1. 27 April 2004 sal die einde van die eerste dekade van demokrasie aankondig en die begin van die tweede dekade inlui. Dit is 'n tyd vir feesvierings, danksegging en 'n nuwe toewyding aan die visie van 'n beter lewe vir alle Suid-Afrikaners en 'n tyd om na te dink oor die vordering wat sedert 1994 gemaak is sowel as die uitdaging om hierdie winste te beskerm.
2. Die WKOD en ander provinsiale departemente het besluit op 'n program van aksie (sien aangehegte lys) waarby regeringsdepartemente en onderwysinrigtings betrokke behoort te raak deur deel te neem aan die vierings. Die doel van hierdie program is om hoop te versterk en alle Suid-Afrikaners sowel as die internasionale gemeenskap te verenig in 'n aksie vir 'n beter Suid-Afrika, 'n beter Afrika en 'n beter węreld. Alle onderwysinrigtings word aangemoedig om aktief betrokke te raak by soveel aktiwiteite as moontlik.
3. Skole word aangemoedig om "Die viering van tien jaar van demokrasie" in te sluit in die alledaagse aktiwiteite van die skool vir die volle akademiese jaar van 2004. Temas wat die volgende sleutelboodskappe insluit, behoort gebruik te word:

  • Viering van vryheid wat verwerf is en danksegging

  • Trots in ons prestasies as 'n nasie sedert 1994, in wie ons is en wat ons besig is om te word

  • Erkenning aan mense wat 'n betekenisvolle bydrae gelewer het.

  • Vooruitsigte van verdere vordering, demokrasie en stabiliteit.

  • Inklusiwiteit van alle Suid-Afrikaners
4. In 'n poging om skole wat nie oor bronne beskik nie te help, sal die Onderwysdepartement aan elke skool 'n bronnepakket verskaf wat plakkate van SA se nasionale simbole, die volkslied, nasionale ordes en inligting aangaande nasionale inrigtings bevat. Die pakket sal ook 'n aktiwiteitsboek vir elkeen van die betekenisvolle dae van Suid-Afrikaanse geskiedenis, riglyne vir die aktiwiteite en ons landsvlag insluit.
5. U word versoek om die inhoud van hierdie omsendbrief onder die aandag van die opvoeders, ouers/voogde en leerders van die skool te bring.


GETEKEN: R.B. SWARTZ
HOOF: ONDERWYS
DATUM: 2004:03:24

10-Year Democracy Celebrations: Departmental Activities  (grootte: 56 KB)