| 1. |
'n Afskrif van die voorlopige rooster vir die 2004 Senior Sertifikaat-eksamen is aangeheg. |
| 2. |
Eksamens sal 'n aanvang neem met die skryf van die vraestelle vir Afrikaans Eerste Taal en die Afrikatale Eerste Taal wat deur die WKOD aangebied word. Aangesien twee godsdiensvakansiedae vanjaar binne die eksamentydperk val, is Moslem- en Hindoe-kandidate in aanmerking geneem by die opstel van die rooster. Ten einde die oorskryding van die tydperk van 6 weke wat vir die eksamen opsygesit is, te voorkom, sal Vrydaemiddae dus ook vanjaar word. |
| 3. |
Die datums waarop die vraestelle vir die ses nasionale vakke, naamlik Biologie HG en SG, Engels Tweede (Addisionele) Taal HG en SG, Geskiedenis HG en SG, Natuur- en Skeikunde HG en SG, Rekeningkunde HG en SG en Wiskunde HG en SG geskryf word, is deur die nasionale Departement van Onderwys (DvO) bepaal en is nie aan verandering onderworpe nie, behalwe deur nasionale konsensus. |
| 4. |
Vakke wat op die aangehegte rooster as SG aangedui word, word slegs op standaardgraad aangebied. Vakke in die boonste gedeelte van elke blok word in die oggend en dié in die onderste gedeelte in die namiddag geskryf. |
| 5. |
Waar moontlik sal die WKOD kandidate wat ook inskryf vir sekere vakke wat geëksamineer word deur die DvO (N-vakke) en ander eksaminerende liggame, bv. die Onafhanklike Eksamineringsraad (OER) tegemoet probeer kom. Voorkeur sal egter gegee word aan kandidate wat WKOD-vraestelle skryf. |
| 6. |
Skoolhoofde word versoek om die WKOD (Die Hoof: Onderwys (Vir aandag mnr TJ Magwaca), Wes-Kaap Onderwysdepartement, Privaatsak X9114, Kaapstad, 8000 of per faks aan mnr TJ Magwaca by (021) 467 2620) skriftelik voor Maandag 31 Mei 2004 te verwittig van enige botsings in die rooster of van vakke wat moontlik uitgelaat is. Die verskuiwing van 'n vak sal slegs oorweeg word indien dit nie 'n negatiewe uitwerking op die meeste van die kandidate wat daardeur geraak word sal hê nie. |
| 7. |
Die praktiese komponente van die eksamens vir Rekenaarstudie HG and SG val binne die amptelike eksamentydperk. |
| 8. |
Eksamendatums vir vakke wat by WKOD-onderwysinrigtings onderrig word, maar geëksamineer word deur ander eksaminerende liggame, sal later bepaal word. Dit kan aanpassings aan die rooster noodsaak. |
| 9. |
Daar moet in gedagte gehou word dat hierdie 'n voorlopige rooster is wat aan verandering onderworpe is. Die finale eksamenrooster sal teen die einde van die derde kwartaal, na afloop van die aanvanklike verwerking van die eksameninskrywings, aan alle inrigtings gestuur word. |
| 10. |
Skoolhoofde word versoek om alle Senior Sertifikaat-kandidate in kennis te stel dat hulle tot op die laaste dag van die 4de skoolkwartaal beskikbaar moet wees ingeval dit nodig mag wees om die skryf van 'n bepaalde eksamenvraestel te herskeduleer. |
GETEKEN: B.K. SCHREUDER
HOOF: ONDERWYS
DATUM: 2004:05:04
|