KENNISGEWING RAKENDE IMPLEMENTERING VAN OMSENDBRIEF 0008/2004 VAN 6 FEBRUARIE 2004

Kennis word hiermee gegee dat die begrotingsvoorskrifte vir openbare skole soos uitgereik in die Staatskoerant Nr 6103 van 23 Januarie 2004 (Omsendbrief 0008/2004) onmiddellik in werking tree. Aangesien die 2004 skoolbegrotings egter reeds gefinaliseer moes wees, sal die voorskrifte derhalwe slegs toegepas word vir die 2005 skoolbegroting vorentoe.

Ons vra om verskoning vir enige ongerief wat veroorsaak is.

Deon Louw
Assistent-Direkteur: Skoolvlakbestuur
Tel. (021) 467-2653
Faks (021) 467-2594


1. Ingevolge artikel 38(1) van die Suid-Afrikaanse Skolewet, 1996 (Wet 84/1996) soos gewysig (SASA) moet `n beheerliggaam van `n openbare skool elke jaar `n begroting wat die beraamde inkomste en uitgawe van die skool vir die volgende boekjaar uiteensit, voorberei in ooreenstemming met voorskrifte soos bepaal deur die Lid van die Uitvoerende Raad (LUR).
2. Die jongste voorskrifte (afskrifte aangeheg) is deur die LUR bepaal en het in Provinsiale Koerant Nr. 6103 van 23 Januarie 2004 verskyn.
3. U kan in verbinding tree met die Skoolvlakbestuurspan by u Onderwysbestuurs-en-ontwikkelingsentrum (OBOS) vir bystand rakende die nakoming van bogenoemde begrotingsvoorskrifte.
4. Bring asseblief die inhoud van hierdie omsendbrief onder die aandag van alle belanghebbendes en ouers.


GETEKEN: L.J. ELY
HOOF: ONDERWYS
DATUM: 2004:02:06

Provinsiale Kennisgewing  (grootte: 15 KB)