1. Op aanbeveling van UMALUSI, die Raad vir Kwaliteitsversekering in Algemene en Verdere Onderwys en Opleiding, en in ooreenstemming met die ander provinsiale departemente, sal die Wes-Kaap Onderwysdepartement die formaat van Vraestel 1 van Aardrykskunde Hoër- en Standaardgraad vir die Senior Sertifikaat-eksamen met ingang van Oktober 2005 verander.
2. Vraestel 1 (Teorievraestel) sal uit ses in plaas van sewe vrae bestaan en kandidate sal steeds vier van die vrae moet beantwoord. Die tyd wat benodig word vir die lees van die vraestel word dus verkort. Sekere afdelings in Streeksaardrykskunde (Namibië en die voormalige Tuislande) is geskrap en die onderskeie komponente sal soos volg geëksamineer word:
AFDELINGVRAAGKOMPONENTE
A1
2		Klimatologie en Ekosisteme
Geomorfologie en Ekosisteme
B3
4		Landelike Nedersettings
Stedelike Nedersettings
C5
6		Streeksaardrykskunde (Omgewing en Bevolkingsagtergrond)
Streeksaardrykskunde (Ekonomie van RSA)

3. Daar sal van kandidate verwag word om ’n verskeidenheid van aardrykskundige vaardighede en tegnieke te gebruik om inligting te kan interpreteer en manipuleer. Dit sal hulle in staat stel om die onderskeie komponente in Vraestelle 1 en 2 te integreer.
4. Die bogemelde wysigings is van toepassing op alle voltydse en deeltydse kandidate, afgesien daarvan of die vak as een van die ses verpligte vakke of as ’n addisionele vak geneem word.
5. Prinsipale moet asseblief die inhoud van hierdie minuut onder die aandag bring van die Departementshoof, onderwysers verantwoordelik vir Aardrykskunde op Senior Sertifikaat-vlak en leerders wat die vak privaat bestudeer.


GETEKEN: P.A. VINJEVOLD
HOOF: ONDERWYS
DATUM: 2004:11:11