| 1. |
Die Minister van Onderwys het, na konsultasie met die Raad van Onderwysministers, verlede jaar die besluit geneem, ingevolge artikel 3 (4) (1) van die Nasionale Onderwysbeleidswet soos gewysig in Volume 455 of Government Gazette 24852 of 9 May 2003, [grootte: 111 KB] dat die algemene keerdatum vir die registrasie van kandidate en vakgrade 15 Maart van elke jaar van die eksamen sal wees. |
| 2. |
Ons verwys u na Omsendbrief 0167/2003 wat die sluitingsdatum vir Senior Sertifikaat-inskrywings aandui as 15 Maart van elke jaar van die eksamen. |
| 3. |
Hierdie omsendbrief beklemtoon die inhoud van voorgenoemde omsendbrief met enkele wysigings. |
| 4. |
Indien enige kandidaat sy of haar graad na 15 Maart moet verander, moet die hoof van 'n inrigting die meegaande vorm invul en voorlę saam met ondersteunende dokumentasie (ingesluit 'n mediese sertifikaat waar van toepassing) met die versoek dat die Departement die vakgraad na die regte een sal verander. 'n Departementele komitee sal dan elke aansoek gedurende Mei van elke jaar assesseer. Dit moet benadruk word dat alleenlik aansoeke om graadverandering wat uitsonderlike omstandighede het, oorweeg sal word, en dan slegs op voorwaarde dat die versoeke nie later nie as op 30 April van die jaar waarin die eksamen plaasvind, ontvang word. |
| 5. |
Kandidate wat ongemagtigde vak- of graadveranderinge maak, sal geen uitslag in die betrokke vak ontvang nie. Hulle sal wel toegelaat word om in te skryf vir die vak/graad van hulle keuse wat in Februarie/Maart van die volgende jaar afgeneem word. Die prosedure wat gevolg is in die verlede, nl. om uitslae van hierdie kandidate wat sonder magtiging van graad verander het vir 14 dae terug te hou, is laat vaar. |
| 6. |
Die belangrikheid om die regte standaarde van assessering regdeur graad 10 en 11 te handhaaf en dit te gebruik om die finale besluit te neem vir vak- en graadkeuse, word weereens beklemtoon. |
| 7. |
Hoofde van inrigtings moet daarop let dat die toename in moeilkheidsgraad van die werk of moontlike druiping op die hoër graad nie as buitengewone omstandighede beskou sal word vir laat graadverandering nie. Sulke versoeke sal nie aan die komitee vir oorweging voorgelę word nie. |
| 8. |
Inrigtings moet seker maak dat die onderrig, leer en assessering in graad 10 en 11 van sodanige standaard is dat dit die leerders in staat sal stel om behoorlike graadkeuses te maak wanneer hulle vir die Senior Sertifikaat-eksamen inskryf. Hoofde van inrigtings word ook daaraan herinner dat 'n punt tussen 100 en 159 op hoërgraad outomaties oorgeskakel word na 'n slaagpunt op standaardgraad. |
| 9. |
Hoofde van inrigtings word weer daaraan herinner dat 'n graadverandering slegs by die inrigting gemaak kan word met die ouers se volle goedkeuring. Sien Omsendbriewe 0223/2003, 0167/2003 en 0050/2001 in hierdie verband. |
GETEKEN: R.B. SWARTZ
HOOF: ONDERWYS
DATUM: 2004:03:05
|