| 1.1 |
|
Die ingeslote rooster vir die eksamen van VBOO vlak 4 in Mei en Junie 2004 is van die Nasionale Departement van Onderwys ontvang. |
| 1.2 |
|
Die eksamen neem op 1 Junie 2004 ‘n aanvang en sal op 22 Junie 2004 ten einde loop. Elke leerarea sal tussen 14:00 en 17:00 geskryf word. Aangesien hierdie assessering `n nasionale proses is, is die datums en die tye landswyd van toepassing en geen afwyking van die datums wat voorgelê is, sal toegelaat word nie. |
| 1.3 |
|
Vir administratiewe doeleindes is dit belangrik dat sentrumbestuurders voor die aanvang en aan die einde van elke assesseringsessie by die sentrums moet wees. |
| 1.4 |
|
Indien `n sentrum se VBOO-assessering op die perseel van `n hoofstroomskool plaasvind, moet die sentrumbestuurder vooraf reëlings tref vir die gebruik van die kluis, die administrasiegebou, klaskamers, toiletgeriewe, ens. |
| 1.5 |
|
Sentrumbestuurders moet die rooster aan alle kandidate en opvoeders beskikbaar stel sodat hulle finale reëlings vir die eksamen kan tref. |
| 1.6 |
|
Sentrumbestuurders moet al hulle kandidate daaraan herinner dat hulle identiteitsdokumente en toelatingsbriewe voor die aanvang van elke assesseringsessie getoon moet word. |
| 2. |
OPSIENERS Sentrums moet seker maak dat hul hoofopsieners en opsieners opleiding ontvang het en bevoeg is om die administrasie van die eksamen te behartig. |
| 3.1 |
|
Net soos in die verlede, sal die skryf van die eksamen deur OBOS-, Hoofkantoor- asook UMALUSI-amptenare gemonitor word. |
| 3.2 |
|
Geen persoon behoort binne die eksamenlokaal toegelaat te word sonder die toon van 'n wettige identifikasiekaart nie. |
| 4. |
ALGEMEEN U word versoek om namens die Departement alle kandidate voorspoed met die assessering toe te wens. |
GETEKEN: P.A. VINJEVOLD
HOOF: ONDERWYS
DATUM: 2004:03:11
|