1. Daar word van die Wes-Kaap Onderwysdepartement (WKOD) verwag om beleid te bepaal wat die effektiewe beheer van onderrigtyd in openbare skole sal verseker. U word in hierdie verband verwys na Omsendbriewe 21/99, 52/99, 112/2000, 194/2003 en 212/2003.
2. Sommige skole ondervind egter steeds probleme met voldoening aan en die handhawing van die WKOD-beleid met betrekking tot die minimum werkweek van 35 uur en die minimum kontaktyd met leerders. Dit kan hoofsaaklik toegeskryf word aan die probleme wat deur 'n hele aantal van ons opvoeders en leerders in die uitoefening van hulle godsdiensregte ondervind word.
3. Die WKOD is bewus van en staan simpatiek teenoor hierdie regte, asook, byvoorbeeld, die reg van lede van die Moslemgemeenskap om op Vrydae geloofsbeoefening in 'n moskee by te woon. Die WKOD het derhalwe sy beleid aangepas om voorsiening te maak vir die effektiewe beheer van skole, maar ook vir 'n mate van buigsaamheid, veral rakende godsdiensregte.
4. Skole wat vir bogenoemde doeleindes Vrydae om 12:45 wil sluit, moet die verlore tyd gedurende die week inwerk deur hulle roosters dienooreenkomstig aan te pas. Elke skool wat betrokke is, moet die ouers, die beheerliggaam en die verteenwoordigende raad van leerders, waar van toepassing, raadpleeg en sy aansoek, tesame met 'n volledige verslag van die onderhandelingsproses, volle besonderhede soos deur die beleidsdokumente vereis (uitsluitend bewys van geloof) en 'n konseprooster aan die kringbestuurder voorlę. Die kringbestuurder sal dan aanbevelings aan die OBOS-direkteur maak en die konseprooster vir laasgenoemde se finale goedkeuring voorlę.
5. Die Departement wil graag alle betrokkenes aanmoedig om die aangeleentheid met groot omsigtigheid te benader en in ooreenstemming met die gees van die Grondwet, die SA Skolewet en die Nasionale Onderwyswet (Wet 27/1996) te handel. Hierdie buigsaamheid word as tydelike maatreël ingestel totdat die aangeleentheid op RAVO-vlak hersien is.
6. Prinsipale en beheerliggame word versoek om die prosedures nougeset te volg en om hulle OBOS-direkteure so gou doenlik in te lig oor hulle skole se behoeftes in hierdie verband.
7. Bring asseblief die inhoud van hierdie omsendbrief onder die aandag van alle betrokkenes.


GETEKEN: R.B. SWARTZ
HOOF: ONDERWYS
DATUM: 2004:07:21