Hierdie omsendbrief is in opvolging van Omsendbrief 0222/2003, wat in November 2003 na skole gestuur is. Die HNKV sal in 2005 in grade 4 tot 6 geïmplementeer word. Opleidingskursusse vir primêre skole se bestuurspanne (SBS'e) en vir Intermediêrefase-onderwysers by openbare en onafhanklike skole sal gedurende die Julievakansie in elke OBOS aangebied word. Hierdie kursusse moet voorberei vir die implementering van die HNKV in die Intermediêrefase in 2005.

Die oriëntasie van SBS'e, onderwysers en amptenare vir die implementering van die HNKV in die Intermediêrefase is ‘n gesamentlike poging deur die nasionale Departement van Onderwys, provinsiale onderwysdepartemente, hoër onderwysinstellings, onderwyserunies en diensverskaffers. Die provinsiale opleidingsprogram behels die volgende:

• Opleiding van die WKOD se Provinsiale Kernopleidingspan (PKOS) deur die Nasionale Kernopleidingspan (NKOS): April - Junie 2004

• Opleiding van skoolbestuurspanne en Intermediêrefase-onderwysers deur die PKOS: 1 tot 20 Julie 2004

• Opleiding van amptenare en diensverskaffers deur OBOS- en Hoofkantoorpersoneel gedurende 2004

Die skoolhoof en sy/haar bestuurspan het ‘n deurslaggewende rol as leier en kurrikulumbestuurder te vervul teenoor die personeel, ouers en die gemeenskap, veral gedurende hierdie periode van kurrikulumverandering.

• Die kursus vir skoolbestuurders sal 1½ dag duur en die volgende insluit:

• 'n Oorsig en verklaring van die ontwerpeienskappe, beginsels en konsepte van die HNKV

• Leeruitkomste en assesseringstandaarde in leerareas

• Die ontwikkeling van leerprogramme

• Leerareas teenoor leerprogramme en maniere waarop leerareas gekombineer kan word in die Intermediêrefase

• Tydindeling en roosterbeplanning om onderwys te vergemaklik

• Assesseringsvereistes: vorderings- en ondersteuningskwessies

• Kurrikulumbestuur in ‘n skool

• Administratiewe kwessies

• Seleksie en bestuur van onderrig-en leerondersteuningsmateriaal

• Ontwikkeling van netwerkvorming en ondersteuningsmeganismes

• Response op vrae en kwellinge

• Leeruitkomste en assesseringstandaarde in leerareas

• Vereistes vir assessering: vordering- en ondersteuningkwessies

• Die ontwikkeling van leerprogramme

• Die hantering van leerareas teenoor leerprogramme en die wyse waarop leerareas in die Intermediêrefase kan en behoort gekombineer te word

• Die ontwikkeling van ‘n leerprogram (faseplan), werkskedule (jaarplan) en lesplanne deur die onderwyser vir eie gebruik

• Klaskamerbestuur

• Inklusiewe onderwys

• Differensiasie, insluitend multigraad- en veeltalige klasse

• Opvolgreëlings vir netwerke en ondersteuning na die opleiding

• Respons op vrae en kwellinge

Die kursusse vir onderwysers en skoolbestuurspanne sal afsonderlik by meer as een vergaderplek in elke OBOS aangebied word. Die opleidingsrooster vir 2004 is as volg:

Elke OBOS het ‘n operasionele plan wat verseker dat alle skoolhoofde en alle onderwysers die geleentheid sal hê om die opleiding by te woon. Vir datums en vergaderplekke, sien Bylae A. Die registrasievorms (Bylaes B & C) moet onverwyld aan u OBOS aangestuur word, aangesien spyseniering slegs vir geregistreerde deelnemers sal wees.

Die WKOD sal die vervoerkoste aangegaan na die naaste plek dra, teen departementele tariewe vir diegene in diens van die WKOD. Deelnemers word egter versoek om, waar moontlik, saam te reis. Weens beperkte fondse sal onderwysers van onafhanklike skole en Skool Beheerliggaam aangestelde personeel van hul skole moet eis.

• Vir privaat voertuie: Die voertuig se besonderhede d.i. die fabrikaat, model en enjinkapasiteit (bv. 1300 kub. cm) en ‘n rekord van kilometers afgelê (begin en einde daagliks).

• Vir openbare vervoer: Kwitansies MOET saam met u eis ingedien word.

• Vir taxi-pendelaars: Indien geen kwitansie uitgereik word nie, moet ‘n beëdigde verklaring deur die skoolhoof onderteken word wat die volgende inligting bevat:-

  • Naam en persalnommer

  • Skool

  • Begin- en eindpunte van reis

  • Tarief per rit

  • Datums van eise

  • Bedrag geëis

  • Verklaring dat dit die enigste manier van vervoer beskikbaar was en/of dat dit die goedkoopste opsie was

  GEEN EISE MAG NA DIE KURSUS INGEDIEN WORD NIE.

Alle Intermediêrefase-onderwysers en SBS’e word versoek om vroegtydig by hul OBOS te registreer. Ten einde spyseniering en organisasie te vergemaklik, sluit registrasie om 16:00 op Maandag, 19 April 2004.

Middagete en tee sal vir alle geregistreerde deelnemers voorsien word. Geregistreerde deelnemers word versoek om by die verbintenis te hou.

Skole word sterk aanbeveel om te verseker dat al hul Intermediêrefase-onderwysers dieselfde werkswinkel bywoon, sodat die Intermediêrefase beplanning vir 2005 saam vir die skoolspan kan begin.

‘n Aantal bylaes is ingesluit.

Die suksesvolle implementering van die HNKV as ‘n nasionale kurrikulum is afhanklik van ‘n gedeelde begrip van die kurrikulum en genoegsame voorbereiding deur skoolbestuurders, onderwysers en departementele amptenare.

Die WKOD wil graag onderwysers bedank wat hul reëlings so getref het om die Julievakansie se opleidingsessies by te woon. Daar word vertrou dat dit ‘n vrugbare leerervaring sal wees. Ons wil graag die belangrikheid van die bywoning van opleidingskursusse beklemtoon, sodat ons saam kurrikulumverandering kan bestuur en implementeer tot voordeel van al ons leerders. Ten slotte wil die Departement skoolhoofde en onderwysers vir hul ondersteuning in dié verband bedank.

Hoofde van onderwysinrigtings word versoek om seker te maak dat die inhoud van hierdie omsendbrief onder die betrokke onderwysers se aandag gebring word.