1.1 |
|
Ngo-2003 laye landa inani labafundi ababhala iimviwo zakwa-ABET zenqanaba 4. Siyavuyisana nabo bonke abachaphazelekayo ngeziphumo ezibe bhetele. |
1.2 |
|
Ukungqinelana nomgaqo-nkqubo we-CASS wephondo, mabakhuthazwe abafundi ukuba bahlalele iimviwo zabo kuphela xa sebelungele uvavanyo. |
2.1 |
|
Ngo-2004 iSebe leMfundo leNtshona Koloni liza kunika kwakhona amathuba amabini kubafundi okubhala iimviwo zabo zikazwelonke. Olokuqala lwezi mviwo luya kuqalisa ngowoku-1 Juni 2004 luze olwesibini luqalise ngowesi-6 Oktobha 2004. Zombini ezi mviwo ziza kuba phantsi kweliso leSebe leMfundo leNtshona Koloni, leSebe leMfundo kaZwelonke kunye nelika-UMALUSI. |
2.2 |
|
Izikhokelo zeenkalo zezifundo ezazihamba kunye neSetyhula 0075/2002 ziya kusebenza kuzo zombini iimviwo. |
2.3 |
|
Ootitshala bacetyiswa ukuba basebenzise ezi zikhokelo, iingxelo zamagosa aziintloko amakisha amaphepha eemviwo zakwa-ABET ngo-2002 kunye namaphepha eemviwo angaphambili xa belungiselela abafundi babo iimviwo. |
3.1 |
|
Ubungakanani bomsebenzi oza kuviwa : kwakhona uvavanyo rhoqo luza kuba yi-50 : 50 yaye ayakhuthazwa amaziko emfundo ukuba aqulunqe iiphothifoliyo zawo zovavanyo rhoqo. |
3.2 |
|
I-ofisi kazwelonke kunye no-UMALUSI balindele ukuba amaphondo aqalise ngenkqubo ye-CASS ebonisa ulwazi lwabafundi. Kuya kusetyenziswa isikhokelo se-CASS sango-2002 kuvavanyo lwangoJuni nangoSeptemba. |
3.3 |
|
Iiphothifoliyo zabafundi ubuncinane mazibe neengongoma ezintlanu eziya kwahluka enye kwenye yaye mazisusele kwisikhokelo seenkalo zezifundo. Ezi ngongoma mazingabi ziimvavanyo nje kuphela. |
3.4 |
|
Amanqaku okuphela konyaka ayo yonke imisebenzi yeephothifoliyo makabhalwe njengepesenti (oko kuthi okufunyenwe ngumfundi kwinani lilonke lamanqaku elingu-100). |
3.5 |
|
Amanqaku okuphela konyaka e-CASS kunye naweephothifoliyo aya kumodereyithwa ngabacebisi ngezekharityhulam bee-EMDC aze aqinisekiswe ngabephondo kunye nangamagosa ka-UMALUSI. |
3.6 |
|
Luxanduva lukatitshala ukunika umfundi ngamnye amanqaku e-CASS kwanokuba abaphathi bamaziko baqinisekisa ukuba umfundi ngamnye okwiziko lemfundo loluntu unephothifoliyo ye-CASS kwinkalo yesifundo nganye. |
3.7 |
|
Abaphathi bamaziko emfundo mabaqinisekise kwakhona ukuba ootitshala bayazigcina iirekhodi zazo zonke iimvavanyo kwiiphothifoliyo zootitshala. |
3.8 |
|
Iiphothifoliyo zootitshala mazibe nayo yonke imisebenzi neentlobo zabo zovavanyo, namanqaku yaye abafundi mabaxelelwe ukuba baqhube njani (feedback). |
4.1 |
|
Ukuba ngaba ufuna inkxaso, qhagamshelana nomnye waba bacebisi ngezekharityhulam bakwa-ABET balandelayo:
EMDC | Umcebisi ngezeKharityhulam | wakwa-ABET Ifoni (yasemsebenzini) |
Breede River/ Overberg Metropole Central Metropole East Metropole North Metropole South South Cape/ Karoo
West Coast/ Winelands |
Mr Joaniel Pieterse Mr Moeain Arend Mr Stephen Lategan Ms Winnifred Taylor Ms Zukiswa Ntontela (acting) Mr Nigel Behardien (acting) Mr Dirk Henry (acting) Ms Lillian van Louw |
023 348 4600 021 659 4344 021 900 7000 021 938 3000 021 370 2000 044 279 1681 023 415 2070 021 872 9288 |
|
4.2 |
|
Ukuba ufuna inkxaso engaphezulu qhagamshelana noMnu Parbhoo ngale nombolo yefoni (021) 467 2572 okanye nge-imeyili apha: J Parbhoo (jparbhoo@pgwc.gov.za). |
4.3 |
|
Khangela kweli ziko lewebhu: ABET Assessment (http://curriculum.wcape.school.za/site/19/page/view/59) xa ufuna ezinye iinkcukacha ngale mibandela ilandelayo: |
4.3.1 |
Iingxelo ngazo zonke iimviwo zangaphambili zika-ABET zikazwelonke |
4.3.2 |
Zonke izikhokelo zeenkalo zezifundo zikaABET zenqanaba 4. |
4.3.3 |
Iingongoma zovavanyo ezicetyiswayo zenkalo yesifundo nganye (eziveliswe liqela labacebisi ngezekharityhulam bakwa-ABET bephondo). |
4.4 |
|
Kucelwa wazise bonke abachaphazelekayo okubhalwe kule setyhula ukuze bakuthathele ingqalelo. |
ISAYINWE:NGU-J.P. RAULT-SMITH
INTLOKO: YESEBE LEMFUNDO
UMHLA: 2004:02:27
|