| 1. |
Kulindeleke ukuba iSebe leMfundo leNtshona Koloni limisele umgaqo-nkqubo oya kuqinisekisa ulawulo ngendlela eyiyo lwexesha lokufundisa kwizikolo zikarhulumente. Kucelwa ukuba nifunde ezi setyhula 21/99, 52/99, 112/2000, 194/2003 nale 212/2003 ngokumalunga noku. |
| 2. |
Nakuba kunjalo, ezinye izikolo zisafumana ubunzima ekubambeni nkqi nasekulandeleni ngqo imigaqo-nkqubo yeSebe leMfundo leNtshona Koloni ngokumalunga nelona nani lisezantsi leeyure zomsebenzi ngeveki ezingama-35 kunye nelona xesha lokufundisa abafundi lincinane lifunekayo. Oku kubangelwa ikakhulu ziingxaki ezifunyanwa liqela lootitshala nabafundi ekusebenziseni kwabo amalungelo enkolo yabo. |
| 3. |
Eli Sebe leMfundo liyayiqonda yaye likwavakalelwa ngumba wala malungelo kwakunye, ukwenza umzekelo, nelungelo labo benkolo yamaSilamsi lokuya kukhonza kwimoskhi ngolwesiHlanu. Ngako oko ke eli Sebe lifakele isilungiso (amended) kumgaqo-nkqubo walo ukwenzela ukulungiselela ulawulo ngendlela eyiyo lwezikolo, kodwa ke livumele imeko apha naphaya, ngakumbi apho kuchaphazeleka amalungelo ezenkolo. |
| 4. |
Izikolo ezinqwenela ukuvala ngo-12:45 ngolweziHlanu ukulungiselela le njongo ikhankanywe apha ngasentla kuza funeka zilibuyise ixesha eziphulukene nalo ngeveki ngokuhlenga-hlengisa ngokufanelekileyo ithayimthebhile yazo yeveki. Ngasinye isikolo esichaphazelekayo masithetha-thethane nabazali, nebhunga lolawulo lesikolo nabameli babafundi, apho kusebenzayo oku, size singenise isicelo saso, kunye nengxelo ezeleyo yesiphumo sale nkqubo ilapha ngasentla, iinkcukacha ezipheleleyo ezifunekayo ngokwamaxwebhu omgaqo-nkqubo (ngaphandle kwalawo okungqina inkolo) nethayimthebhile eyidrafti kumphathi wesekethe oya kuthi yena anike iingcebiso kuMlawuli we-EMDC yaye angenise loo thayimthebhile ihlenga-hlengisiweyo ngenjongo yokuba uMlawuli anike imvume yakhe yokugqibela. |
| 5. |
Eli Sebe linqwenela ukukhuthaza onke amaqela ukuba awusingathe lo mbandela ngovakalelo olukhulu yaye enze ngokungqinelana nomoya oqulethwe nguMgaqo-nkqubo, nguMthetho weZikolo waseMzantsi Afrika nanguMthetho woMgaqo-nkqubo weMfundo kaZwelonke, (uMthetho 27/1996). Ukuvumela imeko apha naphaya okukhankanyiweyo kuza kuqaliswa njengenyathelo lokwethutyana de ube lo mbandela uhlalelwe kwinqanaba leBhunga leMfundo lezoBudlelwane eMisebenzini (ELRC level). |
| 6. |
Ziyacelwa iinqununu namabhunga olawulo ukuba bahambe ngqo ngokwemigaqo yaye baxelele ngokukhawuleza aBalawuli bee-EMDC ngeemfuno zezikolo zabo ngokumalunga noku. |
| 7. |
Kucelwa wazise bonke abachaphazelekayo okubhalwe kule setyhula ukuze bakuthathele ingqalelo. |
ISAYINWE: NGU-R.B. SWARTZ
INTLOKO: YESEBE LEMFUNDO
UMHLA: 2004:07:21
|