| 1.1 |
|
Isibonelelo esitsha nesinobulungisa sokuqeshwa kwabasebenzi esinxulumene naBasebenzi bakaRhulumente saye saziswa ukususela kumhla woku-1 kuOktobha. Izibonelelo ezitsha zezikhundla ziye zakhutshelwa onke amaziko afanelekileyo kwiveki yokuqala kuOktobha 2002, nekungokunje zilawulwa sisiGqibo 7/2002. |
| 1.2 |
|
Ngomhla we-13 kuJuni 2002 i-Public Service Co-ordinating Bargaining Council (PSCBC) yaye yamkela umqulu osisikhokelo obizwa ngokuba yiFramework Agreement for the Transformation and Restructuring of the Public Service (Resolution 7/2002). Iinkqubo zokwabiwa nokuzaliswa kwazo zonke izikhundla ezixhaswa ngemali ngurhulumente kwanezo zikhundla zeSebe leMfundo leNtshona Koloni ezitsha nezifumanekayo esezivunyiwe liSebe eli ziye zaziswa kwingqwalasela yawo onke amaqela achaphazelekayo kwiSetyhula 0116/2002. |
| 2. |
IIHOSTELE EZINXULUMENE NEZIKOLO ZIKARHULUMENTE |
| 2.1 |
|
Ukubonelelwa kwaBasebenzi bakaRhulumente beehostele ezinxulumene nezikolo zikarhulumente kwakusekwe kumanani abafundi abasisigxina ababesebhalisele ukuhlala ukususela kumhla woku-1 kuAprili 2001. Iihostele ezibhalise abafundi abasuka ku-1-49 abangabahlali abasisigxina ziya kufumana inkxaso yonyaka yama-R3 500, ngomfundi ngamnye ongumhlali, oku kulungiselelwa ngokukodwa ukuqesha abasebenzi. Le nkxaso iya kwenziwa njengentlawulo eya ezihostele, neya kuthi iqaliswe kwixesha elizayo. Iinkcukacha ezithe vetshe ngokuqaliswa kwezi mali-ntlawulo ziya kwiihostele ziya kunikwa ebudeni bexesha. |
| 2.2 |
|
Iihostele ezibhalise ngaphezu kwama-49 abafundi abahlala ezihostele sezabelwe izikhundla ezisisigxina. |
| 3. |
IIHOSTELE EZINXULUMENE NEZIKOLO ZE-ELSEN
Abafundi abakwizikolo ze-ELSEN badinga inkathalo eyodwa nokunonotshelwa (nurturing). Isibonelelo esihleliweyo (rated allowance) siye senziwa kwicandelo ngalinye lezikolo ze-ELSEN ngokunxulumene nezibonelelo zezikhundla zabasebenzi bakarhulumente ababonelela ngokukodwa ngeenkonzo zokonga (caring services) kusongezelelwa kubasebenzi (beenkonzo zokupheka nokucoca), abeehostele zezikolo zeeprayimari zikarhulumente. Kuya kuthi kube nokubonelelwa ngabasebenzi bakarhulumente ukususela ngomhla wokuthi cakatha komfundi wokuqala ezokuhlala ehostele.
|
| 4.1 |
|
Izikhundla ekubonelelwe ngazo kwizikolo zezolimo zisekelwe kwimisebenzi neenkqubo zesikolo ngasinye ezinxulumene nezolimo kwanezinye iimfuno. Imisebenzi yezolimo yezikolo ezithathu eziphantsi kweSebe leMfundo leNtshona Koloni iyahluka kangangokuba zange yenziwe into yokuba kuqulunqwe imigaqo nemimiselo efanayo yokubonelela ngabasebenzi neyayiza kuthi ibonelelane ngokufanelekileyo neemfuno ezifana zodwa zesikolo ngasinye sezolimo. |
| 4.2 |
|
Izibonelelo zezikhundla zabasebenzi ezikwizikolo zezolimo zenza ukuba kube nokubonelelwa ngenkonzo yeentsuku ezingama-365 zonyaka neyenziwa ngaBasebenzi bakaRhulumente. |
| 5.1 |
|
Indlela yokubonelela ngaBasebenzi bakaRhulumente abanxulumene neekholeji zobugcisa iyafana naleyo yemiqathango yokubonelela ngabasebenzi (personnel provisioning scales) beehostele ezinxulumene nezikolo zikarhulumente. |
| 5.2 |
|
Ukuze kube nokukhuthazwa ulawulo oluzimeleyo, kuye kwamkelwa inkqubo ethile yokuhlawulwa kwemali yeehostele ukuze kuhlawulwe abasebenzi abancedisayo. Nakubeni kunjalo, ngenxa yenani elikhulu labaqeshwa abalinani elingaphezulu kweliqingqiweyo (excess employees) abangaphakathi kwiSebe leMfundo leNtshona Koloni, izithuba ezikhoyo kwiziseko esezivunyiwe zokuqesha abasebenzi beekholeji zoqeqesho zititshala ziya kusetyenziselwa ukusasazwa kwakhona kwabasebenzi
abalinani elingaphezulu kweliqingqiweyo. Iintlawulo zeehostele ziya kuqaliswa ebudeni bexesha. |
| 5.3 |
|
Izibonelelo zezikhundla “zeekholeji zobugcisa ezidityanisiweyo” (ezaziwa ngokuba ziiFETI ezintsha1) ziya kuhlaziywa, nje ukuba iiFETI zibe nokuqaliswa ngokupheleleyo. Ngokweli xeshana lenguqu ukubonelelwa kweekholeji ezidityanisiweyo kusekelwe kwizibonelelo zezikhundla ezifanelekileyo nezibanzi zeekholeji zobugcisa ezichaphazelekayo. |
| 6. |
AMAZIKO OKUGCINA ULUTSHA NAWEMFUNDO, IZIKOLO ZE-ELSEN KWANEZO ZIBONELELA NGEZAKHONO EZITHILE
Indlela entsha yokuthintela nokusingathana neengxaki zokuziphatha nokufundisa ulutsha seyaqaliswa. Ezi ndidi zilandelayo zamaziko/zezikolo seziqalisiwe, apho indawo nganye inenkalo ethile eyinika ingqwalasela, abenzelwa iinkonzo (clients) kunye nabasebenzi beenkonzo ezizodwa bakarhulumente:
2 x AmaZiko awoDwa okuGcina uluTsha naweMfundo
(Special Youth Care and Education Centres)
4 x AmaZiko okuGcina uluTsha naweMfundo
(Youth Care and Education Centres)
4 x IZikolo eziXhobisa ngezaKhono
1 x ISikolo saBafundi abaneeMfuno zeMfundo eziZodwa (ELSEN School)
|
| 7. |
UKUQALISWA KWESIGQIBO 7/2002 (INGUQU NOHLENGAHLENGISO LWEENKONZO ZIKARHULUMENTE) |
| 7.1 |
|
Okubalulekileyo kukuba esi sikhokelo sesivumelwano sibonelela ngezi zinto zilandelayo: |
| 7.1.1 |
|
ukusasazwa ngokutsha nokuxhotyiswa ngoqeqesho kwakhona kwabasebenzi |
| 7.1.2 |
|
ukunikwa koncedo lokuqesha okulolunye uhlobo ngaphandle kwemida yeeNkonzo zikaRhulumente |
| 7.1.3 |
|
ukupapashwa kwezithuba zemisebenzi kuluhlu olungavuleleke kumntu wonke nolwenzelwe abasebengaphakathi kwiSebe leMfundo leNtshona Koloni. (Ukuqeshwa kwezi zithuba kuya kuphelela kubasebenzi abaqeshwe isigxina abasebenzela iSebe leMfundo leNtshona Koloni) |
| 7.1.4 |
|
makungabikho kupapashwa kwezikhundla kuya kuvumeleka kuluhlu lwezikhundla ezivulelekileyo ngele kwemvume ekufuneka ibe seyifumanekile kwangaphambili ye-Inter-Departmental Task Team (IDTT) |
| 7.1.5 |
|
ukukhuthazwa kokukhethwa komhlalaphantsi waphambi kwexesha (early retirement) kubaqeshwa abangaphezulu kwinani eliqingqiweyo (excess employees) abangama-55 ubudala nangaphezulu abagqibe ubuncinane i-10 leminyaka yenkonzo etsalelwa kumvuzo wakhe isibonelelo somhlalaphantsi, kungakhange kubekho sohlwayo sokuthotywa kwezibonelelo zomhlalaphantsi |
| 7.1.6 |
|
ukukhutshwa kwephakheji yokuyeka ngokuzithandela (severance package) kwabenze isicelo soko (Ingcombolo ngokunxulumene noku iya kwaziswa kungekudala) |
| 7.1.7 |
|
ukukhutshwa kwephakheji yokuyeka ngokuzithandela kubasebenzi abangaphezulu kwinali eliqingqiweyo nabangenakusasazwa ngokutsha basiwe kwezinye iindawo. |
| 7.2 |
|
NgokwesiGqibo 7/2002 iSebe leMfundo leNtshona Koloni laseka ikomiti eyiDepartmental Task Team (DTT), nemalungu ayo abandakanya ukumelwa ngokulinganayo kwabameli beSebe leMfundo leNtshona Koloni nabaqeshwa balo (Imibutho yaBasebenzi bakaRhulumente). I-Inter-Departmental Task Team (IDTT), emsebenzi wayo ikukongamela (oversight) nokuququzelela imisebenzi ye-DTT leyo ichaphazelekayo, iye yaqaliswa ngaphakathi kwiPhondo leNtshona Koloni. |
| 7.3 |
|
Uhlahlo lwabiwo-mali olulungiselelwe iindleko zokuhlawula abasebenzi lwenza ukuba kube nzima kwiSebe leMfundo leNtshona Koloni ukuba likwazi ukuthwala bonke abasebenzi abangaphezulu kwinani eliqingqiweyo (excess staff) ngokunxulumene nezibonelelo zezikhundla ezigunyazisiweyo kuze okulandelayo kube nokuzaliswa izikhundla ezingenabantu. Ukuzaliswa kwezikhundla ezingenabantu kuxhomekeke kuqala ekufakweni emsebenzini (absorption) okunempumelelo kwabo bonke abasebenzi abangaphezulu kwinani eliqingqiweyo kwizikhundla ezifanelekileyo ezikumaziko/kwizikolo apho ezo zithuba zifumaneka khona kunye/okanye naphi na apho kufumaneka khona izibonelelo zamanani ezikhundla ezivunyiweyo liSebe leMfundo leNtshona Koloni kunye/okanye kuLawulo lwePhondo lweNtshona Koloni (PAWC). Amava abonisa ukuba oku kusasazwa ngokutsha kwabasebenzi, okuxhomekeke kuguquguquko lwezinto, olunjengeemeko zobuqu zomqeshwa ngamnye nezibonelelo zezakhiwo zamaziko ngamanye, asinto ilula konke. IsiGqibo 7/2002 sibonelela ngesikhokelo sokusingatha, phakathi kwezinye izinto, ukufakwa emsebenzini (ukuqeshwa) kananjalo nokusasazwa ngokutsha kwabasebenzi abalinani elingaphezulu kweliqingqiweyo ekufuneka kujongwene nabo. |
| 7.4 |
|
Ngenxa yokuqaliswa kwezibonelelo ezitsha zezikhundla (new staffing establishments) kusenzelwa loo maziko/ezo zikolo zichaphazelekayo inani lezikhundla ezikwiklasi nganye ziye zancitshiswa, zandiswa okanye zagcinwa okanye ezo zikhundla zikwicandelo ngalinye lomsebenzi ziye zasekwa ngokutsha okanye zatshitshiswa nya. Umthetho-siseko weLIFO (last in first out), lowo ungene mva uphuma kuqala, usetyenzisiwe ukubhengeza abasebenzi abakwinani elingaphezulu kweliqingqiweyo kwiziko nakwicandelo lomsebenzi ngamnye (kwezo meko kwakho ukuncitshiswa kwenani lezikhundla kwicandelo leziko/kwisikolo esithile). |
| 7.5 |
|
Bonke abasebenzi abakwinani elingaphezulu kweliqingqiweyo baya kufumana iileta kungekudala ezingqina imeko yabo yokuba kwinani elingaphezulu kweliqingqiweyo, neziya kuthunyelwa kwintloko yeziko/yesikolo eso. Ngaxeshanye, baya kufumana iSivi ebhalwe ngohlobo oluqingqiweyo (pro forma CV) ukuba bayizalise ukuze ibe nokubuyiselwa kwiCandelo: LezoLawulo lwaBasebenzi (ABasebenzi bakaRhulumente) engadlulanga umhla wama-31 kuJanuwari 2003. Kwenziwa isicelo esisodwa esiya kwiintloko zamacandelo/zezikolo ukuba zincedise abasebenzi abachaphazelekayo ukuba bazalise iiSivi zabo baze bangenise iifom ezigqityiweyo kwangethuba. Olu hlobo lweSivi lubonelela ngendawo yokubhala zonke iinkcukacha eziyimfuneko zomntu ngamnye, iziqinisekiso zemfundo, izakhono namava, yaye luya kuncedisa ekulungelelaniseni nasekufakeni abasebenzi beSebe leMfundo leNtshona Koloni okanye boLawulo lwePhondo leKapa (WCED/PAWC) apho kufanelekileyo. Amagama abasebenzi abalinani elingaphezulu kweliqingqiweyo aya kuthi ngokunjalo afakwe kuvimba wengcombolo (kwidathabheyisi) wephondo ukugxininisa ngaphezulu ukusasazwa ngokutsha kwabasebenzi abachaphazelekayo abalinani elingaphezulu kweliqingqiweyo. Ukuze kuququzelwe yaye kungqanyaniswe ngokukuko iinkqubo zokuqesha, iinkcukacha zabo bonke abasebenzi abalinani elingaphezulu kweliqingqiweyo ziya kufakwa kwi-Central Redeployment Database yeDepartment of Public Service and Administration (DPSA). |
| 7.6 |
|
Nangona iSebe leMfundo leNtshona Koloni liya kwenza konke ekusemandleni alo ukufaka emsebenzini (to absorb) abasebenzi abachaphazelekayo abalinani elingaphezulu kweliqingqiweyo ngokwemiqathango yezibonelelo zezikhundla ezivunyiweyo okanye libafake kwezinye iindawo ngaphakathi kwemida yoLawulo lwePhondo leNtshona Koloni (PAWC), uxanduva olumandla lulele kubaqeshwa abalinani elingaphezulu kweliqingqiweyo ngenkqu ukuba benze izicelo zezikhundla ezinokuthi zipapashwe kuluhlu lwemisebenzi olungavuleleke kumntu wonke (closed vacancy) ngaphakathi kwiSebe leMfundo leNtshona Koloni. Abaqeshwa abalinani elingaphezulu kweliqingqiweyo kufuneka bakhuthazwe kananjalo ukuba benze izicelo zezikhundla njengoko ziye zipapashwe kumathuba ngamathuba ngaphakathi kuLawulo lwePhondo lweNtshona Koloni (PAWC) okanye kwiiNkonzo zikaRhulumente ngokubanzi. Bonke abaqeshwa abalinani elingaphezulu kweliqingqiweyo banyanzelekile ukuba bathathe inxaxheba kwinkqubo yokufakwa emsebenzini (absorption)/yokusasazwa ngokutsha nabasebenzi abalayo ngokungekho ngqiqweni ukufakwa emsebenzini/ukusasazwa ngokutsha basiwe kwezinye iindawo baya kuthathwa njengabayekileyo emsebenzini (to have resigned) bengasayi kufumana zibonelelo ezifunyanwa ngabo bayeka ngokuzithandela (severance benefits). IsiGqibo 7/2002 sikwangunyazisa ukuba abasebenzi abalinani elingaphezulu kweliqingqiweyo bathathe inxaxheba ngokubonakalayo (actively participate) kwinkqubo yokusasazwa ngokutsha ukuphepha imeko enokubangela ukuba bathathwe njengabayekileyo kwiiNkonzo zikaRhulumente. |
| 8. |
IZIKOLO ZIKARHULUMENTE NEZE-ELSEN
Izibonelelo zezikhundla (staffing establishments) ezaye zaziswa ngomhla woku-1 Septemba 2000 (kwisigaba sokuqala) zezikolo zikarhulumente neze-ELSEN azikatshintshwa. Abaqeshwa ababebhengezwe njengabalinani elingaphezulu kweliqingqiweyo ngexesha lesigaba sokuqala sale nkqubo nabangekafumani kufakwa ngokukuko emsebenzini/abangekabi nakusasazwa ngokutsha baya kuhlala begcine imeko yabo yokuba belinani elingaphezulu kweliqingqiweyo. Iileta ezazisa abaqeshwa besigaba sokuqala abalinani elingaphezulu kweliqingqiweyo (excess employees) ngemeko yabo engatshintshanga sezikhutshiwe ngokwenxenye yokulandela inkqubo le. Kufuneka kugxininisiwe ukuba abaqeshwa abalinani elingaphezulu kweliqingqiweyo abakwizikolo zikarhulumente nezeELSEN ngokunjalo kuya kujongwana nabo ngokwemiqathango yesiGqibo 7/2002. Kufuneka ke ngoko bacetyiswe ukuba bathathe inxaxheba ngokukuko kwinkqubo yokusasazwa ngokutsha kootitshala, ukuphepha imeko enokwenzeka yokuba bathathwe njengabarhoxe ngele kokufumana izibonelelo ezifunyanwa ngabayeke `ngokuzithandela (severance benefits). Ngaphezulu, kufuneka bakhuthazwe bancediswe kananjalo ukuba benze izicelo zezithuba zemisebenzi ezipapashiweyo. |
| 9. |
IINKONZO EZITHILE EZITSHITSHISIWEYO
Ngenxa yokutshitshiswa kweenkonzo zoKhuseleko nokuNcedisa kwezeNtlalo (Security and Social Auxiliary Services), abaqeshwa abakule misebenzi baye babhengezwa njengabalinani elingaphezulu kweliqingqiweyo. Abo baqeshwa bangekafakwa ngokukuko emisebenzini/bangekasasazwa basiwe kwezinye iindawo baya kugcina imeko yabo yokuba belinani elingaphezulu kuneliqingqiweyo. Iileta ezibaxelela ngemeko yabo engatshintshanga sezikhutshiwe njengenxenye yale nkqubo yangoku. Kufuneka igxininisiwe into yokuba abasebenzi bezokhuseleko nabezokuncedisa kwezentlalo abangaphezulu kwinani eliqingqiweyo baya kujongwa ngokwemiqathango yesiGqibo 7/2002. Kufuneka bacetyiswe ke ngoko ukuba bathathe inxaxheba ngokukuko kwinkqubo entsha yokukusasazwa ngokutsha kwabasebenzi ukuthintela ukuba bathathwe njengabo baye bayeke ngaphandle kokufumana izibonelelo ezifunyanwa ngabayeke ngokuzithandela. Ngaphezulu, kufuneka bakhuthazwe yaye bancediswe ukuba benze izicelo zemisebenzi efanelekileyo epapashiweyo. |
| 10. |
INKXASO KUBAQESHWA ABALINANI ELINGAPHEZULU KWELIQINGQIWEYO |
| 10.1 |
|
Ukubhengezwa njengomntu okwinani elingaphezulu kweliqingqiweyo labasebenzi ngamava adandathekisayo emphefumlweni. Iintloko zamaziko, izikolo namacandelo ee-EMDC neOfisi kaNdlunkulu ziyakhunjuzwa ngomsebenzi wazo njengabaphathi ukuba zinike inkxaso ngokweemvakalelo nezolawulo (emotional and administrative support) abaqeshwa ababhengezwe njengabakwinani elingaphezulu kweliqingqiweyo. Indawo yokuqala ekufuneka inikwe inkxaso yeemvakalelo neyezolawulo ishiyeka ilicandelo, isikolo okanye iziko elo kuqeshwe khona umqeshwa okwinani elingaphezulu kweliqingqiweyo. Njengoko uninzi lwabaqeshwa bethu abakwinani elingaphezulu kweliqingqiweyo bengaxhobe kuya phi ngemfundo, ngumsebenzi wabaphathi ukubancedisa ekubanikeni ulwazi ngezi nkqubo zintsonkothileyo, kananjalo nokunika ingqwalasela kwezo meko zibachaphazela ngabanye. |
| 10.2 |
|
Abaqeshwa abalinani elingaphezulu kweliqingqiweyo abafuna uncedo loososayikholoji/lokucetyiswa ngenxa yokuba bebhengezwe njengabalinani elingaphezulu kweliqingqiweyo kufuneka bakhuthazwe ukuba baqhagamshelane naMaziko oLawulo noPhuhliso lweMfundo (Education Management and Development Centre) (EMDC), apho abantu abaqeqeshelwe lo msebenzi nale njongo bafumaneka khona. |
| 11. |
ABAQESHWA BETHUTYANA (PART-TIME EMPLOYEES) (5/8 NABA-6/8 ABAQESHIWEYO)
Njengoko kungekho zikhundla zikhoyo malunga nesi sibonelelo sezikhundla zabaqeshwa bethutyana beSebe leMfundo leNtshona Koloni, abasebenzi abalinani elingaphezulu kweliqingqiweyo bayakhuthazwa ukuba benze izicelo zezikhundla/zezithuba zesigxina ezipapashiweyo ukulungiselela ukuba bafakwe /baqeshwe isigxina. Nabo ngokunjalo mabathathe inxaxheba ebonakalayo kwinkqubo entsha yokusasazwa ngokutsha ngokwemiqathango yesiGqibo 7/2002 ukunqanda ukuba bangathathwa njengabayekileyo emsebenzini. |
| 12. |
ABAQESHWA BEKHONTRAKTHI (BESIVUMELWANO) |
| 12.1 |
|
Ngenxa yokunqongophala kwemali, okwenziwe mandundu kukuqeshwa rhoqo kwenani eliphakame ngokubaxekileyo kwabaqeshwa bekhontrakthi (besivumelwano), iindlela zokuqesha ngekhontrakthi kwizikhundla ezingenabantu, kubandakanywa nezithuba ezitsha ezisisiphumo sokuqaliswa kokusetyenziswa kwezibonelelo zezikhundla zootitshala ezitsha, ziya kuqwalaselwa kuphela kulandelwa inkqubo yokubalasela kumsebenzi (merit). Iintloko zamaziko/zezikolo kuya kufuneka ukuba zingenise izizathu ezibhaliweyo ezixoxelwe ngokukuko ukuncedisa kwinkqubo yokuthatha izigqibo ngokunxulumene nokubonelela ngabaqeshwa beekhontrakthi (bezivumelwano), njengoko imali ejongene nokuphumeza ezi njongo inqongophele. Ukusasazwa ngokutsha kwabasebenzi abalinani elingaphezulu kweliqingqiweyo nabakwizikhundla ezizaliswe ngabasebenzi abakwiikhontrakthi (kwizivumelwano) ezisisigxina kuya kwenza ukuba imali ibe nokufumaneka ejongene nokufezekisa le njongo. |
| 12.2 |
|
Uninzi lweekhontrakthi (lwezivumelwano) ezininzi zabasebenzi abasisigxina zaye zaphelelwa ngomhla wama-31 kuDisemba 2002. Ezi khontrakthi, apho kuthetheleka khona, ziya kwandiswa kude kube ngomhla wama-31 kuMatshi 2003 ukuze kungabi nakuphazamiseka nkqubo zokuhanjiswa kweenkonzo. Ngenxa zonke, ukuzaliswa kwezithuba ngokusasazwa ngokutsha/ukufakwa emisebenzini kwabasebenzi abangaphezulu kwinani eliqingqiweyo befakwa kwizikhundla ezingenabantu kuya kwenzeka ngomhla woku-1 kuAprili 2003. Iintloko zamaziko achaphazelekayo kufuneka zingenise isicelo esikhatshwa kukuzathuzela ukuba kwandiswe ixesha leekhontrakthi (lezivumelwano) zabasebenzi abaphantsi kwabo beekhontrakthi. Akuyomfuneko ukuba iintloko zamaziko azifake amaxwebhu amatsha okuqesha abasebenzi bekhontrakthi (besivumelwano). Kufuneka kugxininiswe ukuba imeko nganye iya kunikwa ingqwalaselwa ngokobunjani bayo. |
| 12.3 |
|
Bonke abasebenzi bekhontrakthi abasisigxina abaphantsi kwengqesho yeSebe leMfundo leNtshona Koloni ababandakanyeki kwinkqubo yokusasazwa ngokutsha/ukufakwa emsebenzini ngokwemimiselo yesiGqibo 7/2002 yaye bengavumelekile okanye bengenakuqeshwa kwizikhundla ezipapashwe kuluhlu lwezithuba zomsebenzi ezingavuleleke kumntu wonke (closed vacancy lists). Oku kwenzeka ngenxa yokuba kukho abasebenzi abasisigxina abalinani elingaphezulu kweliqingqiweyo kunokuba zifumaneka izikhundla, ngokunjalo nemiqathango ebophelelayo yemali. |
| 12.4 |
|
Ngenxa yokuba zininzi izikhundla zoomabhalane bezolawulo (administrative clerks) ezingenabantu kunokuba kukho oomabhalane bezolawulo abalinani elingaphezulu kweliqingqiweyo, izikhundla ezibanjwe ngabasebenzi bekhontrakthi kweli candelo lezikhundla aziyi kupapashwa ngaphandle kokuba lide iziko ngalinye lenze isicelo esicacileyo kwanokungenisa izizathu ezizizo. Injongo yale nkqubo kukukhuthaza ukuqhubela phambili kokuhanjiswa kweenkonzo. Le nkqubo, ngelishwa, ayinakulandelwa kuwo onke amacandelo ezikhundla njengoko inani labasebenzi abalinani elingaphezulu kweliqingqiweyo ukuza kufikelela ngoku lingaphezulu kakhulu kwinani lezikhundla ezikhoyo ezingenabantu. |
| 13. |
IMEKO YABAQESHWA ABABESAYA KUBA NGABAKARHULUMENTE ABAQESHWE NGAMABHUNGA OLAWULO LEZIKOLO
Izizathu ezichaphazela imali zintsonkothe (comprehensive nature) ngokokude iSebe leMfundo leNtshona Koloni lingabi nawo amandla okubandakanya abo basebenzi baqeshwe libhunga lolawulo lezikolo ngokwemiqathango yesiGqibo 7/2002 kangangokuba iSebe leMfundo leNtshona Koloni alikwazi ukuba lingababandakanya kwizibonelelo zezikhundla zalo okweli xesha.
|
| 14. |
UKUSASAZWA NGOKUTSHA KWABASEBENZI ABANGAPHEZULU KWINANI ELIQINGQIWEYO |
| 14.1 |
|
Inkqubo ethe tyaba yokufakwa emsebenzini (horizontal absorption) ibhekiselele ekusasazweni ngokutsha kwabaqeshwa abalinani elingaphezulu kweliqingqiweyo kwizikhundla ezifanelekileyo nakumanqanaba afanayo emivuzo enjengeyabo babhengezwe njengabalinani eliphezulu kweliqingqiweyo. Umgangatho womqeshwa okwinani elingaphezulu kweliqingqiweyo mawungqamane nowesikhundla eso aya kuthi afakwe/asasazwe ngokutsha asiwe kuwo. Uqeqesho kwakhona lwethutyana kuya kubonelelwa ngalo ukuncedisa ekungqanyanisweni nasekufakweni kwabasebenzi abalinani elingaphezulu kweliqingqiweyo kwizithuba ezifanelekileyo nezikwinqanaba elilinganayo nezangaphambili. |
| 14.2 |
|
Ukusasazwa ngokutsha/ukufakwa kwisikhundla esingaphantsi kuya kunikwa ingqwalasela kuphela ukuba umqeshwa okwinani elingaphezulu kweliqingqiweyo wenza isivumo esibhaliweyo (written consent) sokwamkela isikhundla nomvuzo ongezantsi onxulumene neso sikhundla. |
| 14.3 |
|
Ukusasazwa ngokutsha komsebenzi asiwe kwisikhundla esiphezulu akuvumelekile. Umqeshwa okwinani elingaphezulu kweliqingqiweyo onqwenela ukusasazwa ngokutsha asiwe kwisikhundla esitsha kuya kufuneka enze isicelo seso sikhundla xa sesipapashiwe yaye elindeleke ukuba akhuphisane nabanye abazigqatsileyo abasenokufaka izicelo zezo zikhundla. Akukho msebenzi ukwinani elingaphezulu kweliqingqiweyo owenza isicelo saso nasiphi na isikhundla, nokuba kukwinqanaba lomsebenzi okanye elomvuzo, okanye nayiphi na enye into, unikwa isiqinisekiso ngenxa yemeko akuyo yokuba ekwinani elingaphezulu kweliqingqiweyo, ukuba anganokusasazwa ngokutsha asiwe kwisikhundla eso. |
| 15. |
UKUPAPASHWA KWEZIKHUNDLA EZINGENABANTU |
| 15.1 |
|
Isikhokelo senkqubo ekufuneka ilandelwe ngabenzi-zicelo namabhunga olawulo ezikolo siya kupapashwa kuluhlu lwemisebenzi yeeNkonzo zikaRhulumente oluya kuphuma kwikota yokuqala yowe-2003. ISebe leMfundo leNtshona Koloni lineenjongo zokuba libe selinoninzi lwabaqeshwa abalinani elingaphezulu kweliqingqiweyo abaya kuba sebefakwe ngokweendawo zabo ngomhla woku-1 kuAprili 2003. Ngenxa yobubanzi bale nkqubo yenguqu nohlengahlengiso asiyi kukwazi ukufaka emisebenzini bonke abaqeshwa abalinani elingaphezulu kweliqingqiweyo ngoncedo loluhlu lwemisebenzi olunye kuphela. Eli Sebe lizibophelele ke ngoko ekukhupheni uluhlu lwemisebenzi lwesibini ebutsheni bowe-2003, ukuba inkqubo ebanzi yenguqu neyohlengahlengiso kwiiNkonzo zikaRhulumente, nephantsi kweliso le-DPSA, iya kukuvumela oko. |
| 15.2 |
|
Kufuneka kuqatshelwe ukuba zonke izikhundla ziya kupapashwa zikhatshwa yimiqathango ebekwe ngumgaqo obizwa ngokuba yi-Code of Remuneration (CORE). |
| 16.1 |
|
Ngethuba lesigaba sokuqala sokuhlengahlengiswa kwamanani abasebenzi abakumaziko athile, uninzi lwamaziko ethu aye asebenzisana nathi ngokukodwa ekusasazweni ngokutsha kwabasebenzi abalinani elingaphezulu kweliqingqiweyo. ISebe leMfundo leNtshona Koloni liwuxabise kakhulu umgudu odibeneyo (team effort) likwawubuka kananjalo umoya nengqondo oye wathathwa ngawo lo mba uyintsinda-badala, ngokukodwa indima edlalwe ngamabhunga olawulo lezikolo kule nquleqhu. ISebe leMfundo leNtshona Koloni livakalisa umbulelo ongazenzisiyo ngalo msebenzi usulungekileyo wokusebenza kudityenwe (fine teamwork). |
| 16.2 |
|
Isigaba sesibini sokusasaza ngokutsha abasebenzi/sokwamkelwa ngaphakathi kwabasebenzi abalinani elingaphezulu kweliqingqiweyo siya kuba ngumngeni nangakumbi ngenxa yokuba imimiselo ikho enokukhokelela ukuba abasebenzi abalinani elingaphezu kweliqingqiweyo baphume kwinkonzo ababekuyo. ISebe leMfundo leNtshona Koloni kwakhona libongoza bonke abathathi-nxaxheba ukuba bancedise ekufakeni emsebenzini/ekusasazweni ngokutsha kwabasebenzi abaninzi, ukuba asingebi ngabo bonke, abasebenzi abalinani eliphezulu kweliqingqiweyo kweli nqanaba linzima kangaka kumsebenzi wabo. Intsebenziswano yenu malunga noku yiyo eya kuba sisiqinisekiso sokuphumelela kwale nkqubo. |
| 16.3 |
|
Nayiphi imibuzo kufuneka ibhekiswe kula magosa alandelayo ajongene nokusasazwa ngokutsha kwabasebenzi:
Mnu PW Willemse 021 467 2729
Mnu JJ Olivier 021 467 2470
|
| 16.4 |
|
Nceda uqinisekise ukuba okuqulathwe yile setyhula kuziswa kwingqwalasela yabo bonke aBasebenzi bakaRhulumente abaphantsi kolawulo lwakho, kubandakanywa nabani na ekunokwenzeka ukuba akakho usekhefini okanye ngenxa yesinye isizathu. |
ISAYINWE: NGU- J.H. HURTER
INTLOKO: YESEBE LEMFUNDO
UMHLA: 2003:01:17
|