1. Hierdie omsendbrief brei uit op Omsendbrief 0241/2003, klaar onduidelikhede ten opsigte van die DASS vereistes vir Nasionale vakke op, en onttrek Bylae A.

2. Die doel van hierdie omsendbrief is om die vereistes vir Deurlopende Assessering vir Graad 10-12 in 2004 en 2005 duidelik te stel.

3. Deurlopende Assessering (DASS) en praktiese vereistes vir Graad 12 in 2004 bly presies soos vereis in 2003.

4. Hierdie omsendbrief bevat die vereistes vir Graad 10 en 11 in 2004 en gee vroeë kennisgewing van veranderings tot DASS vereistes vir Graad 12 in 2005 in alle vakke behalwe:
4.1 vakke wat nasionaal geëksamineer word (Wiskunde, Natuur- en Skeikunde, Biologie, Rekeningkunde en Geskiedenis) waarvoor nasionale deurlopende assesseringsvereistes bestaan, en
4.2 daardie tale waarvoor DASS vereistes voorgeskryf is in die Standaardisering van Tale Beleidsdokument (verwys ook na Omsendbrief 0033/2002 ).

5. Hoofde van opvoedkundige inrigtings moet daarop let dat assessering steeds ’n bron van groot bekommernis is. Die belangrikheid van geskikte assessering en assesseringspraktyke kan nie onderskat word nie en daarom is dit nodig om ’n gemeenskaplike begrip van sleutel aspekte en beginsels te ontwikkel.

6. Hoofde van opvoedkundige inrigtings moet kennis neem van die duidelike onderskeid tussen Assessering vir Leer (Formatiewe Assessering) en Assessering van Leer (Summatiewe Assessering) waarvoor spesifieke vereistes vir bevorderingsdoeleindes vasgestel is. Neem asseblief kennis dat alle assessering, of dit vir formatiewe of summatiewe doeleindes bedoel is, behoort uiteindelik vir formatiewe doeleindes d.i. om die leerder in die leerproses te ondersteun, en dat terugvoering ’n kritieke element is om te verseker dat assessering leer bevorder. Die WKOD stel die vereistes vir Assessering van Leer, maar Assessering vir Leer is die professionele verantwoordelikheid van die onderwyser.

7. Assessering vir Leer:
7.1 WKOD Oorgangsriglyne vir Graad 10 en 11, wat in die laaste kwartaal van 2003 aan skole versend is, bevat riglyne vir die onderrig in Graad 10 en 11 se sillabusse, vir leerders wie Kurrikulum 2005 in die Senior Fase van die Algemene Onderwys en Opleidingsband gevolg het, sowel as aanbevelings vir assessering, veral ten opsigte van “assessering vir leer”.
7.2 Onderwysers moet verseker dat geskikte, voldoende en geldige assessering vir leer plaasvind. ’n Volle program van assessering is noodsaaklik en behoort vir meer as genoeg geleenthede vir daardie tipe diagnostiese assessering, wat ’n integrale deel van die onderrig- en leerproses deel uitmaak. Deurlopende assessering stel die onderwyser in staat om in noue kontak van leerder behoeftes te bly en om die pas en reikwydte van lesse ooreenkomstig aan te pas - sodat remediëring en verryking volgens behoefte voorsien kan word. Onderwysers moet rekord hou van Assessering vir Leer wat plaasvind.
7.3 As bestuurder van die kurrikulum, moet die prinsipaal verseker dat voldoende maatreëls in die skool in plek gestel is om assessering vir leer te ondersteun en te monitor, en om te verseker dat onderrig en leer positief deur die proses ondersteun en bevorder word.

8. Assessering van Leer
8.1 In samewerking met onderwysers is ’n poging aangewend om deurlopende assessering te standaardiseer en om die aantal deurlopende assessering items wat vir bevorderingsdoeleindes vereis word, te beperk, terwyl terselfdertyd aspekte wat die kwaliteit van die items wat opgeteken moet word, aangespreek word.
8.2 Provinsiale vereistes vir 2004 (Graad 10 en 11) en 2005 (Graad 10 tot 12) beperk die komponente vir optekening vir bevorderingsdoelstellings tot vyf, naamlik: eksamen, toetse en drie ander komponente. In totaal, tussen 7 en 10 aktiwiteite word per vak vir bevorderingsdoeleindes vereis. Hierdie komponente word vir elke vak omskryf en is geselekteer omdat dit ’n gepaste diepte (bv. “doen ’n brongebasseerde navorsingsopdrag”) vir leerders op hierdie vlak en laat ruimte vir ’n geskikte omvang van prestasies en van assesseringstegnieke. Hierdie assesseringsaktiwiteite, sowel as die assessering vir leeraktiwiteite waarop die onderwyser besluit het, moet ’n integrale deel van die onderrig- en leerproses vorm.
8.3 Onderwysers moet rekord van alle assesseringsaktiwiteit hou, en verseker dat leerders voldoende en toepaslike terugvoering na elke assesseringsaktiwiteit ontvang.
8.4 Deurlopende assesseringsriglyne vir elke vak sal aan skole versend word. Die riglyne spesifiseer WKOD DASS bevorderingsvereistes, bevat ondersteuningsnotas en voorgestelde assesseringstegnieke vir Graad 10 en 11 in 2004-2005 en vir Graad 12 in 2005.
8.5 Leerders, en hul ouers/voogde, behoort vroegtydig in kennis gestel te word van aktiwiteite wat vir summatiewe rekordhoudingsdoeleindes gebruik gaan word, watter assesseringskriteria gebruik sal word, asook die datums vir inlewering sodat hulle effektief vooruit kan beplan.
8.6 Elke item wat vir DASS opgeteken word, moet onderworpe wees aan ’n interne kwaliteitsversekeringproses, wat moderering, by voorbeeld, deur ’n departements-hoof of vakhoof of mede-vakonderwyser, kan insluit.

9. Skool Assesseringsbeleid
9.1 Om te verseker dat assessering behoorlik bestuur word, moet elke skool oor ’n assesseringsbeleid beskik.

10. Ondersteuning in die bestuur en uitvoering van assessering
10.1 Die WKOD UGO Kompakskyf, wat binnekort deur die OBOS beskikbaar sal wees, het verdere besprekings oor Assessering in Module 3 van die pakket, in die afdelings “UGO in Aksie” en in “Die Bestuur van Differensiasie”.
10.2 Die “WKOD Assesseringsriglyne vir die AOO Band” ( Omsendbrief 0225/2003 ) bevat ook waardevolle besprekings en verduidelik die terme van formatiewe (“Assessering vir Leer”) en summatiewe (“Assessering van Leer”) assessering op bladsye 7 en 8.
10.3 Die Kurrikulum Ontwikkelings webtuiste by http://curriculum.wcape.school.za bevat verdere ondersteuningswenke vir onderwysers.
10.4 Verskaffers wat geregistreer is by die Suid Afrikaanse Kwalifikasie Outouriteit (SAKO) bied geakkrediteerde assesseringskursusse aan. ‘n Aantal onderwysers (bv. Intermediêre Fase onderwysers wat resorteer onder die Wiskunde, Wetenskap en Tegnologie strategie) en beamptes het alreeds by hierdie kursusse baat gevind. Skool met fondse vir professionele ontwikkeling kan ook hierdie opleiding vir hul onderwysers oorweeg.

11. Hoofde van opvoedkundige inrigtings word versoek om die inhoud van hierdie omsendbrief onder die aandag van alle opvoeders, leerders en ouers/voogde te bring.

12. Navrae aangaande die inhoud van hierdie omsendbrief kan aan die direkteure en hoof kurrikulum adviseurs verbonde aan OBOSe gerig word.


GETEKEN: J. RAULT-SMITH
HOOF: ONDERWYS
DATUM: 2004:01:19