| 1. |
Okuqhotyoshelwe apha sisishwankathelo soxwebhu lokurekhoda olusetyenziswa ngokubanzi olungumzekelo woxwebhu oluza kusetyenziswa kwinkalo yesifundo nganye eyenziwa kwiBakala 9. |
| 2. |
Ii-EMDC ziya kuzazisa izikolo ngemihla nangamalungiselelo okumodareyithwa kwamanqaku eBakala 9.
|
| 3. |
Phambi kokuba kuqalise inkqubo yokumodareyithwa kwamanqaku eBakala 9, makufakwe amagama abafundi namanqaku abo oVavanyo Rhoqo (CASS) kwisishwankathelo soxwebhu lokurekhoda. Ukwenzela ukunceda ootitshala, iCandelo leeMviwo liza kubonelela izikolo ezibhalisileyo ngamaxwebhu ezishwankathelo zokurekhoda ezinamagama neenombolo eseziprintwe apho kuzo zabo bonke abafundi beBakala 9 ababhalise esikolweni. |
| 4. |
Makulandelwe le nkqubo ilandelayo xa kuzaliswa izishwankathelo zamaxwebhu okurekhoda:
|
| 4.1 |
|
ICandelo loVavanyo Rhoqo (CASS) |
| 4.1.1 |
|
Bhala igama lenkalo yesifundo kwisithuba esibonelelweyo. |
| 4.1.2 |
|
Bhala iziphumo ezijongwe ukufikelelwa luhlobo lovavanyo kwisithuba esifanelekileyo, umz. SO 1, 3 no- 5. |
| 4.1.3 |
|
Bhala uhlobo lovavanyo. (Khangela kwiSetyhula 0004/2003 nakwiSikhokelo soVavanyo Rhoqo seSigaba saBadala (Senior Phase Continuous Assessment Guidelines) ukufumana iifom zovavanyo ezicetyiswayo zenkalo yesifundo nganye.) |
| 4.1.4 |
|
Bhala amanqaku afunyenweyo kolo hlobo lovavanyo. |
| 4.1.5 |
|
Landela kwale nkqubo eku-4.1.2 kuye ku-4.1.4 kuhlobo ngalunye lovavanyo. |
| 4.1.6 |
|
Dibanisa amanqaku afunyenweyo azo zonke iintlobo zovavanyo ezisetyenziswe kwinkalo yesifundo nganye ize itotali yawo ewonke isetyenzwe ngohlobo lokuba ibe ngu-100. |
| 4.1.7 |
|
Bala amanqaku ngomlinganiselo oza kwenza itotali yawo isuke ku-100 ihle ibe ngu-75. |
| 4.2 |
|
ICandelo lemiSebenzi yeSiqhelo eMiselwe uVavanyo (CTAs) |
| 4.2.1 |
|
Bhala amanqaku eCandelo A. Itotali yamanqaku eCandelo A kwinkalo yesifundo nganye ayifani nenye. |
| 4.2.2 |
|
Bhala amanqaku eCandelo B. Itotali yamanqaku eCandelo B kwinkalo yesifundo nganye ayifani nenye. |
| 4.2.3 |
|
Dibanisa amanqaku eekholam zamaCandelo A no-B ukufumana amanqaku ewonke eCTA. |
| 4.2.4 |
|
Bala amanqaku ngomlinganiselo oza kwenza itotali yeCTA ibe ngu-25. |
| 4.3 |
|
Icandelo lamanqaku ewonke |
| 4.3.1 |
|
Dibanisa amanqaku eCASS atotali yawo ingu -75 kulawo eCTA atotali yawo ingu-25 ukuze ufumane amanqaku omfundi kwitotali engu-100 (njengepesenti). |
| 4.3.2 |
|
Bhala ikhowudi efanelekileyo (1-4) kwikholam elandelayo. Khangela kwiSetyhula 111/2003 xa ufuna ingcaciso malunga neekhowudi ezichaza amanqanaba (descriptors) neepesenti. |
| 5. |
Siyafumaneka esi sishwankathelo soxwebhu lokurekhoda kwikhompyutha (kwi-Excel) kweli ziko lewebhu loPhuhliso lweKharityhulam http://curriculum.wcape.school.za/ kwi-Resources page of the Assessment (General)1. Iprogram ye-Excel iyakwazi ukuzidibanisa amanani ngokwayo ize ithobe neetotali. Abaququzeleli bovavanyo abakwii-EMDC baya kucebisa izikolo ngokusetyenziswa kwefom yekhompyutha xa kwenziwe isicelo soko. Kwakhona banganikwa ingxelo ngokuthe kwaqhubeka (feedback) malunga nale nkqubo yekhompyutha.
1 Click here to download/save a 'zipped' copy of the complete Excel record sheet (Size: 618 KB).
|
| 6. |
NgoNovemba 2003 iCandelo leeMviwo leSebe leMfundo leNtshona Koloni liza kubonelela izikolo ngemakhishiti eveliswa ngekhompyutha ukulungiselela injongo yokufaka iinkcukacha kwiziko ledatha. Olu xwebhu luya kobonelela kuphela itotali yamanqaku eCASS (atotali ingu-75) naweCTA (atotali ingu-25) ngenkalo yesifundo nganye. La maxwebhu aya kuhamba kunye nemiyalelo yokuba azaliswe njani na. |
| 7.1 |
|
Kucelwa wazise bonke abachaphazelekayo okubhalwe kule setyhula. |
| 7.2 |
|
Imibuzo malunga nokubhalwe kule setyhula mayibhekiswe kubalawuli bee-EMDC nakubacebisi ngezekharityhulam abaziintloko bee-EMDC. |
ISAYINWE: NGU-P.A. VINJEVOLD
INTLOKO: YESEBE LEMFUNDO
UMHLA: 2003:10:08
|