| 1. |
Die Staatsdiens Koördinerende Bedingingsraad (SDKBR) het op nasionale vlak spesifieke behuisingsmaatreëls vir werknemers ingevolge die raamwerk van Resolusie 2/2004, saamgelees met Resolusie 3/1999, van die SDKBR ontwikkel. |
| 2. |
Die bestaande huiseienaarskema is uitgebrei om werknemers wat huurooreenkomste het vanaf 1 Januarie 2005 in die staat se behuisingsvoordele te laat deel. |
| 3. |
Die volgende inligting is van belang vir die versekering van die gladde implementering van die maatreëls: |
| 3.1 |
|
'n Aansoeker moet in Suid-Afrika ’n woning besit of huur wat bewoon word deur die werknemer en/of sy/haar gade en/of sy/haar afhanklike kinders. |
| 3.2 |
|
'n Behuisingtoelae is betaalbaar :- |
| 3.2.1 |
|
slegs vir een woning; |
| 3.2.2 |
|
slegs ten opsigte van een gade waar beide gades in diens is van die staat, behalwe in 'n geval waar, om operasionele redes, hulle in verskillende landdrosdistrikte gestasioneer is en twee verskillende wonings in stand moet hou ; en |
| 3.2.3 |
|
waar 'n aantal onafhanklike werknemers wat oor aparte huurooreenkomste beskik, in een woning saamwoon. Elke werknemer sal vir 'n toelae kwalifiseer indien hy/sy daarom aansoek doen. |
| 4. |
Die huidige huiseienaarstoelaes word steeds ingevolge SDKBR-resolusie 3/1999 bereken en sal onveranderd bly ten opsigte van werknemers wat reeds van die stelsel gebruik maak. |
| 5. |
Ingevolge Resolusie 2/2004 sal ’n nie-pensioendraende behuisingstoelae vir alle permanente werknemers vanaf 1 Januarie 2005 soos volg ingefaseer word: |
| 5.1 |
|
Vanaf 1 Januarie 2005, R100.00 per maand van die huiseienaarstoelae |
| 5.2 |
|
Vanaf 1 Januarie 2006, 40% van die bedrag van die huiseienaarstoelae |
| 5.3 |
|
Vanaf 1 Januarie 2007, 60% van die bedrag van die huiseienaarstoelae |
| 5.4 |
|
Vanaf 1 Januarie 2008, 80% van die bedrag van die huiseienaarstoelae |
| 5.5 |
|
Vanaf 1 Januarie 2009,100% van die bedrag van die huiseienaarstoelae tot ’n maksimum bedrag van R403.00 per maand |
| 6. |
’n Werknemer wat ’n woning koop op of na die datum waarop Resolusie 2/2004 in werking tree, sal vir die maksimum bedrag van R 403.00 per maand in aanmerking kom mits hulle aan al die vereistes soos in paragraaf 3 hierbo uiteengesit, voldoen. |
| 7. |
Werknemers wat tans 'n huiseienaarstoelae van minder as die maksimum bedrag ontvang, sal, as deel van die infaseringsfase, 'n verhoging in hulle huiseienaarstoelae ontvang totdat hulle die maksimum voordeel soos aangedui in paragraaf 5 ontvang. |
| 8. |
Die huur betaalbaar deur persone wat staatsbehuising bewoon, soos verlang deur die WKOD, sal vanaf 1 Januarie 2005 gelyk wees aan die grootste deel van of die behuisingstoelae, as deel van die infaseringsfase (soos in paragraaf 5) òf die toepaslike bedrag betaalbaar ooreenkomstig Deel XVI van Bylae B van SDKBR-resolusie 3 /1999 d.w.s die huurbedrag sal gelyk wees aan die behuisingtoelae. |
| 9. |
Aangeheg is die WKOD se aansoekvorm vir 'n behuisingstoelae (Resolusie 2/2004) wat vir administratiewe doeleindes gebruik sal word slegs ten opsigte van persone wat huurooreenkomste het. Die betrokke werknemers moet die vorm voltooi en dit aan die WKOD-hoofkantoor terugstuur. |
| 10. |
Bring asseblief hierdie omsendbrief onder die aandag van alle werknemers en versoek hulle om dit te parafeer en te dateer as bewys dat hulle bekend is met die inhoud daarvan. |
GETEKEN: J.H. HURTER
HOOF: ONDERWYS
DATUM: 2004:11:17
|