| 1. |
Die beleid ten opsigte van jaarlikse verlof is bekendgemaak in Omsendbrief 56/2003 van 6 Maart 2003. |
| 2. |
Ingevolge die bepalings van Resolusie 7/2000 moet die jaarlikse verlof van 'n bepaalde verlofsiklus benut word binne ses maande na die verstryking van die betrokke siklus. Aangesien die Wes-Kaap Onderwysdepartement (WKOD) nie oor fondse beskik om enige uitbetalings in die plek van onbenutte verlof te maak nie, mag geen jaarlikse verlof geweier word nie. Dit moet egter steeds in gedagte gehou word dat dienslewering nie daaronder mag ly nie. Die opstel en noukeurige implementering van 'n doeltreffende verlofrooster is gevolglik van die uiterste belang. |
| 3. |
Dit is die werkgewer se verantwoordelikheid om toe te sien dat werknemers hulle verlof neem. Lynbestuurders en toesighouers word dus weereens versoek om, met deeglike inagneming van die diensleweringsvereistes van die kantoor of afdeling, te verseker dat werknemers die kans gegun word om hulle jaarlikse verlof te benut. |
| 4. |
Bring asseblief die inhoud van hierdie omsendbrief onder die aandag van alle betrokke personeellede, insluitende diegene wat tans met verlof is, en versoek hulle om die omsendbrief te teken en te dateer. |
GETEKEN: J.H. HURTER
HOOF: ONDERWYS
DATUM: 2003:12:23
|