Ubukhulu bexesha lokufundisa kwiRNCS linikwa iiNkalo zeZifundo zeeLwimi, elileli, i-40% yexesha lokufunda kwisiGaba seSiseko ne-25% kwisiGaba esiPhakathi. Ukwazi ukufunda sisakhono esingundoqo (core competence) kule nkalo yesifundo yaye kukwasisakhono esingundoqo ekufundeni ngempumelelo kuzo zonke iinkalo zezifundo.

Makusetyenziswe iindlela ngeendlela ekufundiseni ukufunda. Ezi ndlela zibandakanya ukufunda ngokuva izandi zamagama, ngokuwabona, ngokusetyenziswa kwawo kulwimi ngokupheleleyo kunye namava ngolwimi olo. Ukufundiswa kokufunda makuvumele iindlela ezahlukeneyo zokufunda yaye kuxhobise abafundi ngeendlela-ndlela ezahlukeneyo zokubanceda bafunde de bafikelele kumgangatho ofanelekileyo wokufumana ulwazi nolonwabo, njengoko kucacisiwe kwiRNCS.

Makubekwe isiqingatha seyure ngosuku sibe lixesha lokufunda kuzo zonke izikolo zaseprayimari. Bonke ootitshala mababe seziklasini zabo ngeli xesha. Kungasetyenziswa iindlela zokufunda ezahlukeneyo, kodwa kugxininiswe ekufundeni komntu ngamnye. Abafundi abafumana ubunzima ekufundeni banokufumana inkxaso efanelekileyo ngeli xesha. Owona vimba uphambili ngulowo ubonelelwa yiProjekthi yeeNcwadi ezili-100+ (100+ Books Project). Kunokwenziwa amalungiselelo okufaka esi siqingatha seyure kwisicwangciso samaxesha okufundisa ngokuthi

• ohlawumbi kwandiswe usuku lwesikolo (oku makwenziwe ngemvumelwano yabazali nootitshala.)

• okanye kusetyenziswe ixesha elicatshulwe kwinkalo yesifundo nganye okanye kwiprogram yezifundo nganye, libalwe ngokomlinganiselo wexesha elabelwe loo nkalo yesifundo okanye loo program yezifundo kwikharityhulam.

UMgaqo-nkqubo ongokuFundisa ukuFunda wamaBakala 8 no-9 ( iSetyhula 159/2002 yeSebe leMfundo leNtshona Koloni) (WCED Circular 159/2002) umisela ukuba bonke abafundi abakula manqanaba mabafunde ixesha eliyimizuzu engama-20 ngosuku. Lo mgaqo-nkqubo unika iindlela ezi-3 zokuwuphumeza, ezizezi: kubekho ixesha elisetyenziselwa ukufunda kuphela okanye kufundwe ngexesha kufundiswa kweeLwimi okanye kufundwe kuzo zonke izifundo zekharityhulam.

Iingcebiso ngokumalunga noku zingafumaneka kuBaququzeleli boLwazi lokuFunda nokuBhala bee-EMDC (EMDC Literacy Co-ordinators) abangaba:

Metropole Central:        Mr G Davids         021 659 4423
Metropole East:           Ms K Mabandla       021 900 7014
Metropole North:          Ms J Caroto         021 938 3018
Metropole South:          Ms J Leukes         021 370 2044
                          Ms S Slingers       021 374 4107
                          Ms M Kwinana        021 372 2770
Breede River/Overberg:    Ms M Siddle         023 348 4608
South Cape/Karoo:         Ms C du Plessis     044 803 8300
West Coast/Winelands:     Ms J Baatjes        082 374 5759
                          Ms F Lawrence       082 895 5646
                          Mr R Cornelissen    083 642 1618