1. In 'n poging om misdaad en geweld in sy skole te bekamp, het die Wes-Kaap Onderwys- departement (WKOD) 'n Handleiding rakende die hantering van veiligheid en sekuriteit in samewerking met kringbestuurders, skoolhoofde, opvoeders, onderwysersunies, Arbeidsverhoudinge, Regsdienste en die Veiligeskole-afdeling opgestel. Die handleiding, wat op 18 Februarie 2004 bekendgestel is, sal dien as 'n riglyn vir opvoeders, leerders en ondersteuningspersoneel in die bestuur van veiligheid en sekuriteit in WKOD-inrigtings.
2. Die handleiding gee 'n uiteensetting van die visie, missie, strategie en beplanning wat met die handhawing van veiligheid en die beheer van krisisse gepaard gaan en roer die kwessie van wapens op skoolterreine asook visenterings en beslaglegging aan.

3. Riglyne word ook vir die volgende voorsien:
3.1 Omgewingsprogramme
3.2 Programme vir die ondersteuning, modifikasie en beïnvloeding van gedrag
3.3 Stelselprogramme

4. Spesiale aandag word gegee aan die stigting van veiligheidskomitees en die aanstelling van veiligheidsbeamptes by skole.

Hoofde van inrigtings word versoek om te verseker dat die inhoud van die handleiding onder die aandag van alle opvoeders, ouers, voogde en leerders gebring word.



GETEKEN: P.A. VINJEVOLD
HOOF: ONDERWYS
DATUM: 2004:07:02

Handleiding rakende die hantering van veiligheid en sekuriteit  (grootte: 259 KB)