| 1. |
Inleiding
Hierdie omsendbrief moet saamgelees word met die dokument, Nasionale Beleid oor die afneem van die VBOO-vlak 4-eksamens, wat in 2002 aan Openbare Volwasseneleersentrums voorsien is. Hierdie dokument het in Staatskoerant deel 445, 23590 van 5 Julie 2002 verskyn en is [was] beskikbaar op die web by http://www.gov.za/gazette/notices/2002/23590.pdf.
|
| 2.1 |
Ten einde te verseker dat kwalifikasies wat van een jaar tot die volgende verkry word vergelykbaar is met mekaar, word eksamenuitslae gestandaardiseer deur die gehalteversekeringsagentskap, UMALUSI, in oorleg met die nasionale Departement van Onderwys en die Provinsiale Onderwysdepartemente. |
| 2.2 |
Die DASS-punte word dan statisties teen die gestandaardiseerde punte gemodereer volgens 'n formule wat deur die Umalusi Statistiese Komitee ontwikkel en deur die Raad goedgekeur is. Hierdie praktyk sal voortgesit word aangesien die DASS- en portefeuljeproses nog in 'n ontwikkelingsfase is. |
| 3.1 |
In die geval van DASS, kan kandidate wat nie met hulle punt(e) vir 'n taak tevrede is nie, eers by hulle onderwyser protes aanteken. Indien die saak nog nie opgelos word nie, kan verdere protes op hoër vlakke aangeteken word, eers by die sentrumbestuurder en dan, indien nodig, by die kurrikulumadviseur. Die OBOS is verantwoordelik vir die gee van 'n finale beslissing in die geval van `n appèl. |
| 3.2 |
In die geval van die eksamen, kan kandidate binne 30 dae na die bekendmaking van die uitslae aansoek doen om die hernasien van hulle skrifte by die Direktoraat Eksamens, Vyfde Verdieping, Grand Central Towers, Kaapstad. |
| 3.2.1 |
'n Hernasienfooi sal per leerarea gehef word. |
| 3.2.2 |
As die kandidaat steeds ontevrede is na die hernasien, kan hy/sy binne 30 dae na die vrystelling van die hernasienresultate skriftelik aansoek doen om die besigtiging van die skrif. Nadat die kandidaat na die werklike skrif gekyk het, sal hy/sy sewe dae hê om 'n geskrewe voorlegging aan die Onderwyshoof te rig. |
| 4.1 |
UMALUSI is verantwoordelik vir die uitreik van leerarea- en Algemene Onderwys-en-opleidingsertifikate (AOOS'e). |
| 4.2 |
Tans word die AOOS toegeken aan kandidate wat 120 of meer krediete behaal het en `n minimum van agt leerareas voltooi het. |
| 4.3 |
Tabel I: Leerareas vir VBOO-vlak 4
Fundamentele leerareas | Taal, Geletterdheid, Kommunikasie (TGK)
Wiskundige Geletterdheid (WG) |
Kernleerareas | Kuns en Kultuur
Ekonomiese en Bestuurwetenskappe
Menslike en Sosiale Wetenskappe
Lewensoriëntering
Natuurwetenskappe
Tegnologie
Wiskunde, Wiskundige Wetenskappe
Addisionele tale (UMALUSI sal net krediete vir
een addisionele taal aanvaar.) |
Keuseleerareas | Toegepaste Landbou en Landboutegnologie
Aanvullende Gesondheidsorg
Klein-, Medium-, en Mikro-ondernemings
Toerisme |
|
| 4.4 |
Tabel II: Kombinasies van leerareas vir die AOOS
Opsies | Leerareas | Krediete |
1 | TGK, WG
6 kernleerareas | 132 |
2 | TGK, WG
5 kernleerareas
1 keuseleerarea | 126 |
3 | TGK, WG
4 kernleerareas
2 keuseleerareas | 120 |
|
| 4.5 |
Sentrumbestuurders moet rekords behou van alle leerders wat sedert November 2001 VBOO-vlak-eksamens geskryf het en by die Direktoraat Eksamens aansoek doen om `n gekombineerde AOOS wanneer 'n kandidaat voldoen aan die vereistes van die kwalifikasie. |
Bring asseblief die inhoud van hierdie omsendbrief onder die aandag van alle betrokkenes.
GETEKEN: B.K. SCHREUDER
HOOF: ONDERWYS
DATUM: 2004:01:00
|