1. |
Ithuba lokubasezikhundleni lawo onke amabhunga olawulo ezikolo zikarhulumente onyulwa okanye asekwa ngo-2000 ngokwemiGqaliselo ephathelele kumaBhunga oLawulo eZikolo zikaRhulumente neyapapashwa ngokoMthetho weZikolo waseMzantsi Afrika, 1996 (uMthetho 84 wowe-1996), njengoko ifakelwe izilungiso, liya kuphela ngethuba lokuqhubeka konyaka ka-2003. |
2. |
Ithuba lokubasesikhundleni kwebhunga lolawulo lesikolo lithatha iminyaka emithathu, ukususela kumhla wentlanganiso yokuqala yebhunga lolawulo emva konyulo lwalo. |
3. |
Bayacelwa abalawuli bee-EMDC neenqununu zezikolo zikarhulumente ukuba benze amalungiselelo kwangethuba onyulo lwamabhunga olawulo amatsha ngokungqinelana nale miGqaliselo ekhankanywe apha ngasentla kunye nesiKhokelo seSebe leMfundo esimalunga noku. |
4. |
Kwakhona iSebe leMfundo leNtshona Koloni liza kuqalisa ngoqeqesho lweenqununu njengamagosa onyulo ukwenzela ukuqinisekisa ukuba akukho magingxi-gingxi ngethuba lonyulo nokwenzela ukuba zikwazi ukulusingatha unyulo ngempumelelo. Uqeqesho luya kuqala ngowe-10 Matshi 2003. Iprogram yoqeqesho iza kufumaneka kamva. |
5. |
ImiGqaliselo efakelwe izilungiso nepapashwe kwiGazethi yePhondo eYodwa no. 5946 yowama-31 Januwari 2003 seyithunyelwe ezikolweni ngale Setyhula 24/2003 kunye nesikhokelelo esilungi-Selelwe ulwanyulo lwamabhunga olawulo. Ziyacelwa iinqununu ukuba zize nale miGqaliselo ngethuba zisiza kwiiseshoni zoqeqesho. |
6. |
ISebe leMfundo leNtshona Koloni livakalisa umbulelo kumalungu amabhunga olawulo akhoyo ngoku ngenkonzo yawo yokuzinikela ayenzileyo ngenjongo yokuba kuphumelele imfundo. |
ISAYINWE: NGU-J.H. LYNERS
INTLOKO: YESEBE LEMFUNDO
UMHLA: 2003:02:28
|