| 1. |
Die gemeenskaplike rooster vir die summatiewe assessering van VBOO vlak 3-leerders in Oktober-November 2004 is ingesluit. |
| 1.1 |
|
Die summatiewe assessering neem op 25 Oktober 2003 'n aanvang en sal op 9 November 2003 ten einde loop. Elke leerarea sal tussen 18:00 en 20:30 geskryf word. Hierdie assessering word deur die Wes-Kaap Onderwysdepartement (WKOD) voorsien om leerders te help om die noodsaaklike vaardighede vir die skryf van die vlak 4-eksamen te ontwikkel. Sentrums word dus versoek om by die rooster te bly en die eksamen op dieselfde wyse as vir vlak 4 te hanteer. |
| 1.2 |
|
Vir administratiewe doeleindes is dit belangrik dat sentrumbestuurders voor die aanvang en aan die einde van elke assesseringsessie by die sentrums moet wees. |
| 1.3 |
|
Indien die assessering op die perseel van `n hoofstroomskool plaasvind, moet die sentrumbestuurder vooraf reëlings tref vir die gebruik van die kluis, die administrasiegebou, klaskamers, ablusiegeriewe, ens. |
| 1.4 |
|
Sentrums moet die rooster onmiddellik aan alle kandidate en opvoeders beskikbaar stel sodat hulle finale reëlings vir die summatiewe assessering kan tref. |
| 1.5 |
|
Sentrumbestuurders moet al hulle kandidate daaraan herinner dat hulle voor die aanvang van elke assesseringsessie hulle identiteitsdokumente en toelatingsbriewe sal moet toon. |
| 2. |
Die riglyne wat vir hierdie assessering gebruik moet word, is feitlik dieselfde as dié wat in 2002 gebruik is, maar die totale getal punte vir elke vraestel sal 80 wees. Die finale summatiewe punt van 20 sal van die algemene eksamen afgelei word. |
| 3. |
U word versoek om alle kandidate namens die WKOD voorspoed met die assessering toe te wens. |
GETEKEN: D.R. SHEPHERD
HOOF: ONDERWYS
DATUM: 2004:09:03
|