| 1. |
IKhomishoni yoNyulo eZimeleyo (Independent Electoral Commission - IEC) iqalise ngephulo lokwazisa ngonyulo lukazwelonke oluza kuqhutywa ngo-2004. ISebe leMfundo leNtshona Koloni liyalixhasa eli phulo yaye linqwenela ukuvakalisa ukuba abafundi nabazali bayakhuthazwa ukuba basebenzise iinkonzo ezikhoyo ezilungiselelwe ngamasebe karhulumente achaphazelekayo ukwenzela ukuqinisekisa ukuba bayabhaliswa njengabavoti kolu nyulo luzayo. |
| 2. |
Ngako oko ke, ziyacelwa iinqununu ukuba zikhuthaze abafundi ababudala buli-16 leminyaka nangaphezulu ukuba bafumane mahala isazisi esiluhlaza esinebha-khowudi ukuba abakabinaso. Apho amanani akuvumelayo oku, iinqununu zingenza amalungiselelo neSebe leMicimbi yaseKhaya (Department of Home Affairs) ukuba libonelele ngoomahamba-nendlwana (mobile units) okanye ngabasebenzi kwakwenziwa isicelo soko ukuba basingathe ezi zicelo. Kungenjalo mabakhuthazwe abafundi nabazali ukuba baye koomahamba-nendlwana okanye kwii-ofisi zezithili zeSebe leMicimbi yaseKhaya ukuya kufumana izazisi. |
| 3. |
Ziyacelwa kwakhona iinqununu ukuba zenze uphando oluquphayo malunga nabo bafundi abaya kuba befikelele kubudala beminyala eli-18 nangaphezulu, ngako oko ke abaya kuba befanelekile ukuba bangavota ngosuku lonyulo. Apho baliqela mpela abafundi esikolweni abangekabhalisi njengabavoti, izimisele iKhomishoni yoNyulo eZimeleyo ukuba ikhuphe igosa okanye amagosa ukulungiselela le njongo-kwakwenziwa isicelo soko. Ukuba kuthi kungabikho ndlela yakuwenza la malungiselelo, mabakhuthazwe abafundi abachaphazelekayo ukuba babhalise kwii-ofisi zikamasipala wakuloo ndawo, kwii-ofisi zezithili okanye kwiikliniki zalo ndawo. Nayiphi na imibuzo ngokumalunga noku mayibhekiswe kwii-ofisi zezithili zeSebe leMicimbi yaseKhaya ezilapho okanye kule nombolo yefoni yamahala 0800 11 8000. |
| 4. |
Kucelwa wazise bonke abasebenzi, amalungu ebhunga lolawulo kunye nabazali nabafundi besikolo eso okubhalwe kule setyhula ukuze bakuthathele ingqalelo. |
ISAYINWE: NGU-J.H. LYNERS
INTLOKO: YESEBE LEMFUNDO
UMHLA: 2003:11:05
|