| 1. |
Die ingeslote rooster vir die VBOO Vlak 4-eksamen in Oktober 2004 is van die Nasionale Departement van Onderwys ontvang. |
| 2. |
Die eksamen neem op 6 Oktober 2004 ‘n aanvang en loop op 26 Oktober 2004 ten einde. Elke leerarea sal van 14:00 tot 17:00 geskryf word. Aangesien hierdie assessering `n nasionale proses is, is die datums en die tye landswyd van toepassing en kan geen afwyking van die nasionale rooster toegelaat word nie. |
| 3. |
Ten einde die administratiewe sake te kan behartig, is dit belangrik dat sentrumbestuurders voor die aanvang en ook aan die einde van elke assesseringsessie by die sentrums moet wees. |
| 4. |
Indien die assessering op die perseel van `n hoofstroomskool plaasvind, moet die sentrumbestuurder voor die aanvang van die eksamen reëlings tref vir die gebruik van die kluis, die administrasiegebou, klaskamers, toiletgeriewe, die daaglikse oop- en toesluit van die eksamensentrum, ens. |
| 5. |
Sentrumbestuurders moet die rooster aan al hulle kandidate en opvoeders beskikbaar stel sodat hulle finale reëlings vir die eksamen kan tref. Hulle moet ook alle kandidate daaraan herinner dat hulle identiteitsdokumente en toelatingsbriewe voor die aanvang van elke assesseringsessie getoon moet word. |
| 6. |
Sentrums moet seker maak dat hulle hoofopsieners en opsieners opgelei en bevoeg is om die administrasie van die eksamen te behartig. |
| 7. |
Net soos in die verlede, sal die monitering van die skryf van die eksamen deur OBOS- en Hoofkantooramptenare, en UMALUSI-verteenwoordigers beheer word. |
| 8. |
Geen persoon mag in die eksamenlokaal toegelaat word tensy hy of sy 'n gemagtigde identifikasiekaart toon. |
| 9. |
Sentrumbestuurders word versoek om namens die Wes-Kaap Onderwysdepartement alle kandidate voorspoed met die assessering toe te wens. |
GETEKEN: P.A. VINJEVOLD
HOOF: ONDERWYS
DATUM: 2004:07:20
|