| 1. |
ISICWANGCISO SOKUGQIBELA SAMAXESHA OKUBHALA UVIWO |
| 1.1 |
|
Esi sicwangciso samaxesha okubhala sifakwe apha soviwo lukaJuni 2004 lweMfundo yaBadala kwiNqanaba 4 sifike sivela kwiSebe leMfundo likaZwelonke. |
| 1.2 |
|
Uviwo luqala ngowama-1 Juni 2004 luze luphele ngowe-22 Juni 2004. Nganye inkalo yesifundo iya kubhalwa ukususela ngentsimbi ye-14:00 kuye kweye-17:00. Njengoko olu vavanyo iyinkqubo eyenzeka kuzwelonke, imihla namaxesha ayafana kwilizwe lonke yaye akusayi kuvunyelwa konke konke ukutenxa kwesi sicwangciso samaxesha okubhala. |
| 1.3 |
|
Ukwenzela ukusingatha imibandela yezolawulo, kubalulekile ukuba abaphathi bamaziko oluntu babe kumaziko lawo phambi kokuqala kweseshoni nasekupheleni kweseshoni yovavanyo nganye. |
| 1.4 |
|
Ukuba uvavanyo lwenzelwa kumasango esikolo esiqhelekileyo, umphathi weziko lemfundo yoluntu makenze amalungiselelo kwangoko okuba kusetyenziswe igumbi elinqatyisiweyo, isakhiwo sezolawulo, amagumbi okufundisela namancedo ezindlu zangasese njl. njl. |
| 1.5 |
|
Abaphathi bamaziko makanike bonke abaviwa nootitshala isicwangciso samaxesha okubhala ukwenzela ukuba babe nako ukwenza izicwangciso zokugqibela zoviwo. |
| 1.6 |
|
Abaphathi bamaziko mabakhumbuze bonke abaviwa babo ukuba kufuneka bavelise izazisi zabo neeleta zokuvunyelwa kwabo ukuba bahlalele iimviwo phambi kokuba kuqale iseshoni yovavanyo nganye. |
| 2. |
UKUGADWA KWABAVIWA Makancede amaziko aqinisekise ukuba abagadi babaviwa abaziintloko nabagadi babaviwa bawo baqeqeshiwe yaye bayakwazi ncam ukusingatha ngempumelelo ukuqhutywa koviwo. |
| 3.1 |
|
Ukubekwa esweni kokubhalwa koviwo kuya kwenziwa, njengangaphambili, ngamagosa akwii-EMDC, ngamagosa akwaNdlunkulu nangabameli baka-UMALUSI. |
| 3.2 |
|
Akukho mntu makavunyelwe ukuba angene kwindawo ekubhalelwa kuyo uviwo engaqalanga aveze ikhadi lokuzazisa elimgunyazisayo. |
| 4. |
IZINTO NGOKUBANZI Niyacelwa ukuba ninqwenelele bonke abaviwa impumelelo kwiimviwo zabo egameni leli Sebe leMfundo. |
ISAYINWE:NGU-P.A. VINJEVOLD
INTLOKO: YESEBE LEMFUNDO
UMHLA: 2004:03:11
|