1. OMVANG VAN BELEID
1.1 U aandag word gevestig op Omsendbrief 46/2003 van 6 Maart 2003 wat die Rookbeleid en die implementeringsriglyne van die Wes-Kaap Onderwysdepartement bevat.
1.2 Hierdie beleid is van toepassing op alle kantoor- en inrigtinggebonde werknemers van die WKOD.

2. DOEL

Bogenoemde rookbeleid beoog
2.1 om te waarborg dat daar gehou word by die bepalings van artikel 24(a) van die Grondwet van die Republiek van Suid-Afrika, die Wet op Beroepsveiligheid en -gesondheid (1933) en ander relevante wetgewing.
2.2 om te waarborg dat nie-rokers in 'n rookvrye omgewing kan werk, terwyl die behoeftes van diegene wat nie rook nie, in ag geneem word.
2.3 om te verseker dat, waar spesiale voorsiening gemaak is deur middel van 'n spesiale rookkamer, normale werkprestasie nie benadeel sal word deurdat die kamer op enige ander tye as gedurende amptelike pouses gebruik sal word nie.
2.4 om te verseker dat waar geen toegewysde kamer beskikbaar is nie, redelike maatreëls in plek is om te verseker dat die regte van nie-rokers nog steeds beskerm sal word.
2.5 om te verseker dat alle hoofde van inrigtings of enige persone in toesighoudende posisies seker sal maak dat hierdie beleid geïmplementeer word ooreenkomstig die bepalings van hierdie omsendbrief.

3. IMPLEMENTERING
3.1 Die verantwoordelikheid om te besluit of personeel gedurende amptelike werksure hulle werkplekke kan verlaat om te gaan rook, is deur middel van bogenoemde omsendbrief (46/2003) gedelegeer na hoofde van onderwysinrigtings en direkteure. Personeel behoort, binne die toegepaste reëls, toegelaat te word om slegs gedurende teepouses en etensure, of, in die geval van onderwysinrigtings, gedurende die bepaalde pouses vir leerders/studente te rook. Sodoende kan verhinder word dat daar verlies aan amptelike ure sal wees wat die doeltreffendheid, en dus ook die beginsels van Batho Pele sal beïnvloed.
3.2 Daar is egter opgelet dat personeel in sommige gevalle op ander tye as gedurende teetyd en etensure gaan rook. Dit is strydig met die riglyne soos dit in bogenoemde omsendbrief verskyn. Die WKPA se rookbeleid verbied nie rookpouses nie. Dit noem egter dat die departement se bestuursdoeltreffendheid en operasionele doeltreffendheid, sowel as die vlak van produktiwiteit en die verwagte werkprestasie van die betrokke personeel nie deur sodanige konsessies gekompromiteer mag word nie. (sien paragraaf 4.5.3 van die beleid).
3.3 Alle direkteure, hoofde van onderwysinrigtings en ander toesighouers word dus versoek om seker te maak dat rookpousese beperk word tot tee- en etenspouses in die geval van kantoorgebaseerde werknemers, en tot die gestipuleerde pouses vir leerders/studente in die geval van inrigtinggebaseerde werknemers.
3.4 Slegs wanneer 'n toesighouer verlof toegestaan het aan 'n werknemer om 'n rookpouse te neem buite amptelike pouses, sal 'n afwyking van die bogenoemde norm toegelaat word. Dit is slegs toelaatbaar wanneer 'n werknemer nie in staat was om sy/haar toegewysde tee-/etensuurpouses te geniet nie as gevolg van werkverpligtinge soos vergaderings, terreintoesig, ens.
3.5 Let asseblief daarop dat dissiplinêre maatreëls teen werknemers ingestel kan word wat hierdie beleid nie onderskryf nie en teen toesighouers wat dit nie toepas nie.

Bring asseblief die inhoud van hierdie omsendbrief onder alle betrokkenes se aandag.



GETEKEN: RB SWARTZR
HOOF: ONDERWYS
DATUM: 2003:12:19