| 1. |
Leeraktiwiteit vind optimaal plaas waar daar 'n gedeelde poging aangewend word en waar daar gedeelde belangstelling, ondersteuning en motivering is tussen die ouer, die leerder en die skoolpersoneel en waar die rol en verantwoordelikhede van die skool teenoor die kind en ouer en omgekeerd onderling erken word. |
| 2. |
Ouers het 'n sekere rol en verantwoordelikhede teenoor die skool waar hulle kinders ingeskryf is asook teenoor hulle kinders as leerders. |
| 3. |
Die aangehegte riglyndokument is bedoel om te dien as 'n bestuurinstrument om hoofde van onderwysinrigtings te lei om ouers in te lig van hierdie rol en verantwoordelikhede. |
| 4. |
Hierdie riglyne bevat inligting en voorstelle wat hoofde van onderwysinrigtings kan inkorporeer in die skool se brosjure, nuusbrief of prospektus. Hoofde word aangemoedig om hulle eie voorstelle by te voeg. |
| 5. |
Hoofde van onderwysinrigtings word versoek om die inhoud van hierdie omsendbrief en die aangehegte riglyndokument onder die aandag van alle personeellede, die beheerliggaam en ouers te bring met die bedoeling om betekenisvolle vennootskappe te bou tussen die ouers en die skool. |
GETEKEN: R.B. SWARTZ
HOOF: ONDERWYS
DATUM: 2004:05:24
|