• ekungqinweni kwenkqubo ngokweSetyhula 0117/2002 ( khangela kwitshathi eqhotyoshelweyo )

• ekuvunyweni ngabalawuli abaziintloko abachaphazelekayo, o.k.t. uMlawuli oyiNtloko wemiMandla eseziDolophini noMlawuli oyiNtloko wemiMandla esemaPhandleni

• ekufunyanweni kweleta yokutyunjwa evela kuMlawuli waBasebenzi (abangooTitshala)

• ubungqina obanelisayo bokungakwazi kulawula iziko lemfundo

• ubungqina obanelisayo bokuba ezinye iinzame zongenelelo ngoncedo (interventions) ukulungisa imeko ziwe phantsi.

Makuthathwe la manyathelo alandelayo xa kutyunjwa umniki-ngcebiso:

• Qala uzame ukukhetha umniki-ngcebiso ofanelekileyo kwiinqununu ezikuloo sekethe okanye mmandla we-EMDC.

• Kungenjalo, khetha umniki-ngcebiso kwelinye iziko lemfundo elikomnye ummandla we-EMDC, ngokuxhomekeka kwimvume yokukhululwa kwayo ngumlawuli waloo EMDC.

• Ukuba ezi ndlela zikhankanywe apha ngasentla aziphumeleli, i-EMDC echaphazelekayo ingacela iCandelo lezobuDlelwane emiSebenzini (Directorate: Labour Relations) kwaNdlunkulu ukuba likhangele umniki-ngcebiso ofanelekileyo kwiziko ledatha lalo.

• Le nkqubo yokunikwa ingcebiso mayingabi nankcitho-mali eza kwenzeka ngakwiSebe leMfundo leNtshona Koloni.

QAPHELA: Inkqubo yokunikwa ingcebiso isetyenziswa kuphela xa ungenelelo ngoncedo (interventions) olwenziwa nguMphathi weSekethe kunye neKomiti eJongene neMiba ngeMiba yeMfundo (multi-disciplinary team) yeZiko loLawulo noPhuhliso lweMfundo (EMDC) luwe phantsi.

• Ukubeka izinto eziza kwenziwa nezisusela kwiimfuno zesikolo, bakwenze oku bonke kunye (o.k.t. ikomiti yolawulo lwesikolo - school management team)

• Ukubamba iintlanganiso qho nokunika ingxelo ngokuqhubekayo kubo bonke abathathi-nxaxheba esikolweni (o.k.t. ootitshala, ibhunga lolawulo lesikolo nabameli babafundi)

• Ukuhlonipha igunya lenqununu, ukubhungisana nayo qho nokwenza umsebenzi wakhe njengomniki-ngcebiso wayo

• Ukubambisana namalungu abasebenzi besikolo kunye nebhunga lolawulo lesikolo nokugcina isikolo siphethwe ngokufanelekileyo

• Ukudala umoya wesikolo okhuthaza ukusebenza kweqela labasebenzi kunye ngempumelelo nangendlela ehlupheza ingqondo

• Ukubethelela umnqophiso wokuzimisela (mission) nombono (vision) wesikolo ezingqondweni zootitshala nezabafundi

• Ukusebenzisa ikomiti ejongene nemiba ngemiba yemfundo ye-EMDC ekukhuthazeni indawo elungele ukufunda apho esikolweni

• Ukubonelela i-EMDC ngeengxelo zenkqubela eyenzeka apho esikolweni

ISebe leMfundo leNtshona Koloni lijonge ukuba ukutyunjwa komniki-ngcebiso kube yinzuzo kwinqununu echaphazelekayo ngezi ndlela zilandelayo:

• Ukufunyanwa kolwazi nezakhono

• Uphuhliso ngokwasemoyeni (psychological development)

• Ukufumana ukuzithemba komntu yena buqu

• Ithuba lokubonela ukusebenza komniki-ngcebiso

• Ithuba lokucingisisa ngentsebenzo (performance) yayo

• Ukukhula ekwazini umsebenzi wobutitshala

• Ukuziva isekhaya (ingelololo) iphakathi kwabanye abasebenzi

• Inomntu ongomnye enokuthetha naye

• Uphuhliso lwezakhono zobunkokeli

• Umdla ongaphezulu, inkuthazo namandla okuqhuba ulawulo lwesikolo ngokufanelekileyo

• Ithuba lokuqeqeshwa kakuhle izive nayo ilungele nayiphi imeko

• Indlela engatsalela iititshala esikolweni nokugcina ezo sele zikweso sikolo

Imisebenzi yomlondolozi iyafana phantse twatse naleyo yomniki-ngcebiso, mnye kuphela umahluko okukuba umlondolozi yena eneneni uluthathela kuye ulawulo lwesikolo, anike ingxelo kumphathi wesekethe ochaphazelayo kwaye lube semagxeni akhe ngokupheleleyo uxanduva lokuphathwa kwesikolo nokuphendula ngolawulo ngokufanelekileyo kwesikolo. Le nkqubo inokusetyenziswa kuphela njengento yokugqibela emva kokuba iprogram yokunikwa ingcebiso yenziwe de yaya kufikelela esiphelweni.

Inqununu yesikolo esiphantsi kolawulo lomlondolozi iya kunikwa ikhefu elilodwa. Ngeli thuba lekhefu elilodwa iya kuba phantsi koqeqesho okanye imane kuya kwiiseshoni zophuhliso kwi-EMDC, okanye kwamanye amaziko anjenge-Cape Teaching Institute.

• Zama ukukhetha inqununu okanye umphathi wesekethe othathe umhlala-phantsi onolwazi nezakhono eziyimfuneko.

• Umlondolozi utyunjwa kwabo bangasebenzeli iSebe leMfundo leNtshona Koloni yaye kufuneka ke ngoko ahlawulwe.

• Umvuzo womlondolozi mawumiselwe nguMlawuli wezoLawulo lwaBasebenzi (abangootitshala) Director: Personnel Management (CS educators).

Kufuneka abaniki-ngcebiso nabalondolozi

• bagcine imizuzu eneenkcukacha ezininzi ngazo zonke iintlanganiso phakathi kwenqununu nekomiti yokujongana nemiba ngemiba yezemfundo.

• bangenise qho ngeveki iingxelo zenkqubela kumphathi wesekethe.

Ayinako inqununu ukwala ukuthatha inxaxheba kuyo nayiphi na inkqubo yokuyixhobisa ngolwazi, kubandakanywa nokunikwa ingcebiso okanye ukuba phantsi kolawulo lomlondolozi, emva kokuba inikwe izizathu zolu ngenelelo ngoncedo. Ukwala ukuthatha inxaxheba kuyo nayiphi na yezi nkqubo zikhankanywe apha ngasentla kungakhokelela ekuqalisweni kwamanyathelo oluleko ngakuyo.

• Abaniki-ngcebiso ayizongangamela ezize kuzakhela ubukumkani bazo. Ukunika ingcebiso kufuna ukuzimisela ekuphembeleleni umzekelo omhle wophuhliso lwenqununu ekwenzeni umsebenzi wayo. Umoya wentsebenziswano mawukhokelele ekukhuthazweni kokuthanda ukufundisa nokufunda apho esikolweni.

• Makucingwe ngabalondolozi kuphela emva kokuba kwenziwe zonke ezinye iinzame zokulungisa intsebenzo embi ngokusebenzisa abaniki-ngcebiso.