1. Noodsaaklikheid om te fokus op die onderrig van lees

Die meeste onderrigtyd in die HNKV word gewy aan die Taalleerarea, naamlik 40% van die leertyd in die Grondslagfase en 25% in die Intermediêre Fase. Lees is 'n kernkomponent van hierdie leerarea, en 'n kernvaardigheid vir suksesvolle leer in alle leerareas.

2. 'n Gebalanseerde benadering tot die onderrig van leer

Verskeie benaderings moet gebruik word in die onderrig van lees. Dit sluit in klankleer-, sigwoord-, taalkundige, heeltaal- en taalondervinding. Die onderrig van lees moet voorsiening maak vir verskillende leerstyle en moet leerders toerus met 'n reeks tegnieke en strategieë om hulle te help om op die toepaslike vlak vir inligting en genot te lees, soos in die HNKV gespesifiseer.

3. Die leesperiode
3.1 Primêre skole: Die leeshalfuur

'n Halfuur per dag moet in elke primêre skool opsy gesit word vir 'n leesperiode. Alle onderwysers moet dan in hulle klaskamers wees. 'n Verskeidenheid van leesmetodes moet gebruik word, maar die klem moet op individuele lees wees. Leerders wat probleme met lees ondervind kan gedurende hierdie tyd toepaslike steun ontvang. Die hoofbron word deur die 100+ Boekeprojek voorsien. Voorsiening kan op die rooster vir die halfuur gemaak word deur

  • óf die skooldag te verleng (Dit moet met die instemming van onderwysers en ouers geskied.)

  • óf tyd van elke leerarea of leerprogram, in verhouding tot die tyd daaraan toegewys in die kurrikulum, te gebruik.
3.2 Hoërskole: Leesprogramme

Die graad 8- en 9-leesbeleid ( WKOD-omsendbrief 159/2002) ) vereis dat alle leerders op hierdie vlakke vir 20 minute elke dag moet lees. Die beleid bied drie opsies vir implementering: 'n toegewyde leesperiode óf geïntegreer in Tale óf geïntegreer oor die kurrikulum heen.

4. OBOS-bystand

Advies in hierdie verband kan verkry word van die volgende OBOS-geletterdheidskoördineerders:

 
Metropool-Sentraal:           Mnr G Davids        021 659 4423
Metropool-Oos:                Me K Mabandla	  021 900 7014
Metropool-Noord:              Me J Caroto         021 938 3018
Metropool-Suid:               Me J Leukes         021 370 2044
                              Me S. Slingers      021 374 4107
                              Me M Kwinana        021 372 2770
Breede River/Overberg:        Me M Siddle         023 348 4608
Suid-Kaap/Karoo:              Me C du Plessis     044 803 8300 
Weskus/Wynland:               Me J Baatjes	  082 374 5759
	                      Me F Lawrence       082 895 5646
	                      Mnr R Cornelissen   083 642 1618

'n Dringende beroep word op prinsipale van skole, as die kurrikulumbestuurders van hulle inrigtings, gedoen om geletterdheidsontwikkeling te ondersteun en te handhaaf.



GETEKEN: P.A. VINJEVOLD
HOOF: ONDERWYS
DATUM: 2004:06:30