| 1.1 |
|
Iprogram yezifundo yinkqubo equlathe uludwe lwezinto ezifundwayo. Iprogram yezifundo sisixhobo esilungiselelwe ukwenza umfundi akwazi ukufikelela kwiziphumo zezifundo ezichazwe kwimilinganiselo yemigangatho (unit standards) yeMfundo yaBadala. |
| 1.2 |
|
KumaNqanaba 1-4 eMfundo yaBadala, injongo yeprogram yezifundo kukuchaza ukuba yeyiphi inkqubo yokufunda emayiqhubeke. Ngamanye amazwi, kukujongisisa ukuba
- zeziphi iziphumo abafundi ekufuneka bazifikelele, yaye
- iloluphi ulwazi abafundi ekufuneka benalo ukubonisa ezi ziphumo.
|
| 1.3 |
|
Iprogram yezifundo yenza ootitshala bakwazi ukucwangcisela ukufundisa ngokukuko nemfundo eyiyo nenika umdla kubafundi nefanele imeko eqhubeka ngaphaya kwamagumbi okufundela. |
| 1.4 |
|
KwiMfundo yaBadala yeNqanaba 4, kufuneka iprogram yezifundo iqulunqwe ngohlobo lokuba ikwazi ukulungiselela abafundi abadala ukuba bathi beyipasa babe bebonisa izakhono ezibonakalayo nezivunyiweyo (accredited achievement). |
| 1.5 |
|
IsiHlomelo A sibonelela utitshala weMfundo yaBadala ngomzekelo woxwebhu lokulungiselela iprogram yezifundo. Uxwebhu lokulungiselela iprogram yezifundo oluqulunqelwe ukuba luqhelanise utitshala nezihloko zemilinganiselo yemigangatho (unit standards) ngokunjalo neenjongo ezitsolileyo. lubonise amacandelo ngamacandelo eprogram yezifundo (okuqulathiweyo, imethodoloji, iindidi zovavanyo, ubungqina obufunekayo, izixhobo kunye nexesha elifunekayo) kwasekuqaleni nje. lubonelele ngoncedo kootitshala ekuqapheleni eyona ndlela ilandelelana ngokuthe mbo yeprogram yezifundo.
|
| 1.6 |
|
IsiHlomelo B sicebisa abaphathi bamaziko emfundo oluntu malunga nezixhobo zokuncedisa ekufundeni kunye nengcaciso emayifunyanwe ngootitshala phambi kokuba kuqulunqwe iprogram yezifundo. Kufuneka bonke ootitshala babe nefayili yokugcina iprogram yezifundo (iiprogram zezifundo) yaye ezi zixhobo zokuxhasa imfundo kufuneka zinikwe umphathi weziko lemfundo nomcebisi ngezekharityhulam weMfundo yaBadala bakwenza isicelo soko. |
| 1.7 |
|
IsiHlomelo C sinika utitshala iingcebiso ngamanyathelo abandakanya ukuqulunqwa kweprogram yezifundo.
|
| 1.7.1 |
IsiHlomelo D sinefomathi ekucetyiswa ukuba mayisetyenziswe ngootitshala kumaziko emfundo oluntu. |
|
| 2. |
UKUVAVANYWA KWEEPROGRAM ZEZIFUNDO |
| 2.1 |
|
Luxanduva lwabaphathi beziko lemfundo oluntu ukuvavanya iiprogram zezifundo eziqulunqwe ngootitshala kwiinkalo ngeenkalo zezifundo, kunye nokungenisa ikopi yenkqubo yeprogram yezifundo kumcebisi ngezekharityhulam ngenjongo yokuba ayifundisise aze anike neengcebiso. |
| 2.2 |
|
Makuqatshelwe ukuba akukho mfuneko yokuba ngamnye utitshala abeneprogram yezifundo eyodwa engafani nezinye (unique). Ootitshala banokusebenzisana xa bequlunqa ezi program zezifundo. |
| 2.3 |
|
IsiHlomelo E sinomzekelo wefom yovavanyo ukukhokela abaphathi beziko lemfundo loluntu nootitshala ngokuthi balandele inkqubo yokuqulunqa iprogram yezifundo. |
| 3. |
IZIHLOKO ZEMILINGANISELO YEMIGANGATHO EZIBHALISWE KWI-SAQA EMAZISETYENZISWE XA KUQULUNQWA IIPROGRAM ZEZIFUNDO |
| 3.1 |
|
Kubalulekile ukuba abaphathi nabaququzeleli bamaziko emfundo (site co-ordinators) baqinisekise ukuba ootitshala basebenzisa iintlobo zamaxwebhu okanye iidrafti ezichanekileyo xa kuqulunqwa iiprogram zezifundo. |
| 4.1 |
|
Bakho abacebisi ngezekharityhulam beMfundo yaBadala kwii-EMDC ukunika iingcebiso kubaphathi bamaziko nakootitshala xa kuyimfuneko. |
| 4.2 |
|
Umcebisi ngezekharityhulam weMfundo yaBadala uya kubiza ingcali yezekharityhulam echaphazelekayo okanye uMcwangcisi oMkhulu wezeKharityhulam: kwiCandelo leKharityhulam yeMfundo yaBadala xa kukho imfuneko yenkxaso engaphezulu. |
ISAYINWE: P.A. VINJEVOLD
INTLOKO: YESEBE LEMFUNDO
UMHLA: 2004:04:10
|