| 1. |
Ingevolge paragraaf (1), artikel 11, hoofstuk 2 van die Suid-Afrikaanse Skolewet (Wet 84/1996) (SASA), moet ’n verteenwoordigende raad van leerders ingestel word by elke openbare skool wat leerders in graad 8 en hoër inskryf. |
| 1.1 |
|
Die VRL is die ENIGSTE statutêre liggaam wat verkies word deur en verteeenwoordigend is van al die leerders. Dit beteken dat alle ander liggame/rade/jeuggroepe ondergeskik is aan die VRL, maar as subkomitees met ‘n VRL-lid as voorsitter deel mag vorm van die VRL. Dit impliseer dat 'n prefekraad slegs as ‘n subkomitee van die VRL mag funksioneer en dat daar voortaan nie 'n amp van hoofseun of hoofdogter mag wees nie. Die VRL kies ampsdraers, byvoorbeeld 'n voorsitter, 'n ondervoorsitter, 'n sekretaris en 'n tesourier. |
| 1.2 |
|
Buitengewone Provinsiale Staatskoerant 5956 van 31 Januarie 2003 bevat maatreëls vir die samestelling, funksies, verkiesingsprosedures en ontbinding van 'n VRL en die ontslag van ‘n individuele lid van 'n VRL. |
| 1.3 |
|
Dit is wenslik dat VRL-verkiesings aan die einde van die derde kwartaal of die begin van die vierde kwartaal van elke jaar gehou word om te verseker dat die VRL'e diens lewer vir 'n volle termyn. Dit staan u vry om in hierdie verband die VRL-koördineerder om hulp te nader. |
| 2. |
Artikel 23 (2)(d) van die SASA maak verder voorsiening vir leerders om verteenwoordig te word op die Skoolbeheerliggaam (SBL). Die VRL kies twee leerders om op die SBL te dien. Dit voorsien leerders van ‘n legitieme rol in die bestuur van die skool. Verkose VRL-verteenwoordigers van 'n SBL het die reg en plig om alle SBL vergaderings by te woon en het gelyke stemreg wat egter nie uitgebring mag word wanneer die SBL ‘n kontrak met ‘n derde party wil sluit nie. |
| 3. |
Die kapasiteitsbou en ontwikkeling van VRL'e moet hoë prioriteit in skole geniet en SBL'e word aangemoedig om in hulle begrotings voorsiening te maak vir VRL-opleiding. |
| 4. |
Opleiding word in groepe voorsien en word deur die WKOD in samewerking met die betrokke kringbestuurder beplan. Daar kan met die volgende kringbestuurders in verbinding getree word:
Metropool-Noord Me. F. Kotze 021 948 0950
Metropool-Oos Mnr. A. Fortuin 021 903 2164
Metropool-Suid Me. P. Demas 021 370 2000
Metropool-Sentraal Mnr. R. Steenberg 021 659 4301
Weskus/Wynland Mnr. M. le Cordeur 021 860 1200
Mnr. L. Davids 021 860 1200
Breederivier/Overberg Mnr. L. Rousseau 023 347 0820
Suid-Kaap/Karoo Mnr. E. Anthony 044 873 6128
|
| 5. |
Die bywoning van alle werksessies/vergaderings wat deur die WKOD vir VRL'e en onderwyserskakelbeamptes gereël word, moet baie hoë prioriteit kry. Verskonings vir nie-bywoning moet skriftelik aan die betrokke kringbestuurder gerig word. |
| 6. |
In hierdie verband word prinsipale versoek om die aangehegte vorm te voltooi en by Hoofkantoor te besorg teen nie later nie as 19 November 2004. |
GETEKEN: R.B. SWARTZ
HOOF: ONDERWYS
DATUM: 2004:10:27
|