalo mgaqo-nkqubo kukuqinisekisa ukuba ibonelelwe ngokwaneleyo indawo yokufundela kwizikolo zikarhulumente eziqhelekileyo kwiPhondo leNtshona Koloni kubo bonke abafundi iSebe leMfundo leNtshona Koloni elinoxanduva ngakubo ngokusemthethweni lokubabonelela ngendawo yokufundela.
Njengoko iSebe leMfundo leNtshona Koloni lifumanise ukwanda kakhulu kwenani labo babhalisela unyaka we-2004, lo mgaqo-nkqubo uzama ukuncedisa izikolo ukuba zingqinelane neemfuno ezisemthethweni ngokumalunga nokubonelelwa ngendawo yokufundela kwabafundi abafikelele kubudala obunyanzelekileyo bokuhamba isikolo nokubuyiselwa kwabafundi beBakala R ezikolweni. Iya kuncipha kakhulu ingxaki yokubonelela ngendawo yokufundela ukuba isikolo ngasinye siqinisekisa ukuba ubhaliso lwabafundi baso lubonisa injongo yalo mgaqo-nkqubo.
|
| 2. |
Ukwandlalela ngemithetho (Legal Background) |
| 2.1 |
|
NgokweSiqendu 39(1) soMthetho weZikolo waseMzantsi Afrika (84/1996) njengoko ufakelwe izilungiso (The South African Schools Act (84/1996), as amended) ubudala obunyanzelekileyo bokuhamba isikolo busukela kwiminyaka esi-7 kuye kweli-15 ubudala okanye kumaBakala 1 - 9 yaye ngokweSiqendu 3(3) salo Mthetho, iSebe leMfundo leNtshona Koloni linoxanduva ngokusemthethweni lokubonelela indawo yokufundela kwaba bafundi |
| 2.2 |
|
UMgaqo-nkqubo kaZwelonke: IPhepha leNgcaciso ngoMgaqo-nkqubo 5 elingoPhuhliso lwaBantwana abaseBancinane (The National policy: Education White Paper 5 on Early Childhood Development) owapapashwa ngokoMthetho woMgaqo-nkqubo weMfundo kaZwelonke (27/1996), (National Education Policy Act, (27/1996), ufuna ukuba ngo-2010 uninzi “lwabantwana abaminyaka mihlanu beza kuba nemithandathu,…baya kuba belungiselelwe kwiiprogram zonyaka wokwamkelwa ezikwizikolo zaseprayimari” (umhlathi 6.1.3) nokuba "iindawo ezilungiselelwe uluntu [zingenziwa] inxalelnye yenkqubo [yesikolo] sikarhulumente” (umhlathi 6.1.4). |
| 3. |
Isigama [Terminology]
Ubudala bokwamkelwa esikolweni: [Abafundi] ababudala buyiminyaka emi-5 nabaza kuba neminyaka emi-6 ngowama-30 Juni wonyaka wokwamkelwa
Ubudala obunyanzelekileyo bokuhamba isikolo: Bususela kwiminyaka esi-7 kuye kweli-15 (amaBakala 1 - 9)
Umfundi ofikelele kubudala obunyanzelekileyo bokuhamba isikolo: Umfundi owela kubudala obunyanzelekileyo bokuhamba isikolo
Abafundi abaNdulela iBakala R: Abafundi ababudala bungaphantsi kweminyaka emi-4 neenyanga ezi-6 ngowoku-1 Januwari wonyaka wokwamkelwa
Abafundi beBakala R: Abafundi abaneminyaka emi-4 nabaza kuba beneminyaka emi-5 ngowama-30 Juni wonyaka, okanye abadala ngaphezu koku kodwa bengadlulanga kubudala obunyanzelekileyo bokuhamba isikolo
Indawo yokufundela: Nayiphi na indawo ekwigumbi lokufundisela okanye ekwelinye igumbi lesikolo elinokusetyenziselwa ukufundisela abafundi, kubandakanywa usetyenziso ngokupheleleyo namagumbi alungiselelwe okuthile (specialist rooms)
|
| 4. |
Ukubonelelwa ngendawo yokufundela kwabafundi abakumaBakala 1 - 9 |
| 4.1 |
|
Ukususela ngoJanuwari 2004 akukho mfundi owandulela iBakala R, o.k.t. ongaphantsi kweminyaka emi-4 neenyanga ezi-6 ngowoku-1 Januwari, makafumane indawo kumasango esikolo sikarhulumente. Abafundi abandulela iBakala R, bangabhaliswa ngabazali babo kwizikolo ezizipri-prayimari okanye kwiikhretshi (crèches) zabucala (ezizimeleyo). |
| 4.2 |
|
Xa kuqwalaselwa izicelo zokwamkelwa ezivela kubafundi abafikelele kubudala obunyanzelekileyo bokuhamba isikolo kumaBakala 1 - 9, izikolo zikarhulumente mazingqinelane ke ngoko nale miqathango ilandelayo: |
| 4.2.1 |
|
Abafundi abafikelele kubudala obunyanzelekileyo bokuhamba isikolo abakumaBakala 1 - 9 mabakhethwe kuqala ngaphambi kwabafundi beBakala R ngokumalunga nokunikwa indawo yokufundela. |
| 4.2.2 |
|
Abafundi beBakala R banokufumana indawo ekumasango esikolo sikarhulumente kuphela xa izikolo zinendawo yokufundela eyaneleyo yokwamkela zonke izicelo zabafundi abafikelele kubudala obunyanzelekileyo bokuhamba isikolo (amaBakala 1 - 9), ngokomgaqo-nkqubo wesikolo wokwamkela abafundi, kuze kube kusekho indawo efumanekayo.. |
| 4.2.3 |
|
Izikolo eziqheshisele imibutho yabucala (private organisations) indawo yokufundela iiklasi zabafundi abaNdulela iBakala R nabeBakala R zibe zinengxaki yokunqongophala kwendawo yokufundela, mazithi kwangoko (ngexesha lokuthathwa kwabafundi ngoSeptemba no-Oktobha kunyaka ngamnye) zixelele abo baqeshe indawo ukuba baphume kuloo masango ukwenzela ukuba loo ndawo yokufundela isetyenziselwe abafundi abafikelele kubudala obunyanzelekileyo bokuhamba isikolo ngoJanuwari wonyaka olandelayo. Oku kusebenza kuzo zonke iimeko apho indawo eqheshisileyo iza kufunwa sisikolo. |
| 4.3 |
|
Apho izikolo nabazali banqwenela ukugcina abafundi beBakala R beyinxalenye yesikolo esikhoyo, kodwa babe bengenandawo yokufundela yaneleyo yokubafaka kwizakhiwo zesikolo eso, amabhunga olawulo ezikolo angajonga ukuba akangekhethi ukugcina abo bafundi beBakala R beyinxalenye yabafundi besikolo ababhalisileyo kodwa abafake okwethutyana kwindawo engekho apho esikolweni abo bafundi beBakala R de kubekho indawo apho esikoweni. |
| 4.4 |
|
Izikolo ezinqwenela ukukhetha oku kucetyiswa ku-4.3 mazenze isicelo, sidlule kuqala kumphathi wesekethe, kumlawuli we-EMDC zicele imvume yokwenjenjalo. Ukukhetha le ndlela kunokwenziwa kuphela emva kokunikwa imvume ebhaliweyo. Izicelo ezo mazibe nezi zinto zilandelayo: |
| 4.4.1 |
|
Ileta yesicelo esayinwe ngusihlalo webhunga lolawulo, ekungqinwa kuyo isigqibo sokukhetha ukusebenzisa indawo engekho apho esikolweni, esathathwa kwintlanganiso ebizwe ngokusesikweni yebhunga lolawulo. |
| 4.4.3 |
|
Ubungqina obuvela kootitshala babafundi beBakala R bokuba bangathanda ukusebenza phantsi kwezi meko zitshintshileyo yaye bengekho kumasango esikolo. |
| 4.4.4 |
|
Makuboniswe ukuba nguwuphi na utitshala oya kusebenza njengesuphavayiza yeprogram yeBakala R kunye nengqinisekiso ebhaliweyo yokuba loo mntu uya kuvuma ukwenza loo misebenzi yongezelelweyo. |
| 4.4.5 |
|
Ubungqina bobukho bendawo efanelekileyo engekho kumasango esikolo, ehamba kunye nemvumelwano engasayinwanga ecacisa iimeko ekuvunyelwene ngazo zokusebenzisa loo ndawo. Akukho mvumelwano mayisayinwe sisikolo phambi kokuba kunikwe imvume ebhaliweyo ngumlawuli we-EMDC yokuba kungasetyenziswa le ndlela ikhethiweyo. |
| 4.4.6 |
|
Ubungqina bokuba indawo leyo ivunywe ligunya elilawulayo laloo ndawo (local authority) ukuba isetyenziselwe ukufundisela abeBakala R. Ukuba akuphumelelanga oku, makunikwe i-EMDC le ngcaciso ilandelayo ngenjongo yokuba iqwalaselwe ukuze kuvunywe isicelo eso. (Ukuba kukho imfuneko, kungacelwa ingcebiso kweli Candelo: Physical Resource Planning licebise ngokufaneleka kwendawo leyo, kweemvumelwano neengxoxo. Nakuba kunjalo, makuqatshelwe ukuba iSebe leMfundo leNtshona Koloni aliyi kubonelela ngendawo ukulungiselela le njongo.
Iplani yomgangatho wendawo leyo ene-ariya eboniswe ngezikwe mitha (m²)
Uhlobo lwesakhiwo nezinto ezisetyenzisiweyo ekusakheni
Ukucoceka nokuqoqosheka kwendawo
Inani labafundi abanokufakwa kwigumbi ngalinye (±2 m² ngomfundi)
Inani lezindlu zangasese neesinki zokuhlambela izandla kuze kuboniswe ukuba balungiselelwe njani na abafundi abasengabantwana abancinane
Ngaba kukho indawo efanelekileyo nekhuselekileyo yokugcina ukutya (supplies)
Indawo (ebalwe ngee-m²) ekhoyo yokudlala ngokukhululekileyo nokwenza imidlalo (ibenkulu kangangoko kunokwenzeka)
Ukukhuseleka kwendawo leyo, umz. ibiyiwe yaye ineentsimbi zokuthintela abaqhekezi
|
| 4.4.7 |
|
Inkcazo ebanzi nebhajethi yengeniso nenkcitho ngokukhetha le ndlela, kwakunye nenkcithoentsha enjengeenkonzo zikamasipala, ezokhuseleko nezixhobo. Isikolo masinike ubungqina bokuba le ndlela siyikhethileyo iya kuba yenoqoqosho yaye iya kuqhuba ithuba elide nokuba isikolo siya kuba nemali eyaneleyo yokulungiselela le njongo. |
| 5. |
Ukubuyiselwa kweBakala R ezikolweni |
| 5.1 |
|
Imfundo yabasaza kuqala isikolo (pre-school) yahlula-hlulwe yangabafundi abaNdulela iBakala R (Pre-Grade R learners) abasusela kwiminyaka 0 kuye kwemi-4½ (abakwizikolo ezizipri-prayimari neekretshi zabucala (private pre-primary schools and crèches) nabafundi beBakala R abasusela kwiminyaka emi-4½ kuye kwemi-5½. |
| 5.2 |
|
Ukubonelelwa ngokwahluka-hlukeneyo kwemfundo yabasaza kuqala isikolo okwenzekayo njengangoku makulungiswe kwenziwe kungqinelane nemfuno yomgaqo-nkqubo kazwelonke (iPhepha leNgcaciso ngoMgaqo-nkqubo 5 elingoPhuhliso lwaBantwana abaseBancinane), yokuba ama-85% abo bonke abafundi beBakala R abe ebhalise kwizikolo zikarhulumente ngo-2010. |
| 5.3 |
|
Ukwenza okulungileyo nokufanelekileyo kwesi sigaba semfundo sibaluleke kangaka, izikolo ezinesithuba sokufundela zinokuqalisa zibhalise abafundi beBakala R ukususela ngo-2005. Izikolo namabhunga olawulo maziqale zixoxe ne-EMDC kunye nabezoPhuhliso lwaBantwana abaseBancinane (Early Childhood Development component) abakwiCandelo loCwangciso loLawulo nokuPhathwa kwamaZiko (Directorate: Institutional Management and Governance Planning) kwaNdlunkulu ngaphambi kokubhalisa nabaphi na abafundi beBakala R.
QAPHELA: ISebe leMfundo leNtshona Koloni aliboneli mali yezithuba zokufundisa iiklasi zeBakala R. Ngokuxhomekeka ekubeni ikho na imali, kungenziwa ibango lokuhlawulwa inkxaso-mali enikwa umntwana ngamnye eyi-R3 ngosuku lwesikolo nenokunikwa elona nani likhulu libe ngabafundi abangama-30 ngeklasi enye. |
| 5.4 |
|
Ukulungiselela ukubonelela ngendawo yokufundela efunekayo ngo-2010, ziyacelwa zonke izikolo ezinike okanye eziqeshisele imibutho yabucala indawo yokufundela abeBakala R ukuba ziqalise iingxoxo nabazali kunye nemibutho echaphazelekayo ukwenzela ukuba kwenziwe aba bafundi babe yinxalenye yabafundi ababhalise esikolweni phantsi kolawulo lwebhunga lolawulo, ngokuxhomekeka ekubeni ikho indawo. |
| 6. |
Ukuphunyezwa kwalo mgaqo-nkqubo |
| 6.1 |
|
Mabaqinisekise abaphathi beesekethe neenqununu ukuba la manyathelo akule setyhula, nasebenza kuzo zonke izikolo zikarhulumente, alandelwa ngokuthe ngqo. Abaphathi beesekethe mabaxhase izikolo ekuphumezeni lo mgaqo-nkqubo ukwenzela ukuba kungabikho mfundi obudala bunyanzelekileyo bokuhamba isikolo ubekwa engxakini. |
| 6.2 |
|
Ngosuku lwesikolo lweshumi zivuliwe izikolo qho ngonyaka ngamnye, iinqununu mazinike umlawuli we-EMDC, ziqale ziwadlulise kumphathi wesekethe, amanani abafundi ababhalisileyo kwibakala lesikolo ngalinye, inani labafundi beBakala R kwiqela lobudala ngalinye, kwakunye nenani lilonke lamagumbi okufundisela elikhoyo esikolweni. |
| 6.3 |
|
Kucelwa ukwazise okubhalwe kule setyhula bonke ootitshala besikolo, amalungu ebhunga lolawulo lesikolo namanye amaqela achaphazelekayo. |
ISAYINWE: NGU-R.B. SWARTZ
INTLOKO: YESEBE LEMFUNDO
UMHLA: 2004:09:08
|