1. Die Wes-Kaap Onderwysdepartement (WKOD) se beleid rakende omsendbriewe en omsendminute is bekendgemaak in Omsendbrief 0026/96 van 14 Maart 1996 en 0036/99 van 6 April 1999.
2. Ingevolge die bepalings van bogemelde beleid moet omsendbriewe met die nodige diskresie uitgestuur word en moet hulle dien slegs om kantore, onderwysinrigtings en personeel in te lig oor sake van groot belang vir die WKOD (d.w.s. beleidsake wat nie na willekeur gewysig of verontagsaam kan word nie). Dit beteken dat hulle nie vir algemene en roetine-korrespondensie gebruik moet word nie.
3. Om die gesag en geloofwaardigheid van omsendbriewe te verseker, moet alle WKOD-omsendbriewe wat deur die onderskeie direktorate geïnisieer word, onderteken word deur 'n hoofdirekteur of 'n persoon op 'n hoër vlak as hoofdirekteur. Hierdie persoon aanvaar dus verantwoordelikheid vir daardie spesifieke omsendbrief.
4. Omsendbriewe word in toenemende mate sonder die nodige diskresie en om die verkeerde redes uitgestuur. Verlede jaar (2003) is daar 228 omsendbriewe uitgereik. Sommige van hierdie omsendbriewe het inligting oorgedra wat eerder in 'n omsendminuut uitgestuur moes gewees het. Aangesien die benaming omsendminuut moontlik met omsendbrief verwar kan word, word omsendminuut dus dadelik ingaande na minuut verander.
5. Bring asseblief die inhoud van hierdie omsendbrief onder die aandag van alle belanghebbendes.
6. Enige navrae rakende die inhoud van hierdie omsendbrief kan gerig word aan: 
Me. M.E. Erasmus : tel. 021 467 2765
Me. M.M. Fick    : tel. 021 467 2758


GETEKEN: C.J. FOURIE
HOOF: ONDERWYS
DATUM: 2004:01:05