1. Die Wes-Kaap Onderwysdepartement wens skole te verwys na die voorskrifte in artikel 38 van die SA Skolewet, Wet 84/1996, soos gewysig. In Suid-Afrika berus die onus op elke persoon en instansie om te verseker dat wetlike voorskrifte uitgevoer word. Skoolhoofde en voorsitters van skoolbeheerliggame (SBL'e) moet dus verseker dat hulle op die hoogte bly van, en voldoen aan alle wette, wysigings, regulasies, beleid en voorskrifte wat betrekking het op die funksionering van skole.

2. Artikel 38 van die SA Skolewet lui soos volg:

38[1] 'n Beheerliggaam van 'n openbare skool moet elke jaar, in ooreenstemming met voorskrifte deur die Lid van die Uitvoerende Raad in 'n provinsiale koerant bepaal, 'n begroting voorberei wat die beraamde inkomste en uitgawe van die skool in die volgende boekjaar uiteensit.

[2] Voordat 'n begroting bedoel in subartikel [1] deur die beheerliggaam goedgekeur word, moet dit aan 'n algemene vergadering van ouers wat met minstens 30 dae kennisgewing belę is, voorgelę word vir oorweging en goedkeuring deur 'n meerderheid van die ouers teenwoordig wat stem.

[3] Die kennisgewing bedoel in subartikel [2] moet ook die ouers in kennis stel dat die begroting beskikbaar sal wees vir insae by die skool vir ten minste 14 dae voor die vergadering.
3. Skole moet bogenoemde voorskrifte nakom. Gedurende die vierde skoolkwartaal moet elke SBL sy begroting vir die volgende jaar voorberei en daarna 'n algemene vergadering van ouers belę om hulle in staat te stel om die begroting te oorweeg.
4. Ten minste 30 dae voordat die vergadering sal plaasvind, moet die SBL 'n brief aan alle ouers rig om hulle in kennis te stel

  • dat die voorgestelde begroting vir ten minste 14 dae voor die datum van die vergadering by die skool besigtig sal kan word.

  • dat die voorgestelde begroting vir ten minste 14 dae voor die datum van die vergadering by die skool besigtig sal kan word.
5. By genoemde vergadering moet die ouers wat teenwoordig is die begroting deur middel van 'n stemming goedkeur of aanpas.
6. Skoolhoofde en voorsitters van SBL'e word daaraan herinner dat nie-nakoming van hierdie wetlike voorskrifte 'n oortreding van die wet is. Indien die voorskrifte dus nie gevolg word nie, sal die proses ingevolge die voorgeskrewe vereistes herhaal moet word.
7. Bring asseblief die inhoud van hierdie omsendbrief onder die aandag van alle skoolpersoneel- en beheerliggaamlede.


GETEKEN: J.H. LYNERS
HOOF: ONDERWYS
DATUM: 2004:02:18