| 1. |
Inkqubo yokuthathelwa ingqalelo kwenkonzo ende kwicandelo labasebenzi bakarhulumente ibonelela ukuba kuthathelwe ingqalelo: |
| 1.1 |
|
Inkonzo esisigxina yeminyaka engama-20, engazange iqhawulwe, ezinzileyo, encomekayo nebonisa ukuzinikela iya kuwongwa ngesatifikethi esifanelekileyo yaye kukwakho nokuzikhethela ukutshintshela emalini iintsuku ezili-10 zekhefu lalowo wenze isicelo. |
| 1.2 |
|
Inkonzo esisigxina yeminyaka engama-30, engazange iqhawulwe, ezinzileyo, encomekayo nebonisa ukuzinikela iya kuwongwa ngesatifikethi esifanelekileyo yaye kukwakho nokuzikhethela ukutshintshela emalini iintsuku ezili-15 zekhefu lalowo wenze isicelo. |
| 2. |
Umntu ozanelisayo ezi mfuno zikhankanywe ku-1.1 okanye 1.2 apha ngasentla ukususela ngomhla woku-1 Januwari 2003 ukuya kowama-31 Disemba 2003 unokuqwalaselwa ngenjongo yokuba awongwe. |
| 3. |
Le nkqubo ichaphazela aba bantu balandelayo: |
| 3.1 |
|
Bonke abasebenzi benkonzo karhulumente |
| 4. |
Umntu ochatshazelwayo ngumhlathi 2 makabonise kwisiHlomelo A ukuba ngaba unomnqweno na okanye akanawo umnqweno wokutshintshela emali inani leentsuku ezifumanekayo zekhefu ezikhankanywe kwimihlathi 1.1 no-1.2. Akuba nje esenzile isigqibo malunga noku, eso sigqibo sakhe asisenakutshintshwa. Utshintshelo emalini lwenziwa ngokwenotshi yomvuzo womntu ngomhla afanekele ngawo ukufumana esi sibonelelo sokutshintshelwa kwekhefu emalini. |
| 5. |
Intloko yeziko (umphathi wesekethe omkhulu kwimeko yenqununu) okanye isuphavayiza mayizalise isiHlomelo B ukungqina ukuba umenzi-sicelo wenze inkonzo ezinzileyo nencomekayo. |
| 6. |
Nceda uqaphele ukuba imali efumanekileyo yekhefu elitshintshelwa emalini ixhuzulwa irhafu. |
| 7. |
Ukwenzela ukuba kube nokulungiswa yaye kutshekishwe izatifikethi zenkonzo ende, makungeniswe kweli Sebe leMfundo isiHlomelo C esizaliswe ngokupheleleyo iinkcukacha zabasebenzi abakwindawo osebenza kuyo abazanelisayo iimfuno zeli thuba lisusela ngomhla woku-1 Januwari 2003 ukuya kowama-31 Disemba 2003. Igama elikwisatifikethi liya kupelwa ngohlobo esibhalwe ngayo isazisi saloo mntu. Ukuba umntu unqwenela ukuba lipelwe ngenye indlela igama lakhe, oko makuboniswe kuzo zombini iziHlomelo u-A no-C. |
| 8. |
Ziyabongozwa zonke iintloko kunye/okanye iisuphavayisa ukuba zincede zingenise isiHlomelo C, kunye nezihlomelo ezahlukeneyo u-A no-B zomntu ngamnye ogama lakhe livelayo kwisiHlomelo C, kwiSebe leMfundo ungadlulanga umhla wama-30 Novemba 2003. |
| 9. |
Umbandela omalunga nokunikwa iiwotshi kootitshala nabasebenzi benkonzo karhulumente abanenkonzo yeminyaka engama-30 uya kusingathwa kwenye isetyhula.
|
| 10. |
Siya kuyivuyela kakhulu impendulo yakho ekhawulezileyo. |
ISAYINWE: NGU.J.H. HURTER
INTLOKO: YESEBE LEMFUNDO
UMHLA: 2003:11:10
|