1. |
Ngenxa yeSetyhula 0139/2003 yowe-18 Juni 2003 kufike eminye imiyalelo esusela kwimvumelwano ekwafikelelwa kuyo nabeBhunga eliKhulu loThetha-thethwano neMibutho yaBasebenzi (Central Bargaining Chamber), evela kwiSebe leNkonzo kaRhulumente nezoLawulo (Department of Public Service and Administration). Zezi ezona ngongoma ziphambili kwezi zilungiso bezixoxwa nekufikelelwe ezigqibeni ngazo: |
1.1 |
|
Utshintshaniswa kokunikwa iwotshi yesihlahla njengebhaso lokugqiba inkonzo eminyaka engamashumi amathathu ngokuthi endaweni yako unikwe imali engama-R3 000 ukususela ngowoku-1 Apreli 2003 |
1.2 |
|
Ukuguzulwa kwemfuneko yokuba makube yinkonzo encomekayo neyanelisayo okokoko |
1.3 |
|
Ukumana sihlaziywa qho ngonyaka esi sixa-mali silapha ngasentla ngokungqinelana neConsumer's Price Index |
2. |
Ukwenzela ukuba sisebenze ngokwenene esi Sigqibo 6/2003 sePSCBC, kunye nemigqaliselo ekwileta ebhalwe umhla wama-22 Septemba 2003 yeSebe leNkonzo kaRhulumente nezoLawulo, kuza kusebenza la malungiselelo ethutyana alandelayo: |
2.1 |
|
Umqeshwa/utitshala owagqiba inkonzo engazange iqhawulwe yeminyaka engama-30, ngomhla okanye ngaphambi komhla wama-31 Matshi 2003, nowathi, ngokweCandelo XXVIII leSigqibo 3/1999 sePSCBC, wafaneleka ukuba afumane iwotshi yesihlahla, unokunikwa ithuba lokuzikhethela phakathi kokufumana iwotshi yesihlahla njengoko kuchatshazelwe kwiSigqibo 3/1999 sePSCBC okanye isixa-mali esingama-R3 000 njengoko kucacisiwe kwiSigqibo 6/2003 sePSCBC. |
2.2 |
|
Kwimeko apho umqeshwa/utitshala ochatshazelwe kumhlathi 2.1 apha ngasentla akhetha iwotshi yesihlahla, mayithengwe kwimizi yentengiso ngokusebenzisa inkqubo yokuthenga izinto esetyenziswa liSebe leMfundo leNtshona Koloni ngokwalo ngokwemiyalelo ekhutshwa nguMphathiswa weSebe leNkonzo kaRhulumente nezoLawulo. |
2.3 |
|
Umqeshwa/utitshala ololu hlobo ogqibe inkonzo yeminyaka engama-30, akayi kufumana zombini, iwotshi yesihlahla kunye nesixa-mali esingama-R3 000. Ngamanye amazwi, ukuba umqeshwa/utitshala, unikwa iwotshi yesihlahla ngokweSigqibo 3/1999 sePSCBC, akanalungelo lokuphinde afumane isixa-mali esingama-R3 000 okanye ukuba unikwe isixa-mali esingama-R3 000 akanalungelo lokuphinde afumane iwotshi yesihlahla. |
3. |
Ukwenzela ukunceda abaqeshwa/ootitshala ekukhetheni kwabo iiwotshi zesihlahla, ukuba bakhethe iiwotshi, kuqhotyoshelwe apha iikopi zeebrowutsha kunye neenkcukacha (specifications) kwanamaxabiso entengo yazo. Ngelishwa asibanga nako ukufumana iibrowutsha ezinemifanekiso enemibala yokunika onke amaziko emfundo/amacandelo ahlukeneyo eli Sebe leMfundo. |
4. |
Bayacelwa abaqeshwa/ootitshala abafanelekileyo ukuwongwa kwithuba eliya kutsho kowama-31 Matshi 2003 ukuba bazalise le fom yokuzikhethela eqhotyoshelweyo ngokumalunga newotshi yesihlahla okanye nesixa-mali esingama-R3 000 nokuba bacacise gca ezo wotshi bazikhethayo, malunga nohlobo, inombolo yayo (type and model number), ukuba bakhethe iiwotshi. Iza kuhlala isebenza imigqaliselo esisiseko emiselweyo malunga nokutshintsha iintsuku zekhefu ezili-10 emva kwenkonzo yeminyaka engama-20 neentsuku ezili-15 emva kwenkonzo yeminyaka engama-30 zibe yimali kunye nokukhutshwa kwezatifikethi njengoko ichazwe ngokuzeleyo kwiSetyhula 216/2003. |
5. |
Ifom yokuzikhethela ezaliswe zonke iinkcukacha mayithunyelwe ngokumalunga nabasebenzi abangootitshala kuMnu MK Galant, Room 10-06, kuze ngokumalunga nabasebenzi abangezootitshala ithunyelwe kuNksk PD Phillips, Room 10-11, Grand Central Towers, kwidilesi eboniswe kwilethahedi (letterhead). |
6. |
Okona kubalulekileyo ngokumalunga nenkonzo kukuba makube yinkonzo engazange iqhawulwe yeminyaka engama-20 okanye engama-30 kwisebe likarhulumente, kwisikolo sikarhulumente okanye kwisikolo esixhaswa ngemali ngurhulumente okanye kwiziko likarhulumente elimisebenzi yalo nabasebenzi balo batshintshelwa kwiNkonzo kaRhulumente nokuba loo mqeshwa/titshala makabe uqeshwe okanye wayeqeshwe phantsi koMthetho olawula ingqesho kwizithuba ezivunyiweyo ezabelwe ngokusemthethweni la maziko akhankanywe apha ngaphambili. |
7. |
Ibhaso elisisixa-mali esingama-R3 000 liya kuxhuzulwa irhafu ngomthetho werhafu osebenzayo ngoku. |
8. |
Uyacelwa ukuba wazise bonke abasebenzi abaphantsi kolawulo lwakho abafanelekileyo okanye abaya kufaneleka ukuba bawongwe ngenkonzo yabo ende, okubhalwe kule setyhula. |
ISAYINWE: NGU- J.H. HURTER
INTLOKO: YESEBE LEMFUNDO
UMHLA: 2003:12:02
|