1. Verwys asseblief na Kurrikulumontwikkelingminuut 0066/2004.
2. Die volgende inligting word verskaf om beplanning vir 2005 te vergemaklik:
2.1 Die oriëntering van alle vakonderwysers wat betrokke is by die Verdere-onderwys-en- opleidingsband (VOO-band) vir graad 10 tot 12 sal soos volg plaasvind:
2.1.1 Onderwysers van die vier metropool-OBOS'e (Noord, Oos, Suid en Sentraal), en een landelike OBOS (Weskus/Wynland) se oriënteringsprogram strek oor vyf dae gedurende die Junie/Julievakansie, van Maandag 27 Junie tot Vrydag 8 Julie 2005.
2.1.2 Onderwysers van die ander twee landelike OBOS'e (Breederivier/Overberg en Suid-Kaap/Karoo) se oriënteringsprogram strek van Maandag 4 Julie tot Vrydag 8 Julie 2005.
2.1.3 Die oriënteringsessies vir die volgende vakke sal tydens die Septembervakansie, van 26 tot 30 September 2005, aangebied word: 
Gasvryheidstudies
Toerisme
Landbouwetenskap
Inligtingstegnologie
2.2 Skoolbestuurspanne (SBS'e) sal genooi word om 'n eendaagse oriënteringsessie gedurende die Maart/Aprilvakansie by te woon.
2.3 'n Vaardigheidsverbeteringskursus wat toegespits is op Persoonlike Welsyn, Uitkoms 1 van die Lewensoriëntering Nasionale Kurrikulumverklaring, sal van Donderdag 31 Maart tot Saterdag 2 April 2005 gedurende die Maart/Aprilvakansie vir alle graad 10-Lewensoriënteringonderwysers aangebied word. Aangesien Lewensoriëntering een van die fundamentele vakaanbiedings is, is vaardigheidsverbetering van onderwysers en hulle opleiding in nuwe vaardighede ter voorbereiding van die implementering van die VOO: Lewensoriëntering-NKV in 2006 van die uiterste belang.
3. Inligting rakende die plekke waar bogenoemde oriënteringsessies aangebied sal word, sal voor die einde van Februarie 2005 bekendgemaak word.
4. Alle vakonderwysers moet asseblief die VOO-NKV-vakverklarings wat aan skole gestuur is, sowel as die Vakinligtingsriglyne en Ontleding van nuwe vakkennis, vaardighede en metodologie, IT- en assesseringsvereistes ooreenkomstig leeruitkomste ter voorbereiding van die 2005-oriënteringsgeleenthede bestudeer.


GETEKEN: P.A. VINJEVOLD
HOOF: ONDERWYS
DATUM: 2004:12:02